ਦਸੂਹਾ 15 ਮਾਰਚ (ਚੌਧਰੀ) 

ਦਸੂਹਾ ਵਿਧਾਨਸਭਾ ਦੇ ਸਰਵਪੱਖੀ ਵਿਕਾਸ ਲਈ ਭਾਜਪਾ ਬਚਨਵੱਧ : ਸੰਜੀਵ ਮਨਹਾਸ

: ਦਸੂਹਾ ਦੇ ਪਿੰਡ ਮੱਕੋਵਾਲ ਵਿਖ਼ੇ ਇੱਕ ਪ੍ਰਭਾਵਸ਼ਾਲੀ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ ਜਿਸ ਵਿੱਚ ਮੁੱਖ ਮਹਿਮਾਨ ਵਜੋਂ ਪੁੱਜੇ ਕੇਂਦਰੀ ਮੰਤਰੀ ਸ਼੍ਰੀ ਸੋਮ ਪ੍ਰਕਾਸ਼ ਵੱਲੋ ਮੱਕੋਵਾਲ ਤੋ ਬਡਲਾ 8ਕਰੋੜ 40ਲੱਖ ਰੁਪਏ ਨਾਲ਼ 12 ਕਿਲੋਮੀਟਰ ਪ੍ਰਧਾਨਮੰਤ੍ਰੀ ਸੜਕ ਯੋਜਨਾ ਤਹਿਤ ਬਣੀ ਸੜਕ ਦਾ ਉਦਘਾਟਨ ਕੀਤਾ ਗਿਆ।ਇਸ ਮੌਕੇਂ ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਨੇ ਲੋਕਾ ਦੇ ਇੱਕਠ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਇਹ ਸੜਕ ਦੇ ਬਣਨ ਨਾਲ ਇਲਾਕੇ ਦੇ ਬਹੁਤ ਸਾਰੇ ਪਿੰਡਾਂ ਨੂੰ ਫ਼ਾਇਦਾ ਮਿਲੇਗਾ। ਉਨ੍ਹਾਂ ਕਿਹਾ ਕੇ ਇਲਾਕੇ ਦੀ ਤਰਕੀ ਵਿੱਚ ਇੱਕ ਵਡਾ ਯੌਗਦਾਨ ਚੰਗੀਆ ਸੜਕਾਂ ਦਾ ਵੀ ਹੁੰਦਾ ਹੈ। ਉਹਨਾਂ ਦੱਸਿਆ ਕਿ ਕੇਂਦਰ ਵਲ੍ਹੋਂ ਕੰਢੀ ਇਲਾਕੇ ਦੀਆਂ ਸਹੂਲਤਾਂ ਲਈ ਭਾਰਤ ਸਰਕਾਰ ਵਲੋਂ ਵਹੁਤ ਸਾਰੇ ਕੰਮ ਕੀਤੇ ਗਏ ਹਨ। ਇਸ ਤੋਂ ਪਹਿਲਾਂ ਵੀ ਸ਼ਿਆਮਾ ਪ੍ਰਸਾਦ ਮੁਖਰਜੀ ਯੋਜਨਾਂ ਦੇ ਤਹਿਤ ਸੰਸਾਰਪੁਰ ਕਲੱਸਟਰ ਵਿੱਚ ਕੰਢੀ ਲਈ ਸਕੀਮ ਬਣਾਈ ਗਈ ਸੀ ਜਿਸ ਨਾਲ ਕਰੋੜਾ ਰੁਪਿਆ ਦੀ ਲਾਗਤ ਨਾਲ ਕਮਿਊਨਿਟੀ ਸੈਂਟਰ ਤੇ ਸੜਕਾਂ ਬਣਾਈਆਂ ਗਈਆਂ ਸਨ । ਉਨ੍ਹਾਂ ਕਿਹਾ ਮੋਦੀ ਸਰਕਾਰ ਵਲੋਂ ਪਿੰਡਾਂ ਦੇ ਵਿਕਾਸ ਲਈ ਵਹੁੱਤ ਸਾਰੀਆਂ ਗ੍ਰਾਂਟਾਂ ਦਿੱਤੀਆ ਗਈਆਂ ਹਨ। ਇਸ ਮੌਕੇ ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਜੀ ਨੇ ਸੰਬੋਧਨ ਕਰਦੇ ਹੋਏ ਹਲਕੇ ਦੇ ਵਿਕਾਸ ਦੀ ਗੱਲ ਕਰਦੇ ਹੋਏ ਕਿਹਾ ਕੇ ਦੌਲਤਪੁਰ ਤੋਂ ਬਾਇਆ ਤਲਵਾੜਾ ਮੁਕੇਰੀਆਂ ਤਕ ਰੇਲ ਲਾਈਨ ਦਾ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਇਲਾਕੇ ਦੀ ਲੰਬੇ ਸਮੇਂ ਤੋਂ ਕੀਤੀ ਜਾ ਰਹੀ ਮੰਗ ਪੂਰੀ ਹੋ ਗਈ ਹੈ।ਜਿਸ ਨਾਲ ਆਮ ਲੋਕਾਂ ਨੂੰ ਸਹੂਲਤ ਮਿਲੇਗੀ। ਉਨ੍ਹਾਂ ਕਿਹਾ ਕੇ ਜਲ਼ ਮਿਸ਼ਨ ਤਹਿਤ ਤਲਵਾੜੇ ਤੋ ਲਿਫਟ ਕਰਕੇ ਕੰਡੀ ਇਲਾਕ਼ੇ ਦੇ ਪਿੰਡਾਂ ਵਿਚ ਪੀਣ ਵਾਲਾ ਪਾਣੀ ਪਹੁੰਚਾਉਣ ਲਈ ਕੰਮ ਚਲ਼ ਰਿਹਾ ਹੈ । ਇਸ ਮੌਕੇਂ ਪ੍ਰਦੇਸ਼ ਵਰਕਿੰਗ ਕਮੇਟੀ ਦੇ ਮੈਬਰ ਸੰਜੀਵ ਮਨਹਾਸ ਨੇ ਸਭੋਧਨ ਕਰਦੇ ਕਿਹਾ ਕਿ ਮਕੋਵਾਲ ਤੋ ਸੰਸਾਰਪੁਰ , ਸੰਘਵਾਲ,ਅਗਲੋਰ, ਡਡਿਆਲੀ, ਨੇਕਨਾਮਾ, ਚੱਕਫਾਲਾ , ਸਰੋੜਾ ਪਿੰਡਾ ਤੋ ਹੁੰਦੀ ਹੋਈ ਬਡਲਾ ਤੱਕ 4 ਕਰੋੜ ਰੁਪਏ ਨਾਲ਼ ਪ੍ਰਧਾਨਮੰਤ੍ਰੀ ਸੜਕ ਯੋਜਨਾ ਤਹਿਤ ਸੜਕ ਬਣਾਉਣ ਲਈ ਪ੍ਰਧਾਨਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਜੀ ਅਤੇ ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਜੀ ਦਾ ਬਹੁਤ ਬਹੁਤ ਧੰਨਵਾਦ। ਮਨਹਾਸ ਨੇ ਕਿਹਾ ਕਿ ਇਸ ਸੜਕ ਦੇ ਬਣਨ ਨਾਲ ਸਾਡੇ ਕੰਢੀ ਇਲਾਕੇ ਨੂੰ ਵਡਾ ਫ਼ਾਇਦਾ ਮਿਲੇਗਾ। ਉਨ੍ਹਾਂ ਪੰਜਾਬ ਸਰਕਾਰ ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਝੂੱਠ ਬੋਲ ਕੇ ਬਣੀ ਸਰਕਾਰ ਤੋ ਅੱਜ ਹਰ ਵਰਗ ਦੁੱਖੀ ਹੈ। ਇਸ ਮੌਕੇਂ ਜੰਗੀ ਲਾਲ ਮਹਾਜਨ ਵਿਧਾਇਕ ਮੁਕੇਰੀਆਂ,ਭਾਜਪਾ ਪ੍ਰਧਾਨ ਅਜੈ ਕੋਸ਼ਲ ਸੇਠੂ,ਐਕਸੀਅਨ ਮਨਜੀਤ ਸਿੰਘ, ਐਸ ਡੀ ਓ ਸੋਢੀ, ਐਸ ਡੀ ਓ ਸਤਪਾਲ ਸਿੰਘ, ਤਹਿਸੀਲਦਾਰ ਮਨਬੀਰ ਢਿੱਲੋਂ,ਮੰਡਲ ਪ੍ਰਧਾਨ ਕੈਪਟਨ ਸ਼ਾਮ ਸਿੰਘ, ਐਡਵੋਕੇਟ ਵਿਸ਼ਾਲ ਦੱਤਾ, ਵਿਨੋਦ ਕੁਮਾਰ ਮਿੱਠੂ ਯੋਗੇਸ਼ ਸਪਰਾ, ਬਲਕੀਸ਼ ਰਾਜ, ਡਿੱਕੀ ਰਾਣਾ, ਸਰਵਜੀਤ ਸਿੰਘ, ਰਘਵੀਰ ਸਿੰਘ,ਡਾ ਬਲਵੰਤ ਰਾਏ, ਕਪਿਲ ਸ਼ਰਮਾ, ਸਰਪੰਚ ਅਜੇ ਕੁਮਾਰ,ਸੂਬੇਦਾਰ ਕਿਰਪਾਲ ਸਿੰਘ, ਵਿਪਣ ਕੁਮਾਰ, ਪੁਸਪਿੰਦਰ ਸ਼ਿਵ ਕੁਮਾਰ, ਮਨਜੀਤ ਮੱਕੋਵਾਲ, ਰਸ਼ਪਾਲ ਡਡਵਾਲ,ਮੰਗਲ ਸਿੰਘ, ਸਰਪੰਚ ਜਸਪਾਲ ਸਿੰਘ, ਅਨੰਦ ਸਰੂਪ ਸਤੀਸ਼ ਕੁਮਾਰ, ਸੁਬੇਦਾਰ ਕ੍ਰਿਸ਼ਨ ਮੱਕੋਵਾਲ , ਮਾਸਟਰ ਮਹਿੰਦਰ ਆਦਿ ਵੱਡੀ ਗਿਣਤੀ ਵਿੱਚ ਭਾਜਪਾ ਵਰਕਰ ਹਾਜ਼ਰ ਸਨ।