ਦਸੂਹਾ 22 ਮਾਰਚ (ਚੌਧਰੀ) : ਦਸੂਹਾ ਪੁਲਸ ਨੇ 7 ਗ੍ਰਾਮ ਅਫੀਮ ਅਤੇ 50 ਗ੍ਰਾਮ ਡੋਡੇ ਚੂਰਾ ਪੋਸਤ ਸਮੇਤ ਦੋ ਨੌਜਵਾਨਾਂ ਨੂੰ ਕਾਬੂ ਕਰਨ ਦਾ ਦਾਅਵਾ ਕੀਤਾ ਹੈ
ਮਿਲੀ ਜਾਣਕਾਰੀ ਅਨੁਸਾਰ ਏ.ਐਸ.ਆਈ ਗੁਰਬਚਨ ਸਿੰਘ ਥਾਣਾ ਹਾਜਰ ਸੀ ਤਾਂ ਮੁੱਖ ਮੁਨਸ਼ੀ ਸਟਾਫ ਵਿੱਚ ਐਚ ਸੀ ਰਾਹੁਲ ਕੋਂਡਲ, ਸਿਪਾਹੀ ਗੁਰਵਿੰਦਰ ਸਿੰਘ ਹਾਜਰ ਸੀ ਤਾ ਸਿਪਾਹੀ ਗੁਰਵਿੰਦਰ ਸਿੰਘ ਨੇ ਏ.ਐਸ.ਆਈ ਗੁਰਬਚਨ ਸਿੰਘ ਨੂੰ ਦੱਸਿਆ ਕਿ ਜੋ ਮੁਕਦੱਮਾ ਨੰ. 249 ਮਿਤੀ 10.12.21 ਜੇਰ ਧਾਰਾ 365,454,120 ਬੀ 212 ਭ.ਦ ਵਿੱਚ ਦੋਸੀ ਅਵਤਾਰ ਸਿੰਘ ਉਰਫ ਹੀਰਾ ਪੁੱਤਰ ਸੋਹਣ ਸਿੰਘ ਵਾਸੀ ਮੜੀਆਂ ਵਾਲਾ ਥਾਣਾ ਸਿਵਲ ਲਾਈਨ ਬਟਾਲਾ ਜੋ ਪੁਲਿਸ ਰਿਮਾਂਡ ਪਰ ਬੰਦ ਹਵਾਲਾਤ ਹੈ। ਜਿਸ ਨੂੰ ਮਿਲਣ ਲਈ ਸੁਖਵਿੰਦਰ ਸ਼ਰਮਾ ਉਰਫ ਸੋਰਵ ਪੁੱਤਰ ਜਗਮੋਹਣ ਸ਼ਰਮਾ ਵਾਸੀ ਮੁਹੱਲਾ ਧਰਮਪੁਰਾ ਦਸੂਹਾ ਜਿਲਾ ਹੁਸ਼ਿਆਰਪੁਰ ਅਤੇ ਬਲਰਾਜ ਸਿੰਘ ਉਰਫ ਬੱਲੂ ਪੁੱਤਰ ਮੋਹਣ ਸਿੰਘ ਵਾਸੀ ਖੁਣ ਖੁਣ ਸ਼ਰਕੀ ਥਾਣਾ ਦਸੂਹਾ ਆਏ ਜੋ ਬਲਰਾਜ ਸਿੰਘ ਉਰਫ ਬੱਲੂ ਦੀ ਖੱਬੇ ਹੱਥ ਦੀਆਂ ਉਂਗਲਾ ਨੂੰ ਕਾਲੇ ਰੰਗ ਦਾ ਕੋਈ ਨਸ਼ੀਲਾ ਪਦਾਰਥ ਲੱਗਾ ਹੋਇਆ ਦਿਖਾਈ ਦਿੱਤਾ ਜੋ ਸ਼ੱਕ ਪੈਣ ਤੇ ਜਿਹਨਾ ਨੂੰ ਕਿਹਾ ਗਿਆ ਤੁਹਾਡੀ ਤਲਾਸ਼ੀ ਕੀਤੀ ਜਾਣੀ ਹੈ ਜੋ ਥੋੜਾ ਜਿਹਾ ਘਬਰਾ ਕਿ ਉਕਤ ਵਿਅਕਤੀ ਤੇਜ ਕਦਮੀ ਪਿੱਛੇ ਨੂੰ ਮੁੜਨ ਲੱਗੇ ਅਤੇ ਮੁਨਸ਼ੀ ਦਫਤਰ ਦੇ ਦਰਵਾਜੇ ਪਿੱਛੇ ਬਲਰਾਜ ਉਰਫ ਬੱਲੂ ਨੇ ਆਪਣੇ ਸੱਜੇ ਹੱਥ ਵਿੱਚ ਫੜੇ ਹੋਏ ਵਜਨਦਾਰ ਮੋਮੀ ਲਿਫਾਫੇ ਨੂੰ ਦਰਵਾਜੇ ਦੇ ਪਿੱਛੇ ਸੁੱਟ ਦਿੱਤਾ ਅਤੇ ਇਸਦੇ ਨਾਲ ਵਾਲੇ ਸਾਥੀ ਸੁਖਵਿੰਦਰ ਸ਼ਰਮਾ ਉਰਫ ਸੋਰਵ ਨੇ ਵੀ ਆਪਣੇ ਪਹਿਨੇ ਹੋਏ ਪਜਾਮੇ ਦੀ ਸੱਜੀ ਜੇਬ ਵਿੱਚੋ ਇਕ ਵਜਨਦਾਰ ਲਿਫਾਫਾ ਕੱਢ ਕੇ ਮੁਨਸ਼ੀ ਦਫਤਰ ਦੇ ਦਰਵਾਜੇ ਪਿੱਛੇ ਸੂਟ ਦਿੱਤਾ ਜੋ ਸੂਟੇ ਹੋਏ ਵਜਨਦਾਰ ਮੋਮੀ ਲਿਫਾਫਿਆ ਦੀ ਤਾਲਾਸ਼ੀ ਕੀਤੀ ਤਾਂ ਕੰਪਿਊਟਰਾਈਜਡ ਕੰਡੇ ਨਾਲ ਵਜਨ ਕਰਨ ਤੇ 7 ਗ੍ਰਾਮ ਅਫੀਮ ਅਤੇ 50 ਗ੍ਰਾਮ ਡੋਡੇ ਚੂਰਾ ਪੋਸਤ ਬ੍ਰਾਮਦ ਹੋਏ।ਦਸੂਹਾ ਪੁਲਿਸ ਨੇ ਬਲਰਾਜ ਸਿੰਘ ਉਰਫ ਬੱਲੂ ਅਤੇ ਸੁਖਵਿੰਦਰ ਸ਼ਰਮਾ ਉਰਫ ਸੋਰਵ ਦੇ ਖਿਲਾਫ ਮੁਕੱਦਮਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
