ਔਰਤ ਦੇ ਗਲੇ ਚੋਂ ਸੋਨੇ ਦਾ ਮੰਗਲ ਸੂਤਰ ਖੋਹ ਕੇ ਦੋ ਮੋਟਰਸਾਈਕਲ ਸਵਾਰ ਨੌਜਵਾਨ ਭੱਜੇ,ਇੱਕ ਨੂੰ ਲੋਕਾਂ ਕੀਤਾ ਕਾਬੂ,ਮਾਮਲਾ ਦਰਜ 

ਗੜਸ਼ੰਕਰ 14 ਮਈ (ਬਿਊਰੋ) : ਸੈਰ ਕਰ ਰਹੇ ਪਤੀ-ਪਤਨੀ ਕੋਲੋਂ ਦੇ ਮੋਟਰਸਾਈਕਲ ਸਵਾਰ ਨੌਜਵਾਨਾਂ ਵਲੋਂ ਪਤਨੀ ਦੇ ਗਲੇ ਚੋਂ ਝਪਟ ਮਾਰ ਕੇ ਸੋਨੇ ਦਾ ਮੰਗਲ ਸੂਤਰ ਖੋਹ ਕੇ ਭੱਜਣ ਤੇ ਦੋ ਨੌਜਵਾਨਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ। ਸਧਾਨਕ ਲੋਕਾਂ ਵਲੋਂ ਇੱਕ ਨੌਜਵਾਨ ਨੂੰ ਕਾਬੂ ਭੱਜਦੇ ਹੋਏ ਮੌਕੇ ਤੇ ਕਾਬੂ ਕੀਤਾ। ਮੁਲਜ਼ਮਾਂ ਦੀ ਪਛਾਣ ਸੋਹਣ ਸਿੰਘ ਪੁੱਤਰ ਮਲਕੀਤ ਸਿੰਘ ਵਾਸੀ ਰਵੀਦਾਸ ਮੁਹੱਲਾ ਜਿਲਾ ਸ.ਭ.ਸ ਨਗਰ ਤੇ ਪ੍ਰਿੰਸ ਵਾਸੀ ਸ.ਭ.ਸ ਨਗਰ ਵਜੋਂ ਹੋਈ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਮੁਕਤਾ ਪਤਨੀ ਚੰਦਰ ਭੂਸ਼ਨ ਵਾਸੀ ਭੱਟਾ ਮੁਹੱਲਾ ਵਾਰਡ ਨੰਬਰ 4 ਗੜਸ਼ੰਕਰ ਨੇ ਕਿਹਾ ਕਿ ਉਹ ਤੇ ਉਸਦਾ ਪਤੀ ਮਿਤੀ 13-5-2022 ਨੂੰ ਵਕਤ ਕਰੀਬ 8:30 ਪੀ ਐਮ ਆਪਣੇ ਘਰ ਤੋ ਸੈਰ ਕਰਨ ਲਈ ਨਿੱਕਲੇ ਸਨ ਜਦੋਂ ਉਹ ਵਾਪਸ ਸ਼ਿਵ ਮੰਦਰ ਪਾਸ ਪਹੁੰਚੇ ਤਾ ਵਕਤ ਕਰੀਬ 8:50 ਪੀ ਐਮ ਦਾ ਹੋਵੇਗਾ ਤਾ ਪਿੱਛੇ ਤੋ ਦੋ ਅਣਪਛਾਤੇ ਵਿਅਕਤੀ ਮੋਟਰਸਾਇਕਲ ਪਰ ਆਏ ਜਿਹਨਾ ਵਿੱਚੋ ਇੱਕ ਵਿਅਕਤੀ ਜੋ ਮੋਟਰਸਾਇਕਲ ਦੇ ਪਿੱਛੇ ਬੈਠਾ ਸੀ ਨੇ ਉਸ ਦੇ ਗਲੇ ਤੇ ਝਪਟ ਮਾਰ ਕੇ ਸੋਨੇ ਦਾ ਮੰਗਲ ਸੂਤਰ ਖੋਹ ਕੇ ਮੋਟਰਸਾਇਕਲ ਪਰ ਭੱਜ ਗਏ ਜਿਹਨਾ ਵਿੱਚ ਇੱਕ ਦੋਸ਼ੀ ਸੋਹਣ ਸਿੰਘ ਪੁੱਤਰ ਮਲਕੀਤ ਸਿੰਘ ਵਾਸੀ ਰਵੀਦਾਸ ਮੁਹੱਲਾ ਜਿਲਾ ਸ.ਭ.ਸ ਨਗਰ ਨੂੰ ਲੋਕਾਂ ਵੱਲੋ ਕਾਬੂ ਕਰ ਲਿਆ ਗਿਆ ਅਤੇ ਇੱਕ ਦੋਸ਼ੀ ਪ੍ਰਿੰਸ ਵਾਸੀ ਸ.ਭ.ਸ ਨਗਰ ਹਨੇਰੇ ਦਾ ਫਾਇਦਾ ਉਠਾ ਕੇ ਮੋਕਾ ਤੋ ਭੱਜ ਗਿਆ । ਜਿਸ ਤੇ ਉਕਤ ਦੋਸ਼ੀਆ ਖਿਲਾਫ ਮੁਕੱਦਮਾ ਦਰਜ ਰਜਿਸਟਰ ਕੀਤਾ ਗਿਆ ।