ਸਠਿਆ ਗਏ ਚਾਚੇ ਸਹੁੱਰੇ ਨੇ ਰਿਸਤਿਆ ਨੂੰ ਕੀਤਾ ਤਾਰ ਤਾਰ.. ਘਿਨੌਣੀ ਹਰਕਤ ਤੇ ਮਾਮਲਾ ਹੋਇਆ ਦਰਜ 

ਬਲਾਚੌਰ  (ਜਤਿੰਦਰ ਪਾਲ ਸਿੰਘ ਕਲੇਰ) : ਨੂਰਪੁਰ ਬੇਦੀ ਰੋਡ ਤੇ ਪੈਂਦੇ ਸਬ ਡਿਵੀਜ਼ਨ ਬਲਾਚੌਰ ਦੇ  ਆਖ਼ਰੀ ਪਿੰਡ ਦੀ ਇੱਕ ਵਿਆਹੁਤਾ ਨੌਜਵਾਨ ਮਹਿਲਾ ਨਾਲ ਉਸ ਦੇ ਚਾਚੇ ਸਹੁਰੇ ਵੱਲੋਂ ਸਾਰੇ ਰਿਸ਼ਤਿਆਂ ਨੂੰ ਤਾਰ ਤਾਰ ਕਰਦਿਆਂ ਜਬਰ ਜਨਾਹ ਕਰਨ ਦੀ ਕੀਤੀ ਗਈ ਘਿਨਾਉਣੀ ਹਰਕਤ ਦੇ ਦੋਸ਼ਾਂ ਤਹਿਤ ਪੁਲਿਸ ਥਾਣਾ ਬਲਾਚੌਰ ‘ਚ ਮਾਮਲਾ ਦਰਜ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ । ਮਹਿਲਾ ਵੱਲੋਂ ਪੁਲੀਸ ਨੂੰ ਦਿੱਤੀ ਜਾਣਕਾਰੀ ਅਨੁਸਾਰ ਉਨ੍ਹਾਂ ਦੇ ਗੁਆਂਢ ਵਿੱਚ ਰਹਿੰਦੇ ਅਤੇ ਰਿਸ਼ਤੇ ‘ਚ  ਲੱਗਦੇ ਚਾਚਾ ਸਹੁੱਰਾ ਜਦ ਕਿਸੇ ਕੰਮ ਲਈ ਘਰ ਗਈ ਤਾਂ  ਉਥੇ ਉਹ  ਮੌਜੂਦ ਸੀ ਵਿਅਕਤੀ ਸੀ ਜਿਸ ਦੀ ਉਹ ਕਾਫ਼ੀ ਇੱਜ਼ਤ ਕਰਦੀ ਸੀ । ਜਦੋਂ ਉਸ ਨੇ ਘਰ ਦੀ ਔਰਤ ਬਾਰੇ ਉਨ੍ਹਾਂ ਨੂੰ ਪੁੱਛਿਆ ਤਾਂ ਉਸ ਨੇ ਆਖਿਆ ਕਿ ਉਹ ਅੰਦਰ ਹੈ ਜਦ ਉਹ ਕਮਰੇ ਅੰਦਰ ਗਈ ਤਾਂ ਉਸ ਨੇ ਵੇਖਿਆ ਕਿ ਉੱਥੇ ਕੋਈ ਨਹੀਂ ਸੀ ਜਿਊ ਹੀ ਉਹ ਵਾਪਸ ਮੁੜਨ ਲੱਗੀ ਤਾਂ   ਇਹ ਵਿਅਕਤੀ ਵੀ ਉਸ ਦੇ ਮਗਰ ਦੱਬੇ ਪੈਰੀਂ ਆ ਗਿਆ  ਅਤੇ ਉਸ ਨੂੰ ਫੜ ਕੇ ਗ਼ਲਤ ਹਰਕਤਾਂ ਕਰਨ ਲੱਗਾ । ਇਸ ਦੌਰਾਨ ਮਹਿਲਾ ਨੇ ਆਪਣੀ ਇੱਜ਼ਤ ਬਚਾਉਣ ਲਈ ਕਾਫੀ ਜੱਦੋ ਜਹਿਦ ਕੀਤੀ ਅਤੇ ਬੜੀ ਮੁਸ਼ਕਲ ਨਾਲ ਉਸ ਦੇ ਚੁੰਗਲ ਚੋਂ ਛੁੱਟ ਕੇ ਬਾਹਰ ਨਿਕਲੀ ਜਿਸ ਉਪਰੰਤ ਉਸ ਵੱਲੋਂ ਆਪਣੇ ਪਰਿਵਾਰਕ ਮੈਂਬਰਾਂ ਨੂੰ ਇਹ ਸਭ ਦੱਸਿਆ ਅਤੇ ਪਰਿਵਾਰਕ ਮੈਂਬਰਾਂ ਵੱਲੋਂ ਤੁਰੰਤ ਗਰਾਮ ਪੰਚਾਇਤ ਨੂੰ ਦੱਸਿਆ ਗਿਆ ਅਤੇ ਪੰਚਾਇਤੀ ਵਿਅਕਤੀਆਂ ਨੇ ਸਵੇਰ ਨੂੰ ਪੰਚਾਇਤੀ ਇਕੱਠ ਕਰਕੇ ਮਹਿਲਾ ਨੂੰ ਇਨਸਾਫ ਦੁਆਉਣ ਲਈ ਆਖਿਆ ਗਿਆ । ਅਗਲੇ ਦਿਨ ਹੋਏ ਪੰਚਾਇਤੀ ਇਕੱਠ ਵਿਚ ਵੀ ਪੀੜਤ ਮਹਿਲਾ ਜਦ ਆਪਣੇ ਨਾਲ ਬੀਤੀ ਹੋਈ ਹੱਡਬੀਤੀ ਪੰਚਾਇਤ ਅਤੇ ਮੋਹਤਬਰ ਵਿਅਕਤੀਆਂ ਅੱਗੇ ਬਿਆਨ ਕਰ ਰਹੀ ਸੀ ਤਾਂ ਤੈਸ਼ ਵਿੱਚ ਆਏ  ਉਸ ਵਿਅਕਤੀ ਵੱਲੋਂ ਹਮਲਾ ਕਰ ਦਿੱਤਾ ਗਿਆ ਅਤੇ ਇੱਟਾਂ ਰੋੜੇ ਚਲਾਉਣੇ ਸ਼ੁਰੂ ਕਰ ਦਿੱਤੇ  । ਜਿਸ ਨਾਲ ਪੀਡ਼ਤ ਮਹਿਲਾ ਗੰਭੀਰ ਰੂਪ ‘ਚ ਜਖ਼ਮੀ ਹੋ ਗਈ  ਜਿਸ ਦੇ ਪਰਿਵਾਰਕ ਮੈਂਬਰਾਂ ਵੱਲੋਂ ਉਸ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਬਲਾਚੌਰ ਦਾਖ਼ਲ ਕਰਾਇਆ ਗਿਆ । ਪੁਲਿਸ ਥਾਣਾ ਸਦਰ ਬਲਾਚੌਰ ਦੇ  ਏਐਸਆਈ ਹੰਸਰਾਜ ਵੱਲੋਂ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮਹਿਲਾ ਦੀ ਸ਼ਿਕਾਇਤ ਦੇ ਆਧਾਰ ਤੇ ਉਨ੍ਹਾਂ ਵੱਲੋਂ ਉਨ੍ਹਾਂ ਦੇ ਗੁਆਂਢੀ ਵਿਅਕਤੀ ਖ਼ਿਲਾਫ਼ ਮੁਕੱਦਮਾ ਨੰਬਰ  48 ਭਾਰਤੀ ਦੰਡਾਵਲੀ ਦੀ ਧਾਰਾ  323/354 ਤਹਿਤ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।