ਸਿੱਖਿਆ ਮੰਤਰੀ ਦੀ ਰਿਹਾਇਸ਼ ਤੇ ਧਰਨੇ ਤੇ ਬੈਠੇ ਅਧਿਆਪਕਾਂ ਨੂੰ ਸਿੱਖਿਆ ਵਿਭਾਗ ਵੱਲੋ ਜਾਰੀ ਨੋਟਿਸ ਦੀ ਡੀ ਟੀ ਐੱਫ ਵੱਲੋ ਸਖ਼ਤ ਨਿਖੇਧੀ 

ਗੁਰਦਾਸਪੁਰ 5 ਅਪ੍ਰੈਲ ( ਅਸ਼ਵਨੀ ) : ਸਿੱਖਿਆ ਮੰਤਰੀ ਦੀ ਰਿਹਾਇਸ਼ ਨੇੜੇ ਈ ਟੀ ਟੀ ਅਧਿਆਪਕਾਂ ਵੱਲੋ ਆਪਣੀਆਂ ਮੰਗਾਂ ਨੂੰ ਲੈ ਕੇ ਦਿੱਤੇ ਜਾ ਰਹੇ ਧਰਨੇ ਵਿੱਚ ਉਹ ਅਧਿਆਪਕ ਸਾਮਲ ਹਨ ਜਿੰਨਾਂ ਦੀ ਡੇਢ ਸਾਲ ਪਹਿਲਾਂ ਬਦਲੀ ਹੋ ਚੁੱਕੀ ਹੈ ਪਰ ਅਜੇ ਤੱਕ ਉਹ ਹਕੀਕੀ ਤੌਰ ਤੇ ਲਾਗੂ ਨਹੀਂ ਹੋਈ। 100 ਤੋ 150 ਕਿਲੋਮੀਟਰ ਤੱਕ ਘਰਾਂ ਤੋ ਦੂਰ ਡਿਊਟੀ ਕਰ ਰਹੇ ਅਧਿਆਪਕਾਂ ਨਾਲ ਸਰਕਾਰ ਬਣਨ ਤੋ ਪਹਿਲਾਂ ਆਪ ਆਗੂਆਂ ਨੇ ਵਾਅਦਾ ਕੀਤਾ ਸੀ ਕਿ ਸਰਕਾਰ ਆਉਣ ਤੇਇਹ ਬਦਲੀਆਂ ਲਾਗੂ ਕੀਤੀਆਂ ਜਾਣਗੀਆ। ਪਰ ਹੁਣ ਸਰਕਾਰ ਗੱਲਬਾਤ ਕਰਨ ਦੀ ਬਜਾਏ ਅਧਿਆਪਕਾਂ ਨੂੰ ਡੀ ਪੀ ਆਈ (ਐ)ਰਾਹੀਂ ਨੋਟਿਸ ਜਾਰੀ ਕੀਤਾ ਜਾਣਾ ਗੈਰਲੋਕਤੰਤਰੀ ਹੈ।ਸਰਕਾਰ ਉਸਾਰੂ ਗਲਬਾਤ ਕਰਨ ਦੀ ਥਾਂ ਗੈਰ ਜਮਹੂਰੀ ਢੰਗ ਤਰੀਕੇ ਵਰਤ ਕੇ ਅਧਿਆਪਕਾਂ ਦੇ ਮਸਲਿਆਂ ਤੋ ਆਨਾ-ਕਾਨੀ ਕਰ ਰਹੀ ਹੈ।ਇਸ ਸਬੰਧ ਵਿੱਚ ਡੈਮੋਕ੍ਰੇਟਿਕ ਟੀਚਰ ਫਰੰਟ ਪੰਜਾਬ ਗੁਰਦਾਸਪੁਰ ਦੇ ਜਿਲਾ ਪ੍ਰਧਾਨ ਹਰਜਿੰਦਰ ਸਿੰਘ ਵਡਾਲਾ ਬਾਂਗਰ, ਗੁਰਦਿਆਲ ਚੰਦ, ਉਪਕਾਰ ਸਿੰਘ ਵਡਾਲਾਬਾਂਗਰ, ਬਲਵਿੰਦਰ ਕੌਰ, ਸੁਖਜਿੰਦਰ ਸਿੰਘ, ਡਾ ਸਤਿੰਦਰ ਸਿੰਘ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੂੰ ਕੀਤੇ ਵਾਅਦੇ ਅਨੁਸਾਰ ਅਧਿਆਪਕ ਜਥੇਬੰਦੀਆਂ ਨਾਲ ਗੱਲਬਾਤ ਕਰਕੇ ਮੰਗਾਂ ਨੂੰ ਹੱਲ ਕਰਨਾ ਚਾਹੀਦਾ ਹੈ।ਇਸ ਮੌਕੇ ਮਨੋਹਰ ਲਾਲ, ਵਰਗਿਸ਼ ਸਲਾਮਤ, ਸਤਨਾਮ ਸਿੰਘ, ਸਤਬੀਰ ਭੰਡਾਲ, ਜਾਮੀਤਰਾਜ,ਕੁਲਰਾਜ ਸਿੰਘ, ਹਰਦੀਪਰਾਜ ਅਦਿ ਹਾਜਰ ਸਨ।