ਗੜ੍ਹਦੀਵਾਲਾ 11 ਜੂਨ (ਚੌਧਰੀ)

: ਅੱਜ ਦੇਰ ਸ਼ਾਮ ਤੇਜ਼ ਹਨੇਰੀ ਆਉਣ ਕਰਕੇ ਦਸੂਹਾ ਹੁਸ਼ਿਆਰਪੁਰ ਮਾਰਗ ਤੇ ਮਾਨਗੜ੍ਹ ਨਜ਼ਦੀਕ ਇੱਕ ਚਲਦੀ ਕਾਰ ਤੇ ਸਫੇਦੇ ਦਾ ਟਹਿਣਾ ਡਿੱਗ ਗਿਆ। ਪ੍ਰਮਾਤਮਾ ਦਾ ਸ਼ੁਕਰ ਰਿਹਾ ਕਿ  ਇੱਕ ਵੱਡਾ ਹਾਦਸਾ ਹੋਣ ਤੋਂ ਟਲ ਗਿਆ ਤੇ ਕਾਰ ਸਵਾਰ ਬਾਲ ਬਾਲ ਬਚ ਗਿਆ। ਇਹ ਟਹਿਣਾ ਡਿੱਗਣ ਨਾਲ ਆਵਾਜਾਈ ਵੀ ਕੁੱਝ ਸਮੇਂ ਲਈ ਠੱਪ ਹੋ ਗਈ।

ਜਿਵੇ ਹੀ ਇਸ ਘਟਨਾ ਦਾ ਬਾਬਾ ਦੀਪ ਸਿੰਘ ਸੇਵਾ ਦਲ ਐਂਡ ਵੈੱਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਨੂੰ ਪਤਾ ਚਲਿਆ ਤੇ ਸੋਸਾਇਟੀ ਦੇ ਸੇਵਾਦਾਰ ਸ ਮਨਜੋਤ ਸਿੰਘ ਤਲਵੰਡੀ ਨੇ ਆਪਣੇ ਸੇਵਾਦਾਰਾਂ ਨਾਲ ਮੌਕੋ ਤੇ ਪਹੁੰਚ ਕੇ ਰਾਹਤ ਕਾਰਜ ਸ਼ੁਰੂ ਕੀਤੇ। ਉਨ੍ਹਾਂ ਵਲੋਂ ਕਾਰ ਸਵਾਰ ਦਾ ਹਾਲ ਜਾਣਿਆ ਤੇ ਕਾਰ ਉੰਤੇ ਡਿੱਗੇ ਸਫੇਦੇ ਦੇ ਟਹਿਣੇ ਨੂੰ ਹਟਾਇਆ ਗਿਆ ਅਤੇ ਆਵਾਜਾਈ ਨੂੰ ਸੁਚਾਰੂ ਢੰਗ ਨਾਲ ਬਹਾਲ ਕਰਵਾਇਆ ਗਿਆ। ਇਸ ਮੌਕੇ ਤੇ ਵੱਡੀ ਗਿਣਤੀ ਚ ਇਲਾਕੇ ਦੇ ਲੋਕਾਂ ਨੇ ਵੀ ਇਸ ਕੰਮ ਵਿਚ ਸਹਾਇਤਾ ਕੀਤੀ।