ਗੜ੍ਹਸ਼ੰਕਰ 13 ਮਾਰਚ (ਅਸ਼ਵਨੀ ਸ਼ਰਮਾ) ਅੱਜ ਮਾਹਿਲਪੁਰ ਦੇ ਨੇੜਲੇ ਪਿੰਡ ਮੈਲੀ ਦੇ ਪਹਾੜੀ ਇਲਾਕੇ ਵਿਚ ਇਕ ਵਿਅਕਤੀ ਲਾਸ਼ ਮਿਲਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਦਿੰਦਿਆਂ ਪਰਿਵਾਰ ਮੈਂਬਰਾਂ ਨੇ ਦੱਸਿਆ ਕਿ ਰਾਜਾ ਪੁੱਤਰ ਬੰਤ ਰਾਮ ਵਾਸੀ ਪਿੰਡ ਮੈਲੀ ਸ਼ਾਮ ਨੂੰ ਦਿਹਾੜੀ ਲਾਕੇ ਆਪਣੇ ਘਰ ਆਇਆ। ਉਹ ਗਰੀਬ ਹੋਣ ਕਰਕੇ ਉਸ ਦੇ ਘਰ ਰੋਸੋਈ ਗੈਸ ਨਹੀਂ ਸੀ ਤੇ ਰਾਤ ਦੀ ਰੋਟੀ ਬਣਾਉਣ ਲਈ ਬਾਲਣ ਵੀ ਨਹੀਂ ਸੀ। ਜਦੋਂ ਰਾਜਾ ਰਾਤ ਦੀ ਰੋਟੀ ਬਣਾਉਣ ਲਈ ਪਹਾੜਾ ‛ਚ ਬਾਲਣ ਇਕੱਠਾ ਕਰਨ ਲਈ ਗਿਆ ਤਾਂ ਉਸ ਦਾ ਪੈਰ ਅਚਾਨਕ ਤਿਲਕ ਗਿਆ ਤੇ ਉਹ ਪਿੰਡ ਦੇ ਡੈਮ ਵਿਚ ਡਿੱਗ ਗਿਆ। ਥੋੜੀ ਦੇਰ ਬਾਅਦ ਜਦੋਂ ਉਹ ਵਾਪਸ ਨਹੀਂ ਆਇਆ ਤਾਂ ਉਸ ਨੂੰ ਲੱਭਣ ਲਈ ਗਏ ਤਾਂ ਉਹ ਡੈਮ ਵਿਚ ਡਿੱਗਿਆ ਹੋਇਆ ਸੀ ਤੇ ਜਦੋਂ ਉਸ ਨੂੰ ਸਿਵਲ ਹਸਪਤਾਲ ਮਾਹਿਲਪੁਰ ਲੈਕੇ ਆਏ ਤਾਂ ਮੌਕੇ ਤੇ ਮੌਜੂਦ ਡਾਕਟਰਾਂ ਵਲੋਂ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ ਗਿਆ।