ਗੜ੍ਹਦੀਵਾਲਾ (ਚੌਧਰੀ)
14 ਜਨਵਰੀ : ਸ਼ੁਭਮ ਸਹੋਤਾ ਗੜਦੀਵਾਲਾ ਜ਼ਿਲਾ ਮੀਤ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਹੁਸ਼ਿਆਰਪੁਰ ਨੇ ਇੱਕ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਭਾਰਤ ਜੋੜੋ ਯਾਤਰਾ ਦਾ ਡਰਾਮਾ ਰਾਜਨੀਤਿਕ ਤੌਰ ਤੇ ਖ਼ਤਮ ਹੋ ਚੁੱਕੀ ਕਾਂਗਰਸ ਨੂੰ ਫਿਰ ਤੋਂ ਜਿੰਦਾ ਕਰਨ ਦੀ ਕੋਸ਼ਿਸ਼ ਹੈ। ਇਹ ਯਾਤਰਾ 2024 ਦੀਆ ਲੋਕ ਸਭਾ ਚੋਣਾਂ ਨੂੰ ਧਿਆਨ ਵਿੱਚ ਰੱਖ ਕੇ ਕੱਢੀ ਜਾ ਰਹੀ ਹੈ। ਉਹਨਾ ਕਿਹਾ ਕਿ ਦੇਸ਼ ਨੂੰ ਜੋੜਣਾ ਜਰੂਰੀ ਹੈ।ਪਰ ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਕਾਂਗਰਸ ਜਦੋਂ ਸੱਤਾ ਤੋਂ ਬਾਹਰ ਹੁੰਦੀ ਹੈ ਉਸ ਵੇਲੇ ਹੀ ਦੇਸ਼ ਨੂੰ ਜੋੜਣ ਦੀ ਗੱਲ ਕਿਉ ਯਾਦ ਆਉਂਦੀ ਹੈ? ਸੱਤਾ ਵੇਲੇ ਕਿਉ ਨਹੀਂ ਜਦਕਿ ਹਰੇਕ ਭਾਰਤੀ ਨਾਗਰਿਕ ਉਸ ਵੇਲੇ ਇਹਨਾਂ ਨੂੰ ਆਸ ਦੀ ਨਿਗਾਹ ਨਾਲ ਵੇਖਦਾ ਹੈ ਕਿ ਮਹਿੰਗਾਈ ਕਦ ਘੱਟ ਹੋਵੇਗੀ ਰੋਜ਼ਗਾਰ ਕਦ ਮਿਲੇਗਾ ਉਸ ਵੇਲੇ ਤਾਂ ਇਹਨਾਂ ਨੂੰ ਆਪਣੇ ਪਰਿਵਾਰ ਅਤੇ ਇਹਨਾਂ ਦੀ ਚਮਚਾਗਿਰੀ ਕਰਨ ਵਾਲਿਆ ਤੋਂ ਹੀ ਵਿਹਲ ਨਹੀਂ ਮਿਲਦਾ। ਇਸੇ ਤਰ੍ਹਾਂ ਭਾਜਪਾ ਜਦ ਸੱਤਾ ਤੋਂ ਬਾਹਰ ਸੀ ਤਾਂ ਮਹੰਗਾਈ ਅਤੇ ਬੇਰੁਜ਼ਗਾਰੀ ਦੇ ਖ਼ਿਲਾਫ ਜਨ ਅੰਦੋਲਨ ਕਰਦੀ ਸੀ ਅੱਜ ਉਹੀ ਭਾਜਪਾ ਸੱਤਾ ਤੇ ਕਾਬਿਜ ਹੋਣ ਤੋਂ ਬਾਅਦ ਆਪਣੇ ਕਾਰੋਬਾਰੀ ਦੋਸਤ ਅਡਾਨੀ ਅੰਬਾਨੀ ਨੂੰ ਦੇਸ਼ ਵੇਚ ਰਹੀ ਹੈ ਅਤੇ ਲੋਕਾਂ ਨੂੰ ਮਹਿੰਗਾਈ ਦੀ ਚੱਕੀ ਵਿੱਚ ਪੀਸ ਰਹੀ ਹੈ ਉਹਨਾ ਕਿਹਾ ਕਿ ਹਰੇਕ ਰਾਜਨੀਤਿਕ ਪਾਰਟੀ ਜਦ ਸੱਤਾ ਤੋਂ ਬਾਹਰ ਹੁੰਦੀ ਹੈ ਤਾਂ ਲੋਕਾਂ ਨੂੰ ਬੇਵਕੂਫ ਬਣਾਉਣ ਲਈ ਇਹੋ ਜਿਹੇ ਕਦੇ ਰੱਥ ਯਾਤਰਾ ਅਤੇ ਕਦੇ ਭਾਰਤ ਜੋੜੋ ਯਾਤਰਾ ਦਾ ਨਾਂ ਦਿੰਦੀਆਂ ਹਨ। ਉਹਨਾ ਕਿਹਾ ਗੁਰੂ ਦੀ ਨਗਰੀ ਅੰਮ੍ਰਿਤਸਰ ਵਿਖੇ ਹਰਮਿੰਦਰ ਸਾਹਿਬ ਦੇ ਦਰਸ਼ਣ ਕਰਨ ਤੋਂ ਬਾਅਦ ਪਾਵਨ ਵਾਲਮੀਕਿ ਤੀਰਥ ਅਸਥਾਨ ਨਾ ਜਾਣ ਦੀ ਉਹਨਾ ਰਾਹੁਲ ਗਾਂਧੀ ਦੀ ਨਿੰਦਾ ਕੀਤੀ। ਉਹਨਾ ਕਿਹਾ ਕਿ ਵਾਲਮੀਕਿ ਤੀਰਥ ਅਸਥਾਨ ਨਾ ਜਾਣਾ ਰਾਹੁਲ ਦੀ ਵਾਲਮੀਕਿ ਸਮਾਜ ਵਿਰੋਧੀ ਮਾਨਸਿਕਤਾ ਨੂੰ ਪ੍ਰਕਟ ਕਰਦਾ ਹੈ।
ਫੋਟੋ : ਸ਼ੁਭਮ ਸਹੋਤਾ ਗੜਦੀਵਾਲਾ ਜ਼ਿਲਾ ਮੀਤ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਹੁਸ਼ਿਆਰਪੁਰ
