ਸੜਕ ਦੇ ਕਿਨਾਰੇ ਲੱਗੇ ਦਰੱਖਤਾਂ ਤੋਂ ਸੁੱਕਾ ਟਹਿਣਾ ਡਿੱਗਣ ਨਾਲ ਐਕਟਿਵਾ ਸਵਾਰ ਵਿਅਕਤੀ ਗੰਭੀਰ ਜਖਮੀ 

ਗੜ੍ਹਦੀਵਾਲਾ 30 ਜੂਨ (ਚੌਧਰੀ) : ਅੱਜ ਸ਼ਾਮ ਹਨੇਰੀ ਚੱਲਣ ਨਾਲ ਸਕੂਟਰੀ ਸਵਾਰ ਵਿਅਕਤੀ ਦੇ ਸਿਰ ਤੇ ਸੜਕ ਕਿਨਾਰੇ ਲੱਗੇ ਦਰੱਖਤਾਂ ਤੋਂ ਟਹਿਣਾ ਟੁੱਟ ਕੇ ਡਿੱਗਣ ਨਾਲ ਗੰਭੀਰ ਸੱਟਾ ਲੱਗਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।

ਮਿਲੀ ਜਾਣਕਾਰੀ ਅਨੁਸਾਰ ਰਿਟਾਇਰਡ ਮਾਸਟਰ ਤਰਲੋਚਨ ਸਿੰਘ ਵਾਸੀ ਮਸੀਤੀ ਜੋ ਆਪਣੇ ਨਿਜੀ ਕੰਮ ਲਈ ਆਪਣੇ ਪਿੰਡ ਤੋਂ ਦੌਸੜਕਾ ਵੱਲ ਆਪਣੀ ਸਕੂਟਰੀ ਪੀ ਬੀ 07 ਬੀ ਐਲ 4311 ਤੇ ਸਵਾਰ ਹੋ ਕੇ ਜਾ ਰਿਹਾ ਸੀ ਜਦੋਂ ਉਹ ਪਿੰਡ ਖਿਆਲਾ ਬੁਲੰਦਾਂ ਭੱਠੇ ਕੋਲ ਪੁੱਜੇ ਤਾਂ ਅਚਾਨਕ ਸੜਕ ਕਿਨਾਰੇ ਲੱਗੇ ਦਰੱਖਤਾਂ ਤੋਂ ਇੱਕ ਸੁੱਕਾ ਟਹਿਣਾ ਟੁੱਟ ਕੇ ਉਨਾਂ ਉੱਪਰ ਆ ਡਿੱਗਿਆ। ਜਿਸ ਨਾਲ ਉਨਾਂ ਦੇ ਸਿਰ ਵਿਚ ਗੰਭੀਰ ਸੱਟਾਂ ਲੱਗੀਆਂ ਹਨ। ਉੱਥੋਂ ਦੀ ਲੰਘ ਰਹੇ ਰਾਹਗੀਰਾਂ ਨੇ ਤੁਰੰਤ ਬਾਬਾ ਦੀਪ ਸਿੰਘ ਸੇਵਾ ਦਲ ਅਤੇ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਨੂੰ ਘਟਨਾ ਸਬੰਧੀ ਸੁਚਿਤ ਕੀਤਾ।ਉਨ੍ਹਾਂ ਨੇ ਤੁਰੰਤ ਸੋਸਾਇਟੀ ਦੀ ਐਬੁਲੈਂਸ ਭੇਜ ਕੇ ਉਨ੍ਹਾਂ ਨੂੰ ਭੁੰਗਾ ਹਸਪਤਾਲ ਵਿਖੇ ਦਾਖਲ ਕਰਵਾਇਆ।ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਡਾਕਟਰਾਂ ਨੇ ਉਸ ਹਾਲਤ ਨੂੰ ਗੰਭੀਰ ਦੇਖਦੇ ਹੋਏ ਉਸ ਨੂੰ ਹੁਸ਼ਿਆਰਪੁਰ ਰੈਫਰ ਕਰ ਦਿੱਤਾ ਹੈ।