ਘੋਗਰਾ / ਦਸੂਹਾ 28 ਮਈ( ਚੌਧਰੀ )

– ਥਾਣਾ ਦਸੂਹਾ ਦੇ ਅਧੀਨ ਪੈਂਦੇ ਪਿੰਡ ਦੋਲੋਵਾਲ ਦੇ ਨੌਜਵਾਨ ਮੋਹਿਤ ਕੁਮਾਰ (30) ਦੀ ਲਾਸ਼ ਮੁਕੇਰੀਆਂ ਹਾਇਡਲ ਨਹਿਰ ਦੇ ਪਾਵਰ ਹਾਊਸ ਨੰਬਰ 4 ਤੋਂ ਬਰਾਮਦ ਹੋਈ ਹੈ,ਜੋ ਕਿ ਬੀਤੇ ਕੱਲ ਤੋਂ ਲਾਪਤਾ ਸੀ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਐੱਸ. ਐੱਚ. ਓ ਜੋਗਿੰਦਰ ਸਿੰਘ ਥਾਣਾ ਮੁਕੇਰੀਆਂ ਨੇ ਦੱਸਿਆ ਕਿ ਮੋਹਿਤ ਕੁਮਾਰ ਪੁੱਤਰ ਵਿਜੇ ਕੁਮਾਰ ਵਾਸੀ ਪਿੰਡ ਦੋਲੋਵਾਲ ਦਾ ਰਹਿਣ ਵਾਲਾ ਹੈ, ਪੀ.ਐੱਨ.ਬੀ ਬੈਂਕ ਵਿੱਚ ਬਤੌਰ ਅਸਿਸਟੈਂਟ ਮੈਨੇਜਰ ਵਜੋਂ ਸੇਵਾ ਨਿਭਾ ਰਿਹਾ ਸੀ ਜੋ ਕਿ ਪਿਛਲੇ ਕੁਝ ਸਮੇਂ ਤੋਂ ਦਿਮਾਗੀ ਪਰੇਸ਼ਾਨ ਚੱਲ ਰਿਹਾ ਸੀ,ਜਿਸ ਦਾ ਫਰਵਰੀ 2025 ‘ਚ ਵਿਆਹ ਹੋਇਆ ਸੀ। ਜਿਸ ਦੀ ਲਾਸ਼ ਅੱਜ ਪਾਵਰ ਹਾਊਸ ਨੰਬਰ 4 ਦੇ ਗੇਟਾਂ ਤੋਂ ਬਰਾਮਦ ਹੋਈ ਹੈ, ਲਾਸ਼ ਨੂੰ ਨਹਿਰ ਵਿੱਚੋਂ ਬਾਹਰ ਕੱਢ ਲਿਆ ਗਿਆ ਹੈ । ਲਾਸ਼ ਨੂੰ ਪੋਸਟ ਮਾਰਟਮ ਲਈ ਸਿਵਲ ਹਸ਼ਪਤਾਲ ਮੁਕੇਰੀਆਂ ਰੱਖਵਾ ਦਿੱਤਾ ਗਿਆ ਜਿਸ ਦੀ 174 ਦੀ ਕਾਰਵਾਈ ਕੀਤੀ ਜਾਵੇਗੀ।

ਫੋਟੋ ਕੈਪਸ਼ਨ : ਮ੍ਰਿਤਕ ਮੋਹਿਤ ਕੁਮਾਰ ਦੀ ਫਾਇਲ ਫੋਟੋ।