ਗੜ੍ਹਦੀਵਾਲਾ 27 ਦਸੰਬਰ (PPT NEWS )
: ਗੜ੍ਹਦੀਵਾਲਾ ਦੇ ਨਜ਼ਦੀਕ ਸ਼ਿਵਾਲਿਕ ਪਹਾੜੀਆਂ ਨਾਲ ਘਿਰੇ ਪਿੰਡ ਕੋਈ ਵਿਖੇ ਖੇਤਾਂ ਚ ਲੱਕੜਾਂ ਲੈਣ ਗਏ ਪ੍ਰਵਾਸੀ ਮਜਬੂਰ ਮੋਹਨ ਲਾਲ ਤੇ ਤੇਂਦੁਏ ਵਲੋਂ ਹਮਲਾ ਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੋਇਆ ਹੈ।ਜਿਸ ਨਾਲ ਪਿੰਡ ਦੇ ਲੋਕਾਂ ਵਿਚ ਦਹਿਸ਼ਤ ਦਾ ਮਾਹੌਲ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਅੱਜ ਸਵੇਰੇ 8 ਵਜੇ ਦੇ ਕਰੀਬ ਪ੍ਰਵਾਸੀ ਮੋਹਨ ਲਾਲ ਖੇਤਾਂ ਵਿਚ ਲੱਕੜਾਂ ਲੈਣ ਲਈ ਗਏ ਤਾਂ ਅਚਾਨਕ ਤੇਂਦੁਏ ਨੇ ਉਸ ਪਰ ਹਮਲਾ ਕਰ ਦਿੱਤਾ। ਮੋਹਨ ਲਾਲ ਵਲੋਂ ਛੋਰ ਮਚਾਉਣ ਤੇ ਨਜਦੀਕ ਖੇਤਾਂ ਵਿਚ ਮੌਜੂਦ ਦੋ ਨੌਜਵਾਨ ਨੇ ਮੌਕੇ ਤੇ ਪਹੁੰਚ ਕੇ ਮੋਹਨ ਲਾਲ ਦੀ ਜਾਣ ਬਚਾਈ। ਜਿਸ ਵਿੱਚ ਮੋਹਨ ਲਾਲ ਤੇ ਇੱਕ ਹੋਰ ਨੌਜਵਾਨ ਗੰਭੀਰ ਜਖਮੀ ਹੋ ਗਏ। ਜਿਸ ਨੂੰ ਜਖਮੀ ਹਾਲਤ ਵਿਚ ਸੀ ਐਚ ਸੀ ਮੰਡ ਪੰਧੇਰ ਲੈ ਜਾਇਆ ਗਿਆ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਰਪੰਚ ਸੁਖਵੀਰ ਸਿੰਘ ਨੇ ਦੱਸਿਆ ਕਿ ਮੈਂਨੂੰ ਬੰਟੀ ਨਾਮਕ ਵਿਅਕਤੀ ਦਾ ਫੋਨ ਆਇਆ ਮੋਹਨ ਲਾਲ ਤੇ ਇੱਕ ਤੇਂਦੁਏ ਨੇ ਹਮਲਾ ਕਰ ਦਿੱਤਾ ਹੈ। ਫੋਨ ਤੋਂ ਬਾਅਦ ਮੈਂ ਆਪਣੀ ਪੰਚਾਇਤ ਟੀਮ ਨਾਲ ਘਟਨਾ ਵਾਲੀ ਥਾਂ ਤੇ ਪਹੁੰਚਿਆ ਤੇ ਦੇਖਿਆ ਕਿ ਇੱਕ ਤੇਂਦੁਆ ਉਥੇ ਮਰਿਆ ਹੋਇਆ ਹੈ। ਜਿਸ ਦੀ ਮੈਂ ਫੋਰੈਸਟ ਵਿਭਾਗ ਨੂੰ ਜਾਣਕਾਰੀ ਦਿਤੀ।
ਸੂਚਨਾ ਮਿਲਦੇ ਹੀ ਵਰਲਡ ਵਾਇਲਡ ਲਾਈਫ ਦੀ ਇੱਕ ਟੀਮ ਨੇ ਘਟਨਾ ਵਾਲੀ ਥਾਂ ਤੇ ਪਹੁੰਚ ਕੇ ਮ੍ਰਿਤਕ ਤੇਂਦੁਏ ਨੂੰ ਕਬਜੇ ਵਿਚ ਲੈ ਲਿਆ। ਇਸ ਮੌਕੇ ਟੀਮ ਦੇ ਅਧਿਕਾਰੀ ਵਿਕਰਮਜੀਤ ਸਿੰਘ ਨੇ ਦੱਸਿਆ ਕਿ ਪਿੰਡ ਵਾਸੀਆਂ ਦੇ ਦੱਸਣ ਮੁਤਾਬਕ ਤੇਂਦੁਏ ਨੇ ਇੱਕ ਮੋਹਨ ਲਾਲ ਨਾਮਕ ਵਿਅਕਤੀ ਤੇ ਹਮਲਾ ਕੀਤਾ ਸੀ ਜਿਸ ਨੂੰ ਬਚਾਉਣ ਲਈ ਦੋ ਨੌਜਵਾਨ ਅੱਗੇ ਆਏ। ਸਾਨੂੰ ਲੱਗਦਾ ਹੈ ਕਿ ਉਸ ਵਿਅਕਤੀ ਨੂੰ ਬਚਾਉਂਦੇ ਹੋਏ ਇਹ ਤੇਂਦੁਆ ਮਾਰਿਆ ਗਿਆ ਹੋਵੇ। ਇਹ ਸਾਰੀ ਘਟਨਾ ਜਾਂਚ ਦਾ ਵਿਸ਼ਾ ਹੈ। ਉਨ੍ਹਾਂ ਕਿਹਾ ਅਸੀਂ ਇਸ ਨੂੰ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਵਿਖੇ ਲੈ ਕੇ ਜਾ ਰਹੇ ਹਾਂ। ਜਿਥੇ ਡਾਕਟਰਾਂ ਦੀ ਟੀਮ ਇਸ ਦਾ ਪੋਸਟਮਾਰਟਮ ਕਰੇਗੀ। ਉਸ ਤੋਂ ਬਾਅਦ ਸਾਰੀ ਗੱਲ ਸਾਹਮਣੇ ਆਵੇਗੀ। ਉਨ੍ਹਾਂ ਕਿਹਾ ਕਿ ਸਾਰੇ ਪਿੰਡ ਵਾਸੀ ਸਾਡੇ ਭੈਣ ਭਰਾ ਹਨ।
ਇਸ ਮੌਕੇ ਗੜ੍ਹਦੀਵਾਲਾ ਪੁਲਿਸ ਕਰਮਚਾਰੀ ਏ ਐਸ ਆਈ ਦਿਲਦਾਰ ਸਿੰਘ ਨੇ ਕਿਹਾ ਕਿ ਫੋਰੈਸਟ ਵਿਭਾਗ ਵਲੋਂ ਸੂਚਨਾ ਮਿਲੀ ਸੀ ਕਿ ਪਿੰਡ ਕੋਈ ਵਿਖੇ ਇੱਕ ਤੇਂਦੁਆ ਮ੍ਰਿਤਕ ਮਿਲਿਆ ਹੈ। ਉਨ੍ਹਾਂ ਕਿਹਾ ਕਿ ਘਟਨਾ ਦੀ ਸਾਰੀ ਜਾਣ ਲਈ ਗਈ ਹੈ। ਇਹ ਸਾਰੀ ਘਟਨਾ ਜਾਂਚ ਦਾ ਵਿਸ਼ਾ ਹੈ।ਫੋਰੈਸਟ ਵਿਭਾਗ ਵਲੋਂ ਜਾਂਚ ਪੂਰੀ ਹੋਣ ਉਪਰੰਤ ਜੋ ਤੱਥ ਸਾਹਮਣੇ ਆਉਣਗੇ ਉਸ ਹਿਸਾਬ ਨਾਲ ਅਗਲੇਰੀ ਕਾਰਵਾਈ ਕੀਤੀ ਜਾਵੇਗੀ।
ਇਸ ਮੌਕੇ ਪਿੰਡ ਦੇ ਸਰਪੰਚ ਤੇ ਸਮੂਹ ਪੰਚ ਅਤੇ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀ ਹਾਜਰ ਸਨ। ਇਸ ਮੌਕੇ ਸਮੂਹ ਪਿੰਡ ਵਾਸੀਆਂ ਨੇ ਕਿਹਾ ਜੰਗਲੀ ਜਾਨਵਰਾਂ ਨੇ ਲੋਕਾਂ ਦਾ ਜੀਣਾ ਦੁਸ਼ਵਾਰ ਕੀਤਾ ਹੋਇਆ ਹੈ। ਉਨ੍ਹਾਂ ਕਿਹਾ ਕਿਹਾ ਸਾਰਾ ਪਿੰਡ ਪਹਿਲਾਂ ਖੇਤੀ ਕਰਦਾ ਸੀ ਪਰ ਹੁਣ ਜੰਗਲੀ ਜੀਵਾਂ ਦੀ ਤਾਦਾਤ ਵੱਧਣ ਕਰਕੇ ਪਿੰਡ ਵਾਸੀਆਂ ਨੇ ਖੇਤੀ ਕਰਨਾ ਬਿਲਕੁਲ ਛੱਡ ਦਿੱਤੀ ਹੈ।ਉਨ੍ਹਾਂ ਕਿਹਾ ਕਿ ਦਿਨ ਦਿਹਾੜੇ ਜੰਗਲੀ ਜੀਵ ਆਮ ਘੁਮਦੇ ਹੋਏ ਨਜਰ ਆਉਂਦੇ ਹਨ। ਇੱਥੋਂ ਤੱਕ ਵੀ ਲੋਕਾਂ ਦਾ ਆਪਣੇ ਖੇਤਾਂ ਵਿਚ ਜਾਣਾ ਵੀ ਮੁਸ਼ਕਿਲ ਹੋ ਗਿਆ। ਹਮੇਸ਼ਾ ਡਰ ਬਣਿਆ ਰਹਿੰਦਾ ਹੈ ਕਿ ਨਾ ਜਾਨੇ ਕਦੋਂ ਕਿਹੜਾ ਜਾਨਵਰ ਕਿਸ ਪਰ ਹਮਲਾ ਕਰ ਦੇਵੇ। ਉਨ੍ਹਾਂ ਵਿਭਾਗ ਨੂੰ ਅਪੀਲ ਕੀਤੀ ਹੈ ਕਿ ਸਮਸਿਆ ਦਾ ਕੋਈ ਹੱਲ ਕੱਢਿਆ ਜਾਵੇ ਤਾਂਕਿ ਕੋਈ ਹੋਰ ਵੱਡੀ ਘਟਨਾ ਨਾ ਵਾਪਰ ਸਕੇ।
