20 ਦਸੰਬਰ : ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਮੁਤਾਬਕ ਲੋਕ ਸ਼ਿਕਾਇਤ ਨਿਵਾਰਨ ਕੈਂਪ ਪਿੰਡ ਮਸਤੀਵਾਲ ਵਿਖੇ 22 ਦਸੰਬਰ ਨੂੰ ਲਗਾਇਆ ਜਾ ਰਿਹਾ ਹੈ ।ਇਸ ਕੈਂਪ ਵਿੱਚ ਪੰਜਾਬ ਦੇ ਸਾਰੇ ਮਹਿਕਮੇ ਦੇ ਅਧਿਕਾਰੀ ਸ਼ਿਰਕਤ ਕਰਨਗੇ। ਇਸ ਕੈਂਪ ਵਿਚ ਲੋਕਾਂ ਦੀਆਂ ਸਮੱਸਿਆਵਾਂ ਦਾ ਮੌਕੇ ਤੇ ਨਿਪਟਾਰਾ ਕੀਤਾ ਜਾਵੇਗਾ। ਪੰਜਾਬ ਦੇ ਸਾਰੇ ਮਹਿਕਮੇ ਆਪਣੀ ਕਾਰਗੁਜ਼ਾਰੀ ਤੇ ਆਪਣੀਆਂ ਸਕੀਮਾਂ ਬਾਰੇ ਲੋਕਾਂ ਨੂੰ ਜਾਗਰੂਕ ਕਰਨਗੇ। ਅੱਜ ਐਸ ਡੀ ਐਮ ਦਸੂਹਾ ਸ੍ਰੀ ਓਜਸਵੀ ਨੇ ਕੈਂਪ ਵਾਲੀ ਜਗ੍ਹਾ ਦਾ ਦੌਰਾ ਕੀਤਾ ਤੇ ਸਾਰੇ ਮਹਿਕਮੇ ਦੇ ਅਧਿਕਾਰੀਆਂ ਨਾਲ ਮੀਟਿੰਗ ਕੀਤੀ ਤੇ ਲੋਕਾਂ ਨੂੰ ਵਧੀਆ ਸੇਵਾਵਾਂ ਦੇਣ ਲਈ ਕਿਹਾ। ਉਨ੍ਹਾਂ ਮੀਟਿੰਗ ਚੋਂ ਬੋਲਦਿਆਂ ਕਿਹਾ ਕਿ ਅਸੀਂ ਦਫ਼ਤਰਾਂ ਵਿੱਚ ਤਾਂ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣਦੇ ਹੀ ਹਾਂ ਪਰ ਹੁਣ ਪੰਜਾਬ ਸਰਕਾਰ ਦੀਆਂ ਨਵੀਆਂ ਹਦਾਇਤਾਂ ਮੁਤਾਬਕ ਅਸੀਂ ਪਿੰਡਾਂ ਵਿੱਚ ਜਾ ਕੇ  ਲੋਕਾਂ ਦੀਆਂ ਸਮੱਸਿਆਵਾਂ ਦੇ ਹੱਲ ਤੇ ਸਹੀ ਨਿਪਟਾਰੇ  ਕੀਤੇ ਜਾਣਗੇ ।

ਇਸ ਮੌਕੇ ਉਨ੍ਹਾਂ ਦੇ ਨਾਲ ਤਹਿਸੀਲਦਾਰ ਮਨਵੀਰ ਸਿੰਘ ਢਿੱਲੋਂ, ਡੀਐਸਪੀ ਟਾਂਡਾ  ਕਲਵੰਤ ਸਿੰਘ,ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਲਵਦੀਪ ਸਿੰਘ ਧੂਤ ,ਐਸ ਐਚ ਓ ਗੜ੍ਹਦੀਵਾਲਾ ਸਤਿੰਦਰ ਸਿੰਘ ਧਾਲੀਵਾਲ, ਬੀਡੀਓ ਭੂੰਗਾ ਕੁਸ਼ਲ ਕੁਮਾਰ,ਕਾਰਜ ਸਾਧਕ ਅਫਸਰ ਗੜ੍ਹਦੀਵਾਲਾ ਸਿਮਰਨਜੀਤ ਢੀਂਡਸਾ, ਡਾਕਟਰ ਹਰਜੀਤ ਸਿੰਘ ਐਸ ਐਮ ਓ ਭੂੰਗਾ ,ਵਾਟਰ ਸਪਲਾਈ ਐੱਸ ਡੀ ਓ ਵਿਕਾਸ ਸੈਣੀ , ਭੂਮੀ ਰੱਖਿਆ ਵਿਭਾਗ ਵੱਲੋਂ ਅਮਰਜੀਤ ਸਿੰਘ, ਫੂਡ ਸਪਲਾਈ ਵਿਭਾਗ ਵੱਲੋਂ ਇਸਪੈਕਟਰ ਰਾਜ ਕੁਮਾਰ ,ਸਿੱਖਿਆ ਵਿਭਾਗ ਵੱਲੋ ਕਮਲਜੀਤ ਸਿੰਘ ,ਸੀਡੀਪੀਓ ਜਸਵਿੰਦਰ ਕੌਰ ,ਮੱਛੀ ਪਾਲਣ ਵਿਭਾਗ ਵੱਲੋਂ ਡਾਕਟਰ ਸੱਤਿਅਮ ਸਿੰਘ ਠਾਕਰ, ਐੱਸ ਡੀ ਓ ਬਿਜਲੀ ਬੋਰਡ ਗੜ੍ਹਦੀਵਾਲਾ, ਸੁੱਖ ਸਕੂਲ ਪ੍ਰਬੰਧਕ ਹਰਮਿੰਦਰ ਕੁਮਾਰ ਤੇ ਸਾਰੇ ਮਹਿਕਮੇ ਦੇ ਅਧਿਕਾਰੀ ਹਾਜ਼ਰ ਸਨ।ਫੋਟੋ : ਸ਼ਿਕਾਇਤ ਨਿਵਾਰਨ ਕੈਂਪ ਵਾਲੀ ਜਗ੍ਹਾ ਦਾ ਨਿਰੀਖਣ ਕਰਦੇ ਹੋਏ ਐਸ ਡੀ ਐਮ ਦਸੂਹਾ ਸ੍ਰੀ ਓਜਸਵੀ ਤੇ ਹੋਰ ਅਧਿਕਾਰੀ।