ਕਰਜ਼ੇ ਦੀਆਂ ਕਿਸ਼ਤਾਂ ਨਾ ਦੇਣ ਤੇ ਬੈਂਕ ਕਰਮਚਾਰੀ ਵੱਲੋਂ ਗਲਤ ਭਾਸ਼ਾ ਦੀ ਵਰਤੋਂ ਕਰਨ ਤੇ ਜ਼ਹਿਰੀਲੀ ਦਵਾਈ ਖਾ ਕੇ ਕੀਤੀ ਖੁਦਕਸ਼ੀ

ਗੁਰਦਾਸਪੁਰ 5 ਅਪ੍ਰੈਲ ( ਅਸ਼ਵਨੀ ) – ਬੈਂਕ ਦੇ ਕਰਜ਼ੇ ਦੀਆ ਕਿਸ਼ਤਾਂ ਨਾ ਦੇਣ ਤੇ ਬੈਂਕ ਕਰਮਚਾਰੀ ਵੱਲੋਂ ਕਥਿਤ ਤੋਰ ਤੇ ਗਲਤ ਭਾਸ਼ਾ ਦੀ ਵਰਤੋ ਕਰਨ ਤੇ ਇਕ ਵਿਅਕਤੀ ਵੱਲੋਂ ਜ਼ਹਿਰੀਲੀ ਵਸਤੂ ਖਾ ਕੇ ਖੁਦਕਸ਼ੀ ਕਰ ਲੈਣ ਤੇ ਬੈਂਕ ਮੁਲਾਜ਼ਮ ਵਿਰੁੱਧ ਪੁਲਿਸ ਵੱਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ ।ਮ੍ਰਿਤਕ ਜਸਪਾਲ ਗਿੱਲ ਵਾਸੀ ਪਿੰਡ ਅਬਲਖੈਰ ਦੀ ਪਤਨੀ ਆਸ਼ਾ ਨੇ ਪੁਲਿਸ ਨੂੰ ਦਿੱਤੇ ਬਿਆਨ ਰਾਹੀ ਦੱਸਿਆ ਕਿ ਉਸ ਦੇ ਪਤੀ ਨੇ ਕੁਝ ਸਮਾ ਪਹਿਲਾ ਉਸ ਦੇ ਨਾਮ ਕੇਨਰਾ ਬੈਂਕ ਰਵੀਦਾਸ ਚੌਕ ਗੁਰਦਾਸਪੁਰ ਤੋ 50 ਹਜ਼ਾਰ ਰੁਪਏ ਕਰਜ਼ਾ ਲਿਆ ਸੀ ਜਿਸ ਦੀਆ ਕਿਸ਼ਤਾਂ ਉਹ ਸਮੇਂ ਸਿਰ ਦੇ ਰਹੇ ਸਨ ਪਰ ਕੁਝ ਸਮੇਂ ਤੋ ਕਰਜ਼ੇ ਦੀਆ ਕੁਝ ਕਿਸ਼ਤਾਂ ਸਮੇਂ ਸਿਰ ਨਹੀਂ ਭਰ ਸਕੇ ਤਾਂ ਬੀਤੀ 2 ਅਪ੍ਰੈਲ ਨੂੰ ਬੈਂਕ ਕਰਮਚਾਰੀ ਰਛਪਾਲ ਭਗਤ ਨੇ ਉਹਨਾਂ ਦੇ ਘਰ ਆ ਕੇ ਉਸ ਨੂੰ ਤੇ ਉਸ ਦੇ ਪਤੀ ਨੂੰ ਬਹੁਤ ਮਾੜਾ ਚੰਗਾ ਬੋਲਿਆ ਤੇ ਗਲਤ ਭਾਸ਼ਾ ਦੀ ਵਰਤੋ ਕੀਤੀ ਜਿਸ ਤੇ ਉਸ ਦੇ ਪਤੀ ਨੇ 3 ਅਪ੍ਰੈਲ ਕਰੀਬ 5 ਵਜੇ ਸ਼ਾਮ ਕੋਈ ਜ਼ਹਿਰੀਲੀ ਚੀਜ਼ ਖਾ ਲਈ ਜਿਸ ਦੀ ਕਾਹਨੂੰਵਾਨ ਰੋਡ ਸਥਿਤ ਉਕਰਾਏ ਹੱਸਪਤਾਲ ਵਿੱਚ ਇਲਾਜ ਦੋਰਾਨ 8.50 ਤੇ ਮੋਤ ਹੋ ਗਈ । ਸਹਾਇਕ ਸਬ ਇੰਸਪੈਕਟਰ ਜਸਵਿੰਦਰ ਸਿੰਘ ਪੁਲਿਸ ਸਟੇਸ਼ਨ ਦੀਨਾ ਨਗਰ ਨੇ ਦੱਸਿਆ ਕਿ ਮ੍ਰਿਤਕ ਜਸਪਾਲ ਗਿੱਲ ਦੀ ਪਤਨੀ ਆਸ਼ਾ ਦੇ ਬਿਆਨ ਤੇ ਰਛਪਾਲ ਭਗਤ ਵਿਰੁੱਧ ਧਾਰਾ 306 ਅਧੀਨ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।