ਗੜ੍ਹਦੀਵਾਲਾ 29 ਜਨਵਰੀ (ਚੌਧਰੀ / ਯੋਗੇਸ਼ ਗੁਪਤਾ/ ਪ੍ਰਦੀਪ ਸ਼ਰਮਾ ) : ਅੱਜ ਪਿੰਡ ਤੂਰਾਂ ਵਿਖੇ ਇੱਕ ਘਰ ਦੇ ਬਾਥਰੂਮ ਚੋਂ ਲਗਭਗ 15 ਸਾਲਾਂ ਪ੍ਰਵਾਸੀ ਲੜਕੀ ਦੀ ਲਾਸ਼ ਮਿਲਣ ਦਾ ਸਨਸਨੀ ਖੇਜ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਨਾਲ ਇਲਾਕੇ ਦੇ ਲੋਕਾਂ ਵਿਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਨੀਸ਼ੂ ਦੇਵੀ ਪੁੱਤਰੀ ਰਾਮ ਲੱਖਨ ਨਿਵਾਸੀ ਵੀਰੂਜੋਰ ਜਿਲਾ ਹਰਦੋਈ ਹਾਲ ਨਿਵਾਸੀ ਪਿੰਡ ਲਿੱਟਾਂ ਆਪਣੇ ਪਰਿਵਾਰ ਸਮੇਤ ਰਹਿ ਰਹੀ ਸੀ ।ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਰਹਿਮਤ ਅਲੀ ਪੁੱਤਰ ਮੂਸਾ ਹਾਲ ਨਿਵਾਸੀ ਤੂਰਾਂ ਅਤੇ ਡਰਾਈਵਰ ਬੱਚੂ ਤੇ ਇਸ ਕਤਲ ਦੀਆਂ ਸੂਈਆਂ ਘੁੰਮ ਰਹੀਆਂ ਹਨ।
ਸੁਣੋ ਮ੍ਰਿਤਕ ਲੜਕੀ ਦੇ ਪਿਤਾ ਰਾਮ ਲੱਖਨ ਦੀ ਜਵਾਨੀ ¬
ਮ੍ਰਿਤਕ ਲੜਕੀ ਦੇ ਪਿਤਾ ਰਾਮ ਲੱਖਨ ਨੇ ਦੱਸਿਆ ਕਿ ਬੀਤੇ ਕੱਲ ਮੈਂ ਦਿਹਾੜੀ ਪਰ ਗਿਆ ਹੋਇਆ ਸੀ ਤਾਂ ਵੱਡੀ ਲੜਕੀ ਨੂੰ ਰਹਿਮਤ ਅਲੀ ਨੇ ਪੁੱਛਿਆ ਸੀ ਕਿ ਤੇਰੀ ਛੋਟੀ ਭੈਣ ਕਿੱਥੇ ਆ। ਉਸ ਨੂੰ ਕਿਹਾ ਕਿ ਉਹ ਸੌਦਾ ਲੈਣ ਰਸ਼ਪਾਲਮਾ ਗਈ ਹੋਈ ਹੈ। ਤੇ ਰਹਿਮਤ ਅਲੀ ਰਸ਼ਪਾਲਮਾ ਉਸ ਨੂੰ ਲੈਣ ਲਈ ਪਹੁੰਚ ਗਿਆ। ਬਾਦ ਵਿੱਚ ਲੜਕੀ ਦਾ ਕੋਈ ਪਤਾ ਨਹੀਂ ਲੱਗ ਸਕਿਆ। ਮ੍ਰਿਤਕ ਲੜਕੀ ਦੇ ਪਿਤਾ ਨੇ ਦੱਸਿਆ ਕੀ ਮੈਂ ਲੜਕੀ ਦੇ ਗੁਮ ਹੋਣ ਵਾਰੇ ਪਿੰਡ ਦੇ ਗੁਰਦੁਆਰਾ ਵਿਖੇ ਅਨਾਊਂਸਮੈਂਟ ਵੀ ਕਰਵਾਈ। ਰਾਮ ਲੱਖਨ ਨੇ ਦੱਸਿਆ ਕਿ ਸਵੇਰੇ 10/11 ਵਜੇ ਕੇ ਕਰੀਬ ਰਹਿਮਤ ਅਲੀ ਦਾ ਫੋਨ ਆਇਆ ਕਿ ਆਪ ਦੀ ਲੜਕੀ ਮਿਲ ਗਈ ਹੈ। ਇਕੱਲੇ ਹੀ ਆ ਕੇ ਲੈ ਜਾਵੀਂ। ਜਦੋਂ ਮੈਂ ਪਿੰਡ ਤੂਰਾਂ ਆ ਕੇ ਦੇਖਿਆ ਤਾਂ ਮੇਰੀ ਲੜਕੀ ਬਾਥਰੂਮ ਵਿਚ ਮ੍ਰਿਤਕ ਪਈ ਹੋਈ ਸੀ। ਸੂਤਰਾਂ ਤੋਂ ਇਹ ਵੀ ਪਤਾ ਚੱਲਿਆ ਹੈ ਕਿ ਲੜਕੀ ਨਾਲ ਰੇਪ ਕਰਨ ਤੋਂ ਬਾਅਦ ਉਸ ਨੂੰ ਮਾਰ ਦਿੱਤਾ ਗਿਆ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਡਰਾਈਵਰ ਬੱਚੂ ਦਾ ਰਾਮ ਲੱਖਨ ਦੇ ਘਰ ਕਾਫੀ ਆਉਣਾ ਜਾਣਾ ਸੀ ਅਤੇ ਇਸ ਵਲੋਂ ਰਾਮ ਲੱਖਨ ਨੂੰ ਬੇਟੀ ਦੀ ਲਾਸ਼ ਬਾਥਰੂਮ ਚੋਂ ਜਲਦੀ ਲੈ ਜਾਣ ਲਈ ਦਬਾਅ ਵੀ ਬਣਾਇਆ ਜਾ ਰਿਹਾ ਸੀ। ਇਸ ਮੌਕੇ ਤੇ ਬਾਬਾ ਦੀਪ ਸਿੰਘ ਸੇਵਾ ਦਲ ਅਤੇ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਦੇ ਮੁੱਖ ਸੇਵਾਦਾਰ ਸਰਦਾਰ ਮਨਜੋਤ ਸਿੰਘ ਤਲਵੰਡੀ ਵੀ ਮੌਕੇ ਤੇ ਪਹੁੰਚੇ। ਜਿਨਾਂ ਨੇ ਪਰਿਵਾਰ ਨੂੰ ਪੂਰਾ ਇਨਸਾਫ ਦਿਵਾਉਣ ਦਾ ਭਰੋਸਾ ਦਿੱਤਾ। ਇਸ ਸਬੰਧੀ ਸੂਚਨਾ ਮਿਲਦੇ ਹੀ ਥਾਣਾ ਗੜਦੀਵਾਲਾ ਦੇ ਮੁਖੀ ਇੰਸਪੈਕਟਰ ਬਲਵਿੰਦਰ ਸਿੰਘ ਆਪਣੀ ਟੀਮ ਸਮੇਤ ਘਟਨਾ ਵਾਲੀ ਥਾਂ ਤੇ ਪਹੁੰਚ ਤੇ ਲੜਕੀ ਦੀ ਲਾਸ਼ ਨੂੰ ਕਬਜੇ ਵਿੱਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਤੇ ਡਰਾਈਵਰ ਬੱਚੂ ਅਤੇ ਉਸ ਦੇ ਮਾਲਕ ਰਹਿਮਤ ਅਲੀ ਨੂੰ ਗਿ੍ਰਫਤਾਰ ਕਰ ਲਿਆ ਗਿਆ ਹੈ। ਦਸੂਹਾ ਸਿਵਿਲ ਹਸਪਤਾਲ ਤੋਂ ਪੋਸਟ ਮਾਰਟਮ ਹੋਣ ਉਪਰੰਤ ਹੀ ਘਟਨਾ ਦੀ ਸਾਰੀ ਜਾਂਚ ਸਾਹਮਣੇ ਆਵੇਗੀ।
