ਪੋਜੇਵਾਲ ਦੇ ਸੜਕ ਹਾਦਸੇ ਚ ਜਖਮੀ ਹੋਏ ਨੌਜਵਾਨ ਦੀ ਇਲਾਜ ਦੌਰਾਨ ਮੌਤ

ਬਲਾਚੌਰ 1 ਅਪੈ੍ਲ (ਜਤਿੰਦਰ ਪਾਲ ਸਿੰਘ ਕਲੇਰ ):  ਪਿਛਲੇ ਦਿਨੀ ਪੋਜੇਵਾਲ ਦੇ ਵਾਸੀ ਪਰਮਜੀਤ ਸਿੰਘ (35) ਪੁੱਤਰ ਸੁੱਚਾ ਸਿੰਘ ਦੀ ਕੰਮ ਤੋਂ ਘਰ ਵਾਪਸ ਆਉਦੇ ਸਮੇਂ ਕਿਸੇ ਅਣਪਛਾਤੇ ਵਾਹਨ ਨਾਲ ਟੱਕਰ ਹੋਣ ਕਾਰਣ ਉਹ ਗੰਭੀਰ ਜਖਮੀ ਹੋ ਗਿਆ ਸੀ ਅਤੇ ਨਵਾਸ਼ਹਿਰ ਦੇ ਪਾ੍ਈਵੇਟ ਹਸਪਤਾਲ ਵਿੱਚ ਉਪਚਾਰ ਅਧੀਨ ਸੀ ਪਰ ਪਿਛਲੇ ਦਿਨੀ ਉਸ ਦੀ ਮੌਤ ਹੋ ਗਈ। ਪਰਮਜੀਤ ਪੰਮਾ ਦੀ ਬੇਵਕਤੀ ਮੌਤ ਤੋਂ ਬਾਅਦ ਇਲਾਕੇ ਚ ਸੋਗ ਦੀ ਲਹਿਰ ਫੈਲ ਗਈ। ਅਜ ਪਰਮਜੀਤ ਪੰਮਾ ਦਾ ਵੱਡੀ ਗਿਣਤੀ ਵਿੱਚ ਸੇਜੱਲ ਅੱਖਾਂ ਨਾਲ ਪੋਜੇਵਾਲ ਦੇ ਸਮਸਾਨਘਾਟ ਵਿਖੇ ਅਤਿੰਮ ਸੰਸਕਾਰ ਕੀਤਾ ਗਿਆ। ਵੱਖ ਵੱਖ ਰਾਜਨੀਤਕ ਪਾਰਟੀ ਦੇ ਆਗੂਆਂ, ਸਮਾਜਸੇਵੀਆ ਨੇ ਪਿਤਾ ਸੁੱਚਾ ਸਿੰਘ ਤੇ ਚਾਚਾ ਮਾਸਟਰ ਮਹਿੰਦਰ ਪਾਲ ਨਾਲ ਇਸ ਅਣਹੋਣੀ ਘਟਨਾ ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।