ਗੜ੍ਹਦੀਵਾਲਾ 11 ਮਾਰਚ (ਚੌਧਰੀ) 

: ਸਿੱਖ ਵੈਲਫੇਅਰ ਸੋਸਾਇਟੀ ਲੰਡਨ (Uk)ਵੱਲੋਂ ਸ਼ਿਵਾਲਕ ਹਿਲ ਪਬਲਿਕ ਸਕੂਲ ਹਾਈ ਸਕੂਲ ਰਘਵਾਲ ਵਿਖੇ ਅੱਖਾਂ ਦਾ ਫਰੀ ਚੌਥਾ ਚੈਕਅੱਪ ਕੈਂਪ ਲਗਾਇਆ ਗਿਆ। ਇਸ ਵਿੱਚ ਕੰਢੀ ਇਲਾਕੇ ਦੇ ਦੂਰ ਦੂਰ ਤੋਂ ਬਜ਼ੁਰਗਾਂ, ਮਾਤਾਵਾਂ, ਭੈਣਾਂ ਨੇ ਭਾਰੀ ਗਿਣਤੀ ਵਿੱਚ ਸ਼ਿਰਕਤ ਕੀਤੀ ਤੇ ਕੈਂਪ ਦਾ ਲਾਭ ਲਿਆ। ਅੱਜ ਦੇ ਇਸ ਕੈਂਪ ਵਿੱਚ 570 ਮਰੀਜ਼ਾਂ ਨੇ ਇਸ ਕੈਂਪ ਦਾ ਲਾਹਾ ਲਿਆ। ਜਿਨਾਂ ਵਿੱਚੋਂ 86 ਮਰੀਜ਼ ਆਪਰੇਸ਼ਨ ਲਈ ਜਲੰਧਰ ਜਾ ਚੁੱਕੇ ਹਨ ਅਤੇ 20 ਮਰੀਜ਼ ਦੁਬਾਰਾ ਡਾਕਟਰਾਂ ਤੋ ਟਾਈਮ ਲੈ ਕੇ ਜਲੰਧਰ ਆਪਰੇਸ਼ਨ ਲਈ ਜਾਣਗੇ ।

ਪੱਤਰਕਾਰਾਂ ਨਾਲ ਰੂਬਰੂ ਹੁੰਦਿਆਂ ਸਿੱਖ ਵੈਲਫੇਅਰ ਸੁਸਾਇਟੀ ਲੰਡਨ ਦੇ ਅਹੁਦੇਦਾਰ ਸਤਨਾਮ ਸਿੰਘ ਸੰਧੂ ਨੇ ਕਿਹਾ ਕਿ ਪੰਜਾਬੀਆਂ ਦਾ ਕਦੇ ਵੀ ਪੰਜਾਬ ਦੀ ਮਿੱਟੀ ਨਾਲ ਮੋਹ ਤੋਂ ਵੱਖ ਨਹੀਂ ਹੋ ਸਕਦੈ, ਸਾਡੀ ਮਿੱਟੀ ਦਾ ਮੋਹ ਹੀ ਸਾਨੂੰ ਇੰਗਲੈਂਡ ਤੋਂ ਪੰਜਾਬ ਵਿੱਚ ਖਿੱਚ ਲਿਆਉਂਦਾ ਹੈ। ਅਸੀਂ ਦੁਆ ਕਰਦੇ ਹਾਂ ਕਿ ਸਾਡੇ ਲੋਕ ਸੁਖੀ ਵਸਣ!ਨੋਜਵਾਨ ਬੇਹਤਰ ਸਿੱਖਿਆ ਲੈ ਕੇ ਆਪਣੇ ਆਪ ਨੂੰ ਸਹੀ ਐਡਜਸਟ ਕਰਨ ,ਇੰਗਲੈਂਡ ਪੜੇ ਲਿਖੇ ਸਿੱਖਿਅਤ ਨੌਜਵਾਨਾਂ ਦੀ ਬੇਹਤਰੀ ਲਈ ਹਰ ਤਰ੍ਹਾਂ ਆਸਬੰਧ ਹੈ। ਉਹਨਾਂ ਕਿਹਾ ਸਿੱਖ ਵੈਲਫੇਅਰ ਸੋਸਾਇਟੀ ਲੰਡਨ ਦੇ ਸਾਡੇ 25 ਮੈਂਬਰਾਂ ਦੀ ਸੰਸਥਾ ਹੈ ।ਅਸੀਂ ਹਰ ਸਾਲ ਪਰਿਵਾਰਾਂ ਸਮੇਤ ਇੱਥੇ ਪੰਜਾਬ ਵਿੱਚ ਆ ਕੇ ਫਰੀ ਕੈਂਂਪ ਲਗਾਉਂਦੇ ਹਾਂ। ਉਹਨਾਂ ਕਿਹਾ ਸਾਨੂੰ ਬੜਾ ਚੰਗਾ ਲੱਗਦਾ ਹੈ ਜਦੋਂ ਸਾਡੀ ਸੰਸਥਾ ਵੱਲੋਂ ਫਰੀ ਕੈਂਪਾਂ ਚ ਸੇਵਾ ਨਿਭਾ ਕੇ ਸਾਡੇ ਪੰਜਾਬੀ ਬਿਹਤਰ ਸਹੂਲਤਾਂ ਮਾਨਣ ਤੇ ਲੰਮੀ ਲੰਮੀ ਉਮਰ ਜਿਉਣ। ਇਸ ਕੈਂਪ ਵਿੱਚ ਚੀਫ ਔਰਗਨਾਈਜ਼ਰ ਦੀ ਭੂਮਿਕਾ ਨਿਮਰਤਾਜੀਤ ਕੌਰ ਤੇ ਸੁਖਜੀਤ ਸਿੰਘ ਸੰਧੂ, ਸੁਖਬੀਰ ਸਿੰਘ, ਬਬਲੂ ਸਰਪੰਚ ਕਟੌਹਰ ਅਤੇ ਦੀਪ ਸਿੰਘ ਨੇ ਨਿਭਾਈ। ਇਸ ਮੌਕੇ ਸਿੱਖ ਵੈਲਫੇਅਰ ਸੁਸਾਇਟੀ ਲੰਡਨ ਦੇ ਸਤਨਾਮ ਸਿੰਘ ਸੰਧੂ, ਬੂਟਾ ਸਿੰਘ ਨਿਜਰ, ਹਰਜਿੰਦਰ ਸਿੰਘ ਜੌਹਲ ,ਬਲਵੀਰ ਸਿੰਘ ਸਾਬੀ ,ਗੁਰਪਾਲ ਸਿੰਘ ਉੱਪਲ, ਮਨਦੀਪ ਸਿੰਘ ਬਿਨਿੰਗ ਹਾਜ਼ਰ ਸਨ ।ਅਕਾਲ ਆਈ ਹਸਪਤਾਲ ਜਲੰਧਰ ਦੀ ਟੀਮ ਵੱਲੋਂ ਡਾਕਟਰ ਬਲਵੀਰ ਸਿੰਘ ਭੋਰਾ ਦੀ ਅਗਵਾਾਈ ਹੇਠ ਕੈਂਪ ਵਿੱਚ ਸੇਵਾਵਾਂ ਦਿੱਤੀਆਂ।

ਫੋਟੋ : ਅੱਖਾਂ ਦੇ ਚੈਕਅੱਪ ਸਬੰਧੀ ਕੈਂਪ ਦੀਆਂ ਵੱਖ-ਵੱਖ ਝਲਕੀਆਂ।