ਬਟਾਲਾ 30 ਐਪ੍ਰਲ (ਅਵਿਨਾਸ਼ ਸ਼ਰਮਾ)

ਭਗਵਾਨ ਪਰਸੂ ਰਾਮ ਜੀ ਦਾ ਜੀਵਨ ਭਗਤੀ ਅਤੇ ਸ਼ਕਤੀ ਦਾ ਪ੍ਰਤੀਕ :-ਸਾਸਤਰੀ ਸ਼ੰਭੂ ਸ਼ਰਮਾ

:  ਭਗਵਾਨ ਵਿਸ਼ਨੂੰ ਜੀ ਦੇ ਛੇਵੇਂ ਅਵਤਾਰ ਭਗਵਾਨ ਪਰਸ਼ੂਰਾਮ ਜੀ ਦਾ ਜਨਮ ਦਿਵਸ ਸ੍ਰੀ ਸ਼ਿਵ ਦੁਰਗਾ ਮੰਦਿਰ ਪ੍ਰੇਮ ਨਗਰ ਦਾਰਾ ਸਲਾਮ ਵਿਖੇ ਮੰਦਰ ਕਮੇਟੀ ਦੇ ਪ੍ਰਧਾਨ ਰਾਜੂ ਸਹਦੇਵ ਦੀ ਅਗਵਾਈ ਹੇਠ ਬੜੀ ਸ਼ਰਧਾ ਭਾਵਨਾ ਅਤੇ ਸਤਿਕਾਰ ਨਾਲ ਮਨਾਇਆ ਗਿਆ। ਸ਼ਾਸਤਰੀ ਸ਼ੰਭੂ ਪ੍ਰਸ਼ਾਦ ਸ਼ਰਮਾ ਨੇ ਸਭ ਤੋਂ ਪਹਿਲਾਂ ਭਗਵਾਨ ਦੀ ਮੰਤਰ ਉਚਾਰਨ ਕਰਕੇ ਵਿਧੀ ਮੁਤਾਬਕ ਪੂਜਾ ਅਰਚਨਾ ਕੀਤੀ ਅਤੇ ਮਹਿਲਾ ਮੰਡਲੀ ਵੱਲੋਂ ਖੂਬ ਸੰਕੀਰਤਨ ਕਰਕੇ ਆਈਆਂ ਸੰਗਤਾਂ ਨੂੰ ਨਿਹਾਲ ਕੀਤਾ ਅਤੇ ਪ੍ਰਭੂ ਚਰਨਾਂ ਨਾਲ ਜੋੜਨ ਦੀ ਕੋਸ਼ਿਸ਼ ਕੀਤੀ ਗਈ। ਸ਼ਾਸਤਰੀ ਸ਼ੰਭੂ ਪ੍ਰਸ਼ਾਦ ਸ਼ਰਮਾ ਨੇ ਭਗਵਾਨ ਪਰਸੂ ਰਾਮ ਜੰਤੀ ਦੀਆਂ ਸ਼ੁਭਕਾਮਨਾਵਾਂ ਦਿੰਦਿਆਂ ਦੱਸਿਆ ਕਿ ਭਗਵਾਨ ਵਿਸ਼ਨੂੰ ਦੇ ਛੇਵੇਂ ਅਵਤਾਰ ਭਗਵਾਨ ਪਰਸੂ ਰਾਮ ਜੀ ਦਾ ਜੀਵਨ ਭਗਤੀ ਅਤੇ ਸ਼ਕਤੀ ਦਾ ਪ੍ਰਤੀਕ ਹੈ ਉਹਨਾਂ ਨੇ ਜਿੱਥੇ ਭਗਵਾਨ ਸ਼ਿਵਜੀ ਦੀ ਕਠੋਰ ਤਪੱਸਿਆ ਕਰਕੇ ਦਿਵਿਆ ਸ਼ਾਸਤਰ ਅਤੇ ਗਿਆਨ ਪ੍ਰਾਪਤ ਕੀਤਾ, ਇਕ ਸ਼ਕਤੀਸ਼ਾਲੀ ਯੋਧੇ ਦੇ ਰੂਪ ਵਿੱਚ 21 ਵਾਰ ਧਰਤੀ ਨੂੰ ਅੱਤਿਆਚਾਰੀ ਰਾਜਿਆਂ ਤੋਂ ਮੁਕਤ ਕਰਵਾਇਆ। ਭਗਵਾਨ ਪੁਰਸ਼ੂਰਾਮ ਜੀ ਨੂੰ ਅੰਮ੍ਰਿਤਾ ਦੀ ਬਖਸ਼ਿਸ਼ ਪ੍ਰਾਪਤ ਹੈ ਜੋ ਅੱਜ ਵੀ ਧਰਤੀ ਤੇ ਚਿਰੰਜੀਵੀ ਰੂਪ ਵਿੱਚ ਮੌਜੂਦ ਹਨ ਉਹਨਾਂ ਦੀ ਸੱਚੇ ਮਨ ਨਾਲ ਕੀਤੀ ਪੂਜਾ ਅਰਚਨਾ ਸਭ ਦੀਆਂ ਆਸ਼ਾਵਾਂ ਪੂਰੀਆਂ ਕਰਦੀ ਹੈ । ਅਖੀਰ ਵਿੱਚ ਸਾਰੀਆਂ ਸੰਗਤਾਂ ਨੂੰ ਅਟੁੱਟ ਲੰਗਰ ਪ੍ਰਸ਼ਾਦ ਵਰਤਾਇਆ ਗਿਆ । ਇਸ ਮੌਕੇ ਤੇ ਅਸਮਿਤਾ ਗੋਇਲ, ਤਾਨੀਆ ਵਰਮਾ, ਸ਼ਾਰਦਾ ਸਹਿਦੇਵ, ਵਨੀਸ਼ਾ, ਈਸ਼ਾ, ਸ਼ਿਵਾਂਗੀ ,ਸ਼ਿਵਾਨੀ, ਸਪਨਾ, ਰੇਖਾ, ਨਿਸ਼ਾ, ਪਿੰਕੀ, ਪੂਜਾ ,ਰਮਾ, ਸੰਤੋਖ , ਡਿੰਪਲ, ਊਸ਼ਾ ਅਤੇ ਮੰਦਰ ਕਮੇਟੀ ਸੈਕਟਰੀ ਰੋਹਿਤ ਸਹਿਦੇਵ, ਗੌਰਵ ਮਹਾਜਨ,ਪਰਦੀਪ ਚੌਧਰੀ, ਸਤੀਸ਼ ਮਹਾਜਨ, ਰਕੇਸ਼ ਸਹਦੇਵ, ਕੁਨਾਲ ਗੋਇਲ, ਸੌਰਵ ਵਰਮਾ ਅਤੇ ਰੋਹਿਤ ਕਵਾਤਰਾ ਅਤੇ ਮਹੱਲਾ ਵਾਸੀ ਮੋਜੂਦ ਸਨ।