ਸੰਤੁਲਨ ਖੋਹਣ ਤੇ ਸੀਮੇਂਟ ਨਾਲ ਲੱਦਿਆ ਟਰਾਲਾ ਪਲਟਿਆ ,ਡਰਾਈਵਰ ਤੇ ਉਸਦਾ ਸਾਥੀ ਬਾਲ-ਬਾਲ ਬਚੇ

ਗੜ੍ਹਦੀਵਾਲਾ 10 ਜੂਨ(ਚੌਧਰੀ) : ਅੱਜ ਸਵੇਰੇ ਚਾਰ ਵਜੇ ਦੇ ਕਰੀਬ ਖਾਲਸਾ ਕਾਲਜ ਗੜ੍ਹਦੀਵਾਲਾ ਦੇ ਸਾਹਮਣੇ ਵੱਡਾ ਹਾਦਸਾ ਹੋਣੋਂ ਉਸ ਸਮੇਂ ਟੱਲ ਗਿਆ ਜਦੋਂ ਹੁਸ਼ਿਆਰਪੁਰ ਵਲੋਂ ਆ ਰਿਹਾ ਸੀਮੇਂਟ ਨਾਲ ਲੱਦਿਆ ਟਰਾਲਾ ਅਚਾਨਕ ਸਾਹਮਣੇ ਗੱਡੀ ਆਉਣ ਨਾਲ ਸੰਤੁਲਨ ਖੋਹਣ ਤੇ ਪਲਟ ਗਿਆ।

ਇਸ ਗੱਡੀ ਦੇ ਡਰਾਈਵਰ ਗੁਰਮਿੰਦਰ ਸਿੰਘ ਪੁੱਤਰ ਪਰਮਿੰਦਰ ਸਿੰਘ ਤੇ ਸਾਥੀ ਬਲਵਿੰਦਰ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਟਰਾਲਾ ਨੰਬਰ ਪੀ ਬੀ 11 ਸੀ ਐਲ 4660 ਅੰਬੂਜਾ ਫੈਕਟਰੀ ਰੋਪੜ ਤੋਂ ਸੀਮੇਂਟ ਦੇ ਬੋਰੇ ਲੈ ਕੇ ਮਿਲਟਰੀ ਏਰੀਆ ਪਠਾਨਕੋਟ ਜਾ ਰਹੇ ਸਨ। ਇੱਕ ਤੇਜ ਰਫਤਾਰ ਯੂਪੀ ਨੰਬਰ ਬੱਸ ਨੇ ਉਨ੍ਹਾਂ ਦੀ ਸੀਮੇਂਟ ਦੀ ਲੱਦੀ ਗੱਡੀ ਨੂੰ ਤੇਜ ਰਫਤਾਰ ਨਾਲ ਕ੍ਰਾਸ ਕੀਤਾ ਅਤੇ ਅੱਗੋਂ ਆ ਰਹੀ ਕਿਸੇ ਹੋਰ ਗੱਡੀ ਨੂੰ ਦੇਖ ਕੇ ਬੱਸ ਦੇ ਡਰਾਈਵਰ ਨੇ ਕੱਟ ਮਾਰ ਕੇ ਬੱਸ ਅਚਾਨਕ ਅੱਗੇ ਕਰ ਦਿੱਤੀ।ਡਰਾਈਵਰ ਗੁਰਮਿੰਦਰ ਨੇ ਦੱਸਿਆ ਕਿ ਉਨ੍ਹਾਂ ਅੱਗੇ ਬਿਨਾਂ ਇੰਡੀਕੇਟਰ ਜਗਾਏ ਖੜ੍ਹੀ ਚੂਚਿਆਂ ਲੱਦੀ ਗੱਡੀ ਸਾਹਮਣੇ ਆਉਣ ਨਾਲ ਸੰਤੁਲਨ ਵਿਗੜ ਗਿਆ ਜਿਸ ਨਾਲ ਟਰਾਲਾ ਪਲਟ ਗਿਆ।ਟਰਾਲਾ ਡਰਾਈਵਰ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਇਸ ਸਬੰਧੀ ਥਾਣਾ ਗੜ੍ਹਦੀਵਾਲਾ ਪੁਲਿਸ ਨੇ ਮੌਕੇ ਤੇ ਪਹੁੰਚ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।