ਗੜ੍ਹਸ਼ੰਕਰ 13 ਮਾਰਚ (ਅਸ਼ਵਨੀ ਸ਼ਰਮਾ) ਟਾਂਡਾ ਵਿਖੇ ਦੋ ਦਰਜਨ ਦੇ ਲਗਭਗ ਕਤਲ ਕੀਤੀਆਂ ਗਊਆਂ ਦੇ ਸਿਰ ਅਤੇ ਅੰਗ ਮਿਲਣ ਤੇ ਹਿੰਦੂ ਜਥੇਬੰਦੀਆਂ ਨੇ ਅੱਜ ਬੰਗਾ ਚੌਂਕ ਗੜ੍ਹਸ਼ੰਕਰ ਵਿਖੇ ਧਰਨਾ ਲਗਾ ਕੇ ਤਿੰਨ ਘੰਟੇ ਤੋਂ ਵੱਧ ਸਮਾਂ ਟਰੈਫਿਕ ਜਾਮ ਕੀਤਾ| ਇਸ ਮੌਕੇ ਐਡਵੋਕੇਟ ਪੰਕਜ ਕਿ੍ਪਾਲ ਨੇ ਕਿਹਾ ਕਿ ਟਾਂਡਾ ਵਿਖੇ ਕਤਲ ਕੀਤੀਆਂ ਗਊਆਂ ਦੇ ਮੁੱਦੇ ਤੇ ਹਿੰਦੂ ਸਮਾਜ ਵਿੱਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ| ਉਨ੍ਹਾਂ ਕਿਹਾ ਕਿ ਰੇਲਵੇ ਪੁਲਿਸ ਨੇ ਇਸ ਸੰਬੰਧੀ ਪਰਚਾ ਦਰਜ ਕਰ ਦਿੱਤਾ ਹੈ, ਪਰ ਹਝੇ ਤੱਕ ਕੋਈ ਗਿਰਫਤਾਰੀ ਨਹੀਂ ਹੋਈ| ਐਡਵੋਕੇਟ ਕਿ੍ਪਾਲ ਨੇ ਧਰਨੇ ਵਿੱਚ ਬੋਲਦਿਆਂ ਗਊਆਂ ਦੇ ਕਤਲ ਦੀ ਸਖਤ ਸ਼ਬਦਾਂ ਵਿੱਚ ਨਿਖੇਧੀ ਕੀਤੀ ਅਤੇ ਇਸ ਨੂੰ ਹਿੰਦੂ ਧਰਮ ਤੇ ਹਮਲਾ ਕਰਾਰ ਦਿੱਤਾ| ਉਨ੍ਹਾਂ ਕਿਹਾ ਕਿ ਗਊ ਹਤਿਆ ਦੇ ਦੋਸ਼ੀ ਤੁਰੰਤ ਗਿਰਫਤਾਰ ਕੀਤੇ ਜਾਣੇ ਚਾਹੀਦੇ ਹਨ| ਉਨ੍ਹਾਂ ਕਿਹਾ ਕਿ ਜੇਕਰ ਗਊ ਹਤਿਆ ਦੇ ਦੋਸ਼ੀਆਂ ਨੂੰ ਜਲਦ ਗਿਰਫਤਾਰ ਨਾਂ ਕੀਤਾ ਗਿਆ, ਤਾਂ ਸੰਘਰਸ਼ ਹੋਰ ਤੇਜ ਕੀਤਾ ਜਾਵੇਗਾ|ਇਸ ਮੌਕੇ ਰਾਣਾ ਚੰਦਰਭਾਨ ਪ੍ਧਾਨ ਗਊਸ਼ਾਲਾ, ਚੇਤਨ ਕੁਮਾਰ, ਰਾਜੀਵ ਰਾਣਾ, ਕੁਲਵਿੰਦਰ ਬਿੱਟੂ, ਸਰਿਤਾ ਸ਼ਰਮਾ, ਪ੍ਣਵ ਕਿ੍ਪਾਲ, ਰਾਜੀਵ ਅਰੋੜਾ, ਕਰਮਜੀਤ ਹਸਤੀਰ, ਗੌਤਮ ਸ਼ਰਮਾ, ਸ਼ੀ੍ ਗੁਰੂ ਰਵਿਦਾਸ ਸੇਨਾ ਤੋਂ ਚੌਧਰੀ ਰਾਹੁਲ ਆਦੋਆਣਾ, ਗੁਰਦੀਪ ਸਿੰਘ, ਰਾਜ ਕੁਮਾਰ, ਦਿਲਵਰ ਸਿੰਘ, ਆਦਿ ਨੇ ਵਿਚਾਰ ਸਾਂਝੇ ਕੀਤੇ| ਇਸ ਮੌਕੇ ਨਰਿੰਦਰ ਔਜਲਾ ਡੀ ਐਸ ਪੀ ਗੜ੍ਹਸ਼ੰਕਰ ਨੇ ਮੌਕੇ ਤੇ ਆ ਕੇ ਧਰਨਾ ਦੇ ਰਹੀ ਹਿੰਦੂ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਤੋਂ ਮੰਗ ਪਤਰ ਲੈ ਕੇ ਟਰੈਫ਼ਿਕ ਜਾਮ ਖੁਲਵਾਇਆ|