ਫਗਵਾੜਾ ( ਲਾਲੀ ਦਾਦਰ )

20 ਦਸੰਬਰ : ਫਗਵਾੜਾ-ਘੁੰਮਣਾ ਲਿੰਕ ਰੋਡ ਸਥਿਤ ਖਲਵਾੜਾ ਕਲੋਨੀ ਦੀ ਚੜ੍ਹਾਈ ਚੜ੍ਹਦਿਆਂ ਇਕ ਗੰਨੇ ਨਾਲ ਭਰੀ ਟਰਾਲੀ ਸੜਕ ਧੱਸਣ ਨਾਲ ਪਲਟ ਗਈ। ਗਨੀਮਤ ਇਹ ਰਹੀ ਕਿ ਇਸ ਹਾਦਸੇ ਵਿਚ ਟਰੈਕਟਰ ਚਾਲਕ ਵਾਲ-ਵਾਲ ਬੱਚ ਗਿਆ। ਇਹ ਹਾਦਸਾ ਸਵੇਰੇ ਕਰੀਬ 11 ਵਜੇ ਵਾਪਰਿਆ ਜਦੋਂ ਕਾਫੀ ਧੁੰਧ ਪੈ ਰਹੀ ਸੀ ਤਾਂ ਵਿਨੋਦ ਪਾਸਵਾਨ ਨਾਮਕ ਟਰੈਕਟਰ ਚਾਲਕ ਗੰਨਾ ਕਿਸਾਨ ਤਰਲੋਚਨ ਸਿੰਘ ਪੁੱਤਰ ਬਲਦੇਵ ਸਿੰਘ ਵਾਸੀ ਟੋਡਰਪੁਰ ਦੀ ਗੰਨੇ ਦੀ ਫਸਲ ਨੂੰ ਟਰਾਲੀ ਵਿੱਚ ਲੋਡ ਕਰਕੇ ਗੰਨਾ ਮਿਲ ਫਗਵਾੜਾ ਲੈ ਕੇ ਆ ਰਿਹਾ ਸੀ। ਜਦੋਂ ਉਹ ਖਲਵਾੜਾ ਕਲੋਨੀ ਦੀ ਚੜ੍ਹਾਈ ਚੜ੍ਹ ਰਿਹਾ ਸੀ ਤਾਂ ਅੱਗੋਂ ਅਚਾਨਕ ਇਕ ਟਰੱਕ ਆ ਗਿਆ। ਜਿਸ ਨੂੰ ਸਾਈਡ ਦੇਣ ਲਈ ਉਸਨੇ ਟਰਾਲੀ ਨੂੰ ਸਾਇਡ ´ਤੇ ਕੀਤਾ ਤਾਂ ਅਚਾਨਕ ਸੜਕ ਧੱਸਣ ਨਾਲ ਟਰਾਲੀ ਪਲਟ ਗਈ। ਦੱਸਿਆ ਜਾਂਦਾ ਹੈ ਕਿ ਜਿਸ ਜਗ੍ਹਾ ਇਹ ਹਾਦਸਾ ਵਾਪਰਿਆ ਉੱਥੇ ਸੜਕ ਦੇ ਹੇਠਾਂ ਵਾਟਰ ਸਪਲਾਈ ਦੀ ਪਾਈਪ ਲਾਈਨ ਪਾਈ ਹੋਈ ਹੈ। ਜੇਕਰ ਗੰਨਿਆਂ ਦੇ ਸਹਾਰੇ ਟਰਾਲੀ ਟੇਢੀ ਹੋ ਕੇ ਖੇਤਾਂ ਵਿੱਚ ਨਾ ਖੜੀ ਹੁੰਦੀ ਤਾਂ ਟਰੈਕਟਰ ਵੀ ਪਲਟ ਸਕਦਾ ਸੀ ਅਤੇ ਚਾਲਕ ਦੀ ਜਿੰਦਗੀ ਖਤਰੇ ਵਿਚ ਪੈ ਸਕਦੀ ਸੀ।
ਕੈਪਸ਼ਨ- ਖਲਵਾੜਾ ਕਲੋਨੀ ਰੋਡ ਤੇ ਪਲਟੀ ਟਰਾਲੀ ਅਤੇ ਲਾਲ ਘੇਰੇ ਵਿਚ ਧੱਸੀ ਹੋਈ ਸੜਕ।