ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ / ਪ੍ਰਦੀਪ ਕੁਮਾਰ) 

: ਗੜ੍ਹਦੀਵਾਲਾ ਵਿਖੇ ਨਵੀਂ ਦੁਕਾਨ ਦੀ ਉਸਾਰੀ ਦੌਰਾਨ ਲੱਗੀ ਸ਼ਟਰਿੰਗ ਚੋਰਾਂ ਵਲੋਂ ਚੋਰੀ ਕਰਕੇ ਲੈ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਜਿਸ ਦੇ ਚੱਲਦਿਆਂ ਸ਼ਹਿਰ ਵਾਸੀਆਂ ਵਿਚ ਸਹਿਮ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਟਰਿੰਗ ਦੇ ਮਾਲਕ ਪੁਸ਼ਪਿੰਦਰ ਕੁਮਾਰ ਪੁੱਤਰ ਜਗਦੀਸ਼ ਲਾਲ ਵਾਸੀ ਪਿੰਡ ਪੰਡੋਰੀ ਅਟਵਾਲ ਥਾਣਾ ਗੜ੍ਹਦੀਵਾਲਾ ਜਿਲ੍ਹਾ ਹੁਸ਼ਿਆਰਪੁਰ ਦੱਸਿਆ ਕਿ ਮੇਰਾ ਸ਼ਟਰਿੰਗ ਦਾ ਕੰਮ ਹੈ ਤੇ 7-8 ਦਿਨ ਤੋਂ ਮੈਂ ਕੇਸੋਪੁਰ ਰੋਡ ਨੇੜੇ ਬਿਜਲੀ ਘਰ ਗੜ੍ਹਦੀਵਾਲਾ ਤੋਂ ਤਕਰੀਬਨ 500 ਮੀਟਰ ਦੀ ਦੂਰੀ ਤੇ ਸਥਿਤ ਵਿਖੇ ਬਲਵੰਤ ਸਿੰਘ ਵਾਸੀ ਪਿੰਡ ਚਠਿਆਲੀ ਦੀ ਦੁਕਾਨ ਤੇ ਸਟੀਲ ਸ਼ਟਰਿੰਗ ਦਾ ਕੰਮ ਕਰ ਰਿਹਾ ਸੀ। ਉਸ ਵਿਚੋ ਤਕਰੀਬਨ 125 ਲੋਹੇ ਦੀਆਂ ਪਲੇਟਾਂ ਲੱਗਿਆਂ ਹੋਇਆਂ ਸਨ । ਚੋਰਾਂ ਵਲੋਂ 20-21 ਦੀ ਰਾਤ ਮੇਰੀ ਸ਼ਟਰਿੰਗ ਵਿਚੋਂ ਤਕਰੀਬਨ 82 ਪਲੇਟਾਂ ਚੋਰੀ ਕਰ ਲਈਆਂ ਗਈਆਂ ਹਨ। ਉਨ੍ਹਾਂ ਦੱਸਿਆ ਕਿ ਇਸ ਚੋਰੀ ਨਾਲ ਮੇਰਾ ਤਕਰੀਬਨ 2,05,000 ( ਦੋ ਲਖ ਪੰਜ ਹਜਾਰ ) ਦਾ ਨੁਕਸਾਨ ਹੋ ਗਿਆ ਹੈ। ਇਸ ਸਬੰਧੀ ਸਟਰਿੰਗ ਦੇ ਮਾਲਕ ਪੁਸ਼ਪਿੰਦਰ ਕੁਮਾਰ ਵਲੋਂ ਪੁਲਿਸ ਨੂੰ ਲਿਖਤੀ ਸ਼ਿਕਾਇਤ ਦਿੱਤੀ ਗਈ ਹੈ।