ਦਸੂਹਾ (ਚੌਧਰੀ) 

8 ਮਾਰਚ : ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਦਸੂਹਾ ਵਿਖੇ ਜਿਲਾ ਕਾਨੂੰਨੀ ਸੇਵਾਂਵਾਂ ਅਥਾਰਟੀ ਦੀ ਟੀਮ ਵੱਲੋਂ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਸੰਬੰਧੀ ਮਨਾਏ ਜਾ ਰਹੇ ਹਫਤੇ ਅਧੀਨ ਔਰਤਾਂ ਦੇ ਅਧਿਕਾਰਾਂ ਬਾਰੇ ਜਾਗਰੂਕਤਾ ਸੈਮੀਨਾਰ ਪਿੰਸੀਪਲ ਅਨੀਤਾ ਪਾਲ ਦੀ ਅਗਵਾਈ ਹੇਠ ਕਰਵਾਇਆ। ਜਿਸ ਵਿੱਚ ਐਡਵੋਕੇਟ ਸ਼ੑੀ ਗੁਰਪ੍ਰੀਤ ਭੱਟੀ ਨੇ ਔਰਤਾਂ ਦੇ ਅਧਿਕਾਰਾਂ ਦੇ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ ਅਤੇ ਔਰਤਾਂ ਪੑਤੀ ਹੁੰਦੇ ਅਨਿਆਂ ਅਤੇ ਸ਼ੋਸ਼ਣ ਖਿਲਾਫ਼ ਬਣੇ ਕਾਨੂੰਨਾਂ ਦੀ ਜਾਣਕਾਰੀ ਲੈਣੀ ਚਾਹੀਦੀ ਹੈ ਅਤੇ ਜਿਲਾ ਲੀਗਲ ਅਥਾਰਟੀ ਉਨ੍ਹਾਂ ਨੂੰ ਪੂਰਨ ਸਹਿਯੋਗ ਦੇਵੇਗੀ, ਐਡਵੋਕੇਟ ਜਸਪ੍ਰੀਤ ਮੈਡਮ ਨੇ ਵੀ ਆਪਣੇ ਸੰਬੋਧਨ ਰਾਹੀਂ ਵਿਦਿਆਰਥਣਾਂ ਨੂੰ ਆਪਣੀ ਸ਼ਕਤੀ ਦੀ ਪਹਿਚਾਣ ਕਰਨ ਲਈ ਕਿਹਾ ਅਤੇ ਕਿਸੇ ਵੀ ਅਣਸੁਖਾਵੇਂ ਮਾਹੋਲ ਦਾ ਸਾਹਮਣਾ ਘਬਰਾ ਕੇ ਨਹੀਂ ਬਲਕਿ ਹਿੰਮਤ ਨਾਲ ਕਰਨਾ ਚਾਹੀਦਾ ਹੈ ਅਤੇ ਅਧਿਕਾਰਾਂ ਦੀ ਵਰਤੋਂ ਕਰ ਕੇ ਆਪਣੇ ਜੀਵਨ ਨੂੰ ਸਖਾਵਾਂ ਬਣਾਉਣਾ ਚਾਹੀਦਾ ਹੈ ਉਨ੍ਹਾਂ ਕਿਹਾ ਕਿ ਸਮਾਜ ਵਿੱਚ ਸਿਰ ਝੁਕਾ ਕੇ ਨਹੀਂ ਬਲਕਿ ਸਿਰ ਊਠਾ ਕੇ ਵਿਚਰਿਆ ਜਾਵੇ ਜਿਸ ਨਾਲ ਉਨ੍ਹਾਂ ਦੇ ਮਾਂ ਬਾਪ ਅਤੇ ਅਧਿਆਪਕਾਂ ਦਾ ਵੀ ਮਾਣ ਵਧੇ। ਅੰਤ ਵਿੱਚ ਪਿੰਸੀਪਲ ਅਨੀਤਾ ਪਾਲ ਨੇ ਲੀਗਲ ਸੇਵਾਵਾਂ ਦੀ ਸਮੁੱਚੀ ਟੀਮ ਦਾ ਮਹੱਤਵਪੂਰਣ ਜਾਣਕਾਰੀ ਦੇਣ ਲਈ ਧੰਨਵਾਦ ਕੀਤਾ। ਸਟੇਜ ਸੱਕਤਰ ਦੀ ਭੂਮਿਕਾ ਲੈਕਚਰਾਰ ਪੰਕਜ ਰੱਤੀ ਵੱਲੋਂ ਨਿਭਾਈ ਗਈ।ਇਸ ਮੌਕੇ ਐਡਵੋਕੇਟ ਐਚ ਐਸ ਹੁੰਦਲ, ਐਡਵੋਕੇਟ ਗੁਰਪ੍ਰੀਤ ਭੱਟੀ,ਲੈਕਚਰਾਰ ਕਮਲਜੀਤ ਕੌਰ, ਕਸ਼ਮੀਰ ਕੌਰ, ਸਰਿਤਾ ਰਾਣੀ, ਅਮਨਪਰੀਤ ਕੌਰ, ਜੀਵਨ ਜੋਤੀ, ਗੁਰਪ੍ਰੀਤ ਕੌਰ, ਸੋਨਮ ਦਿਲਬਾਗੀ, ਮਹਿੰਦਰਜੀਤ ਕੌਰ, ਸੰਗੀਤਾ ਸ਼ਰਮਾਂ, ਮੰਜੁਲਾ ਸ਼ਰਮਾਂ ਅਤੇ ਸਮੂਹ ਸਟਾਫ ਹਾਜ਼ਰ ਸੀ।