ਮੁਕੇਰੀਆਂ : ਟਰੱਕ ਦੀ ਲਪੇਟ ਚ ਆਉਣ ਨਾਲ ਸਕੂਟਰੀ ਸਵਾਰ ਦੋ ਲੜਕੀਆਂ ਦੀ ਮੌਤ,ਇੱਕ ਗੰਭੀਰ ਜਖਮੀ 

ਮੁਕੇਰੀਆਂ / ਦਸੂਹਾ 6 ਜੂਨ (ਚੌਧਰੀ) : ਰਾਸ਼ਟਰੀ ਰਾਜ ਮਾਰਗ ਜਲੰਧਰ ਪਠਾਨਕੋਟ ਪਰ ਸਥਿਤ ਸਥਾਨਕ ਮਾਤਾ ਰਾਣੀ ਚੌਂਕ ਦੇ ਨਜਦੀਕ ਇੱਕ ਸਕੂਟਰੀ ਪਰ ਸਵਾਰ ਕਾਲਜ ਤੋਂ ਘਰ ਪਰਤ ਰਹੀਆਂ ਤਿੰਨ ਲੜਕੀਆਂ ਦੀ ਟਰੱਕ ਦੀ ਚਪੇਟ ਆਉਣ ਨਾਲ ਦੋ ਦੀ ਮੌਤ ਅਤੇ ਇੱਕ ਗੰਭੀਰ ਜਖਮੀ ਹੋਣ ਦਾ ਸਮਾਚਾਰ ਮਿਲਿਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਇੱਕ ਪ੍ਰਾਈਵੇਟ ਕਾਲਜ ਦੀ ਬੀ ਏ ਭਾਗ ਦੂਜਾ ਦੀ ਵਿਦਿਆਰਥਣਾਂ ਆਪਣੀ ਸਕੂਟਰੀ ਨੂੰ ਪੀ ਬੀ 07 ਏ ਡਬਲਯੂ 1950 ਤੇ ਸਵਾਰ ਹੋਕੇ ਕਾਲਜ ਤੋਂ ਘਰ ਪਰਤ ਰਹੀਆਂ ਸਨ ਜਦੋਂ ਉਹ ਉਕਤ ਘਟਨਾ ਵਾਲੀ ਥਾਂ ਤੇ ਪਹੁੰਚਿਆਂ ਤਾਂ ਅਚਾਨਕ ਇੱਕ ਟਰੱਕ ਨੰ ਪੀ ਬੀ 07 ਏ ਐਸ 9669 ਦੀ ਚਪੇਟ ਚ ਆ ਗਈਆਂ । ਜਿਸ ਨਾਲ ਇੱਕ ਲੜਕੀ ਦੀ ਮੌਕੇ ਤੇ ਮੌਤ ਹੋ ਗਈ ਜਦਕਿ ਦੋ ਲੜਕੀਆਂ ਗੰਭੀਰ ਜਖਮੀ ਹੋ ਗਈਆਂ। ਜਿਨ੍ਹਾਂ ਨੂੰ ਪੁਲਿਸ ਦੀ ਸਹਾਇਤਾ ਨਾਲ ਸਿਵਿਲ ਹਸਪਤਾਲ ਲੈ ਜਾਇਆ ਗਿਆ। ਜਿੰਨਾਂ ਦੀ ਪਛਾਣ ਪ੍ਰੀਤੀ ਪੁੱਤਰੀ ਗਣੇਸ਼ ਨਿਵਾਸੀ ਡੁੱਗਰੀ ਅਵਾਨਾ ਅਤੇ ਨੇਹਾ ਤੇ ਤਮੰਨਾ (ਦੋਵੇਂ ਭੈਣਾ) ਪੁੱਤਰੀ ਗੁਰਮੀਤ ਸਿੰਘ ਵਾਸੀ ਪਰੀਕਾ ਦੇ ਵਜੋਂ ਹੋਈ ਹੈ। ਇਨ੍ਹਾਂ ਵਿੱਚ ਤਮੰਨਾ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਪ੍ਰੰਤੂ ਦੂਜੀਆਂ ਦੋਵੇਂ ਲੜਕੀਆਂ ਨੂੰ ਜਖਮੀ ਹਾਲਤ ਵਿਚ ਪੁਲਿਸ ਦੀ ਸਹਾਇਤਾ ਨਾਲ ਸਿਵਿਲ ਹਸਪਤਾਲ ਵਿਖੇ ਇਲਾਜ ਲਈ ਦਾਖਲ ਕਰਵਾਇਆ ਗਿਆ। ਪ੍ਰੀਤੀ ਦੀ ਨਾਜੁਕ ਹਾਲਤ ਦੇਖਦੇ ਹੋਏ ਡਾਕਟਰਾਂ ਨੇ ਉਸ ਨੂੰ ਅੱਗੇ ਰੈਫਰ ਕਰ ਦਿੱਤਾ ਜਿਸਦੀ ਪਠਾਨਕੋਟ ਲਿਜਾਂਦੇ ਸਮੇਂ ਰਸਤੇ ਵਿਚ ਮੌਤ ਹੋ ਗਈ। ਪੁਲਿਸ ਨੇ ਟਰੱਕ ਨੂੰ ਕਬਜੇ ਵਿੱਚ ਲੈਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।