ਗੜ੍ਹਸ਼ੰਕਰ ਤੋਂ ਸਾਬਕਾ ਵਿਧਾਇਕ ਸ਼ਿੰਗਾਰਾ ਰਾਮ ਸਹੂੰਗੜਾ ਨੂੰ 4 ਅਪ੍ਰੈਲ ਨੂੰ ਦਿੱਤੀ ਜਾਵੇਗੀ ਅਤਿੰਮ ਵਿਦਾਈ

ਗੜ੍ਹਸ਼ੰਕਰ 3 ਅਪ੍ਰੈਲ (ਜਤਿੰਦਰ ਪਾਲ ਸਿੰਘ ਕਲੇਰ ) ਤਹਿਸੀਲ ਦੇ ਪਿੰਡ ਸਹੂੰਗੜਾ ਦੇ ਜੰਮਪਲ ਤੇ ਬਹੁਜਨ ਸਮਾਜ ਪਾਰਟੀ ਦੇ ਲੰਮਾ ਸਮਾਂ ਧਾਕੜ ਆਗੂ ਰਹੇ ਸਾਬਕਾ ਵਿਧਾਇਕ ਸ਼ਿੰਗਾਰਾ ਰਾਮ ਸਹੂੰਗੜਾ ਨੂੰ 4 ਅਪ੍ਰੈਲ ਨੂੰ ਅਤਿੰਮ ਵਿਦਾਈ ਦਿੱਤੀ ਜਾਵੇਗੀ। ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਹਰਮੇਲ ਸਹੂੰਗੜਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਮ੍ਰਿਤਕ ਦੇਹ ਜੱਦੀ ਪਿੰਡ ਸਹੂੰਗੜਾ ਵਿਖੇ ਲਿਆਂਦੀ ਜਾਵੇਗੀ ਅਤੇ ਇਸ ਤੋਂ ਬਾਅਦ 10 ਵਜੇ ਗੜ੍ਹਸ਼ੰਕਰ ਲਈ ਰਵਾਨਾ ਹੋਵੇਗੀ ਜਿਥੇ ਗੜ੍ਹਸ਼ੰਕਰ ਦੇ ਗੁਰੂ ਰਵਿਦਾਸ ਗੁਰਦੁਆਰਾ ਸਾਹਿਬ 9 ਗਰੁੱਪ ਵਿਖੇ ਮ੍ਰਿਤਕ ਦੇਹ ਨੂੰ ਅਤਿੰਮ ਦਰਸ਼ਨਾਂ ਲਈ ਰੱਖਿਆ ਜਾਵੇਗਾ ਅਤੇ 12ਵਜੇ ਅਤਿੰਮ ਵਿਦਾਈ ਦਿੱਤੀ ਜਾਵੇਗੀ।