ਗੜ੍ਹਦੀਵਾਲਾ (ਚੌਧਰੀ)
: ਗੜ੍ਹਦੀਵਾਲਾ ਚ ਪਿਛਲੇ ਕੁਝ ਦਿਨਾਂ ਤੋਂ ਗੜਦੀਵਾਲਾ ਸ਼ਹਿਰ ਵਿੱਚ ਚੋਰੀਆਂ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ।ਬੀਤੀ ਰਾਤ ਚੋਰਾਂ ਨੇ ਇੱਕ ਹੋਰ ਦੁਕਾਨ ਮਹੰਤ ਮਾਰਕੀਟ ਮੇਨ ਰੋਡ ਸਥਿਤ ਤਮੰਨਾ ਇਲੈਕਟਰੋਨਿਕ ਪੁਆਇੰਟ ਮਿਊਜ਼ਿਕ ਸੈਂਟਰ ਨੂੰ ਅਪਣਾ ਨਿਸ਼ਾਨਾ ਬਣਾਇਆ ਹੈ ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੁਕਾਨ ਦੇ ਮਾਲਿਕ ਅਨਿਲ ਗੁਪਤਾ ਵਾਸੀ ਗੜ੍ਹਦੀਵਾਲਾ ਨੇ ਦੱਸਿਆ ਕਿ ਜਦੋਂ ਉਹ ਸਵੇਰੇ ਹਰ ਰੋਜ਼ ਦੀ ਤਰ੍ਹਾਂ ਆਪਣੀ ਦੁਕਾਨ ਖੋਲਣ ਲਈ ਆਏ ਤਾਂ ਉਹਨਾਂ ਨੇ ਦੁਕਾਨ ਦੇ ਤਾਲੇ ਟੁੱਟੇ ਹੋਏ ਦੇਖੇ ਤਾਂ ਸੈਂਟਰ ਲਾੱਕ ਵੀ ਉਖਾੜਿਆ ਹੋਇਆ ਸੀ। ਜਦੋਂ ਉਹਨਾਂ ਨੇ ਦੁਕਾਨਦਾਰ ਸ਼ਟਰ ਚੱਕ ਕੇ ਦੇਖਿਆ ਤਾਂ ਦੁਕਾਨ ਦਾ ਸਮਾਨ ਇਧਰ ਉਧਰ ਖਿਲਰਿਆ ਪਿਆ ਸੀ ਤੇ ਸਮਾਨ ਚੋਰੀ ਹੋਇਆ ਸੀ । ਉਹਨਾਂ ਨੇ ਅੱਗੇ ਦੱਸਿਆ ਕਿ ਚੋਰਾਂ ਵੱਲੋਂ ਗੱਲੇ ਵਿੱਚ ਪਏ ਪੰਜ ਹਜ਼ਾਰ ਰੁਪਏ ਕਰੀਬ ਕੈਸ਼ ਅਤੇ ਕਰੀਬ ਡੇਡ ਲੱਖ ਰੁਪਏ ਦਾ ਇਲੈਕਟਰੋਨਿਕ ਸਮਾਨ ਜਿੰਨਾ ਵਿੱਚ ਹੋਮ ਥੀਏਟਰ,ਟਾਵਰ ਮਾਈਕ, ਸਾਊਂਡ ਬਾਰ, ਗੱਡੀਆਂ ਵਿੱਚ ਲਗਾਉਣ ਵਾਲੇ ਪਰਫਿਊਮ ਆਦਿ ਦੁਕਾਨ ਦਾ ਹੋਰ ਸਮਾਨ ਚੋਰੀ ਕਰਕੇ ਲੈ ਗਏ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਇਸ ਘਟਨਾ ਤੋਂ ਕੁਝ ਦਿਨ ਪਹਿਲਾਂ ਚੋਰਾਂ ਨੇ ਟਾਂਡਾ ਰੋੜ ਤੇ ਸਥਿਤ ਦੋ ਦੁਕਾਨਾਂ ਨੂੰ ਆਪਣਾ ਸ਼ਿਕਾਰ ਬਣਾਇਆ ਸੀ ਜਿਸ ਦਾ ਅਜੇ ਤੱਕ ਕੋਈ ਸੁਰਾਗ਼ ਨਹੀਂ ਮਿਲਿਆ ।ਉਸ ਤੋਂ ਪਿੰਡ ਡੱਫਰ ਵਿਖੇ ਸਫੇਦੇ ਦੇ ਬੂਟੇ ਵੱਡ ਕੇ ਚੋਰੀ ਕਰਨ ਦਾ ਮਾਮਲਾ ਵੀ ਸਾਹਮਣਾ ਵੀ ਸਾਹਮਣੇ ਆਇਆ ਸੀ।
ਗੜ੍ਹਦੀਵਾਲਾ ਦੇ ਐਸ ਐਚ ਓ ਸਤਪਾਲ ਸਿੰਘ ਬਾਜਵਾ ਦਾ ਦੋ ਦਿਨ ਪਹਿਲਾਂ ਤਬਾਦਲਾ ਕੀਤਾ ਗਿਆ ਹੈ ਅਤੇ ਸਬ ਇੰਸਪੈਕਟਰ ਪਰਵਿੰਦਰ ਸਿੰਘ ਧੂਤ ਬਤੌਰ ਥਾਣਾ ਮੁਖੀ ਗੜ੍ਹਦੀਵਾਲਾ ਬੀਤੇ ਕੱਲ ਆਹੁਦਾ ਸੰਭਾਲ ਲਿਆ ਹੈ। ਬਤੌਰ ਨਵੇਂ ਥਾਣਾ ਮੁਖੀ ਦੇ ਆਹੁਦਾ ਸੰਭਾਲਦੇ ਹੀ ਰਾਤ ਨੂੰ ਚੋਰਾਂ ਵਲੋਂ ਮੇਨ ਰੋੜ ਤੇ ਵੱਡੀ ਚੋਰੀ ਨੂੰ ਅੰਜਾਮ ਦਿੱਤਾ ਗਿਆ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਨਵੇਂ ਐਸ ਐਚ ਓ ਪਰਮਿੰਦਰ ਸਿੰਘ ਧੂਤ ਇਨਾਂ ਚੋਰਾਂ ਨੂੰ ਨਕੇਲ ਪਾਉਣ ਵਿਚ ਕਾਮਯਾਬ ਹੁੰਦੇ ਹਨ ਜਾਂ ਫਿਰ ਮਾਮਲਾ ਐਫ ਆਈ ਆਰ ਦਰਜ ਕਰਨ ਤੱਕ ਹੀ ਸੀਮਿਤ ਰਿਹ ਜਾਵੇਗਾ।
