ਗੜ੍ਹਦੀਵਾਲਾ (ਯੋਗੇਸ਼ ਗੁਪਤਾ,ਚੌਧਰੀ)

28 ਜੁਲਾਈ : ਅੱਜ ਪਿੰਡ ਰਘਵਾਲ ਵਿੱਖੇ ਸਵ.ਚੌਧਰੀ ਦਵਿੰਦਰ ਸਿੰਘ ਬਿੰਦੀ (ਸਾਬਕਾ ਪ੍ਰਧਾਨ ਨਗਰ ਕੌਂਸਿਲ ਗੜ੍ਹਦੀਵਾਲਾ) ਜੀ ਦੇ ਪਰਿਵਾਰ ਵਲੋਂ ਉਹਨਾਂ ਦੇ ਪੋਤਰੇ ਚੌਧਰੀ ਰਾਜਵਿੰਦਰ ਸਿੰਘ ਰਾਜਾ ਦੀ ਅਗਵਾਈ ਹੇਠ ਆਪਣੇ ਸਮਾਜ ਭਲਾਈ ਕੰਮਾਂ ਨੂੰ ਅੱਗੇ ਵਧਾਉਂਦੇ ਹੋਏ ਬਹੁਤ ਜ਼ਰੂਰਤਮੰਦ ਪਰਿਵਾਰ ਰੋਡਾ ਸਿੰਘ ਵਾਸੀ ਰਘਵਾਲ ਨੂੰ 50 ਹਜਾਰ ਰੁਪਏ ਦੀ ਆਰਥਿਕ ਸਹਾਇਤਾ ਦਿੱਤੀ ਹੈ । ਇਸ ਮੌਕੇ ਆਮ ਆਦਮੀ ਪਾਰਟੀ ਦੇ ਯੂਥ ਜਿਲ੍ਹਾ ਪ੍ਰਧਾਨ ਚੌਧਰੀ ਰਾਜਵਿੰਦਰ ਸਿੰਘ ਰਾਜਾ ਨੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਰੋਡਾ ਸਿੰਘ ਜੋ ਕੀ ਬਿਮਾਰ ਰਹਿੰਦੇ ਹਨ ਤੇ ਉਹ ਮੰਜੇ ਤੇ ਹਨ ਤੇ ਉਸਦੀ ਇੱਕ ਲੜਕੀ ਹੈ ਜੋ ਕੀ ਮੰਦਬੁੱਧੀ ਹੈ । ਉਹਨਾਂ ਦੱਸਿਆ ਕੇ ਉਹਨਾਂ ਦੇ ਘਰ ਦੀ ਹਾਲਤ ਬਹੁਤ ਖਸਤਾ ਹੈ ਜੋ ਕੀ ਰਹਿਣਯੋਗ ਬਿਲਕੁਲ ਨਹੀਂ ਸੀ । ਪਰਿਵਾਰ ਚ ਕਮਾਉਣ ਵਾਲਾ ਜੀ ਕੋਈ ਨਹੀਂ ਹੈ । ਪਰਿਵਾਰ ਦੀਆਂ ਮੁਸ਼ਕਿਲਾਂ ਨੂੰ ਦੇਖਦੇ ਹੋਏ ਚੌਧਰੀ ਰਾਜਾ ਨੇ ਉਨ੍ਹਾਂ ਦੇ ਘਰ ਵਿਖੇ ਪਹੁੰਚ ਕੇ ਇਨ੍ਹਾਂ ਨੂੰ ਅੱਜ 50 ਹਜਾਰ ਦੀ ਆਰਥਿਕ ਮਦਦ ਦਿੱਤੀ ਹੈ। ਇਸ ਮੌਕੇ ਪਰਿਵਾਰ ਵੱਲੋਂ ਰਾਸ਼ੀ ਭੇਂਟ ਕਰਨ ਲਈ ਧੰਨਵਾਦ ਕਿੱਤਾ । ਇਸ ਮੋਕੇ ਤੇ ਸਰਪੰਚ ਰਘਵਾਲ ਦਿਲਬਾਗ ਸਿੰਘ,ਕਾਲਾ ਰਘਵਾਲ,ਬਲਵੀਰ ਰਘਵਾਲ,ਹਰਭਜਨ ਸਿੰਘ ਢੱਟ,ਕੈਪਟਨ ਤਰਸੇਮ ਸਿੰਘ,ਜਸਵੀਰ ਸਿੰਘ ,ਸਰਪੰਚ ਮੱਲੇਵਾਲ ਆਦਿ ਹਾਜਰ ਸਨ ।