ਦਸੂਹਾ 24 ਮਾਰਚ (ਚੌਧਰੀ) 

: ਕੰਢੀ ਇਲਾਕੇ ਦੇ ਪਿੰਡ ਜੁਗਿਆਲ ਦੇ ਜੰਗਲ ‘ਚੋਂ ਇਕ ਅਣਪਛਾਤੀ ਔਰਤ ਦੀ ਲਾ+ਸ਼ ਮਿਲਣ ਨਾਲ ਇਲਾਕੇ ‘ਚ ਸਨਸਨੀ ਫੈਲ ਗਈ ਅਤੇ ਲੋਕਾਂ ਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। ਪ੍ਰਾਪਤ ਜਾਣਕਾਰੀ ਦੇ ਮੁਤਾਬਿਕ ਐਤਵਾਰ ਨੂੰ ਪਿੰਡ ਜੁਗਿਆਲ ਤੋਂ ਟਿੱਲੇ ਨੂੰ ਜਾਣ ਵਾਲੇ ਰਸਤੇ ਦੇ ਕੰਢੇ ਮੰਦਰ ਨੂੰ ਜਾਣ ਵਾਲੀ ਸੰਗਤ ਨੇ ਜਿਵੇਂ ਹੀ ਇਕ ਅਣਪਛਾਤੀ ਔਰਤ ਦੀ ਲਾਸ਼ ਨੂੰ ਦੇਖਿਆ ਤਾਂ ਇਸ ਦੀ ਸੂਚਨਾ ਮੰਦਰ ਕਮੇਟੀ ਨੂੰ ਦਿੱਤੀ ਗਈ। ਮੰਦਰ ਕਮੇਟੀ ਨੇ ਜਿਵੇਂ ਹੀ ਅਣਪਛਾਤੀ ਔਰਤ ਦੀ ਜੰਗਲ ‘ਚ ਪਈ ਲਾਸ਼ ਦੀ ਸੂਚਨਾਂ ਹਾਜੀਪੁਰ ਪੁਲਿਸ ਨੂੰ ਦਿੱਤੀ ਤਾਂ ਐੱਸਐੱਚਓ ਹਾਜੀਪੁਰ ਪੰਕਜ ਕੁਮਾਰ ਆਪਣੀ ਪੁਲਿਸ ਪਾਰਟੀ ਦੇ ਨਾਲ ਘਟਨਾ ਵਾਲੀ ਥਾਂ ‘ਤੇ ਪੁੱਜੇ। ਮ੍ਰਿਤਕ ਔਰਤ ਜਿਸ ਨੇ ਪਿੰਕ ਰੰਗ ਦਾ ਸੂਟ ਪਾਇਆ ਹੋਇਆ ਹੈ ਅਤੇ ਉਸ ਦੀ ਉਮਰ 35 ਤੋਂ 35 ਸਾਲ ਦੱਸੀ ਜਾ ਰਹੀ ਹੈ। ‘ਮੌਕਾ ਦੇਖਣ ਤੇ ਔਰਤ ਦੇ ਕਤਲ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ ਕਿਉਂਕਿ ਜਿਸ ਥਾਂ ‘ਤੇ ਔਰਤ ਦਾ ਕਤਲ ਕੀਤਾ ਗਿਆ ਹੈ। ਉਸ ਥਾਂ ‘ਤੇ ਖੂਨ ਕਾਫੀ ਡਿੱਗਿਆ ਹੋਇਆ ਹੈ ਅਤੇ ਔਰਤ ਦੀਆਂ ਚੂੜੀਆਂ ਟੂਟੀਆਂ ਹੋਈਆਂ ਹਨ। ਸੂਚਨਾ ਮਿਲਣ ਤੇ ਡੀ.ਐਸ.ਪੀ.ਮੁਕੇਰੀਆਂ ਵਿਪਨ ਕੁਮਾਰ ਵੀ ਘਟਨਾਂ ਵਾਲੀ ਥਾਂ ‘ਤੇ ਪੁੱਜ ਗਏ ਸਨ ਅਤੇ ਪੁਲਿਸ ਨੇ ਆਪਣੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ।