ਦਸੂਹਾ 16 ਸਤੰਬਰ (ਚੌਧਰੀ) 

: ਜਲੰਧਰ ਪਠਾਨਕੋਟ ਰਾਸ਼ਟਰੀ ਰਾਜਮਾਰਗ ਉੱਤੇ ਨਜਦੀਕ ਭਗੌਤੀਪੁਰ ਖੁੱਡਾ (ਦਸੂਹਾ) ਅਸ਼ੋਕ ਲੇਲੈਂਡ (ਛੋਟਾ ਹਾਥੀ) ਅਤੇ ਸਕੌਡਾ ਕਾਰ ਵਿੱਚ ਭਿਆਨਕ ਸੜਕ ਹਾਦਸਾ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਸਕੌਡਾ ਕਾਰ ਨੰਬਰ ਐਚ ਆਰ 26 ਐੱਫ ਈ 5472 ਜਿਸ ਨੂੰ ਆਸ਼ੀਸ਼ ਰਾਇਨਾ ਪੁੱਤਰ ਮੋਤੀ ਲਾਲ ਰਾਇਨਾ ਨਿਵਾਸੀ ਅਲਵਰ ਰਾਜਸਥਾਨ ਚਲਾ ਰਿਹਾ ਸੀ ਅਤੇ ਅਸ਼ੋਕਾ ਲੇਲੈਂਡ (ਛੋਟਾ ਹਾਥੀ) ਨੰਬਰ ਪੀਬੀ 08 ਐੱਫ ਕੇ 3429 ਜਿਸ ਨੂੰ ਜਤਿੰਦਰ ਸਿੰਘ ਪੁੱਤਰ ਰਾਜ ਨਿਵਾਸੀ ਹਰਸ਼ੀ ਪਿੰਡ (ਟਾਂਡਾ) ਚਲਾ ਰਿਹਾ ਸੀ ਦੇ ਵਿਚਕਾਰ ਹੋਇਆ।

ਜਖ+ਮੀਆਂ ਦੀ ਪਹਿਚਾਣ ਆਸ਼ੀਸ਼ ਰਾਇਨਾ (44), ਗੋਰਾਂਸ਼ ਰਾਇਨਾ(9), ਪੂਨਮ ਰਾਇਨਾ (48), ਊਸ਼ਾ ਰਾਇਨਾ (62), ਮੋਤੀ ਲਾਲ (80), ਕਸ਼ਿਕਾ ਰਾਇਨਾ (14) ਵਜੋਂ ਹੋਈ ਹੈ। ਹਾਦਸੇ ਦੌਰਾਨ ਮੋਤੀ ਲਾਲ ਦੀ ਮੌ+ਤ ਦਾ ਸਮਾਚਾਰ ਹੈ।

ਹਾਦਸੇ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਏਐਸਆਈ ਗੁਰਜੀਤ ਸਿੰਘ ਨੇ ਦੱਸਿਆ ਕਿ ਸੜਕ ਹਾਦਸਾ ਮਿਲਣ ਦੀ ਸੂਚਨਾ ਉਪਰੰਤ ਘਟਨਾ ਵਾਲੀ ਥਾਂ ਤੇ ਪਹੁੰਚਿਆ ਗਿਆ ਅਤੇ ਜ਼ਖਮੀ ਨੂੰ ਸੜਕ ਸੁਰੱਖਿਆ ਫੋਰਸ ਦੀ ਮਦਦ ਨਾਲ ਸਿਵਲ ਹਸਪਤਾਲ ਦਸੂਹਾ ਵਿਖੇ ਪਹੁੰਚਾਇਆ ਗਿਆ ਜਿੱਥੇ ਡਾਕਟਰਾਂ ਵੱਲੋਂ ਜ਼ਖਮੀਆਂ ਨੂੰ ਮੁਢਲੀ ਸਹਾਇਤਾ ਦਿੱਤੀ ਗਈ। ਉਨ੍ਹਾਂ ਦੱਸਿਆ ਜੇ ਸੀ ਬੀ ਦੀ ਮਦਦ ਨਾਲ ਹਾਦਸਾ ਗ੍ਰਸਤ ਗੱਡੀਆਂ ਨੂੰ ਸਾਈਡ ਤੇ ਕਰਵਾ ਕੇ ਰੋਡ ਖਾਲੀ ਕਰਵਾਇਆ ਗਿਆ ਅਤੇ ਆਵਾਜਾਈ ਨੂੰ ਬਹਾਲ ਕੀਤਾ ਗਿਆ।