ਫਗਵਾੜਾ ( ਲਾਲੀ ਦਾਦਰ )
* ਚੋਰੀ ਦੀਆਂ ਵੱਧਦੀਆਂ ਵਾਰਦਾਤਾਂ ਨੂੰ ਲੈ ਕੇ ਦੁਕਾਨਦਾਰਾਂ ‘ਚ ਖੌਫ
15 ਅਪ੍ਰੈਲ : ਥਾਣਾ ਰਾਵਲਪਿੰਡੀ ਅਧੀਨ ਆਉਂਦੇ ਪੇਂਡੂ ਖੇਤਰਾਂ ਵਿਚ ਚੋਰਾਂ ਦਾ ਖੌਫ ਲਗਾਤਾਰ ਜਾਰੀ ਹੈ। ਇਸੇ ਲੜੀ ਤਹਿਤ ਬੀਤੀ ਰਾਤ ਅਣਪਛਾਤੇ ਚੋਰਾਂ ਵਲੋਂ ਪਿੰਡ ਸੰਗਤਪੁਰ ਬੱਸ ਸਟੈਂਡ ਦੇ ਨਜਦੀਕ ਦੋ ਦੁਕਾਨਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਚੋਰਾਂ ਨੇ ਦਰਮਿਆਨੀ ਰਾਤ ਸਮੇਂ ਮੇਜਰ ਸਿੰਘ ਫੌਜੀ ਟੈਂਟ ਹਾਉਸ ਅਤੇ ਬੋਬੀ ਡਿਜੀਟਲ ਸਟੂਡੀਓ ਦੀਆਂ ਕੰਧਾਂ ਪਾੜ ਕੇ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਹੈ। ਇਸ ਚੋਰੀ ਸਬੰਧੀ ਜਾਣਕਾਰੀ ਦਿੰਦਿਆਂ ਪੀੜ੍ਹਤ ਦੁਕਾਨਦਾਰ ਅਨਿਲ ਕੁਮਾਰ ਮਾਲਕ ਬੋਬੀ ਡਿਜੀਟਲ ਸਟੂਡੀਓ ਨੇ ਦੱਸਿਆ ਕਿ ਉਸਦੇ ਸਟੂਡੀਓ ਵਿੱਚੋ ਇਕ ਕੰਧ ਵਾਲਾ ਪੱਖਾ ਅਤੇ ਕੁੱਝ ਨਗਦੀ ਚੋਰੀ ਹੋਈ ਹੈ ਜਦਕਿ ਟੈਂਟ ਹਾਉਸ ਵਿਚੋਂ ਭਾਰੀ ਸਮਾਨ ਤੋੜੀ ਗਈ ਕੰਧ ਰਾਹੀਂ ਲੈ ਕੇ ਜਾਣ ਵਿਚ ਚੋਰ ਨਾਕਾਮ ਰਹੇ। ਉਹਨਾਂ ਦੱਸਿਆ ਕਿ ਇਸ ਮਾਰਕਿਟ ਵਿਚ ਪਿਛਲੇ ਇਕ ਸਾਲ ਦੌਰਾਨ ਚਾਰ-ਪੰਜ ਚੋਰੀ ਦੀਆਂ ਵਾਰਦਾਤਾਂ ਹੋ ਚੁੱਕੀਆਂ ਹਨ ਜਿਸ ਨੂੰ ਲੈ ਕੇ ਸਮੂਹ ਦੁਕਾਨਦਾਰ ਆਪਣੇ ਆਪ ਨੂੰ ਅਸੁਰੱਖਿਅਤ ਮਹਿਸੂਸ ਕਰਦੇ ਹਨ। ਉਹਨਾਂ ਪੁਲਿਸ ਦੇ ਉੱਚ ਅਧਿਕਾਰੀਆਂ ਤੋਂ ਮੰਗ ਕੀਤੀ ਕਿ ਰਾਤ ਸਮੇਂ ਪੇਂਡੂ ਇਲਾਕਿਆਂ ਵਿਚ ਪੁਲਿਸ ਦੀ ਰੈਗੁਲਰ ਗਸ਼ਤ ਦਾ ਪ੍ਰਬੰਧ ਕੀਤਾ ਜਾਵੇ ਤਾਂ ਜੋ ਲੋਕ ਸੁਖਾਵੇਂ ਮਾਹੌਲ ਵਿਚ ਰਹਿ ਸਕਣ।
ਕੈਪਸ਼ਨ- ਪਿੰਡ ਸੰਗਤਪੁਰ ਵਿਖੇ ਚੋਰਾਂ ਵਲੋਂ ਇਕ ਦੁਕਾਨ ਦੀ ਦੀਵਾਰ ਵਿਚ ਕੀਤਾ ਸੁਰਾਖ ਅਤੇ ਜਾਣਕਾਰੀ ਦਿੰਦੇ ਹੋਏ ਪੀੜ੍ਹਤ ਦੁਕਾਨਦਾਰ ਅਨਿਲ ਕੁਮਾਰ ਮੇਹਲੀਆਣਾ ਤੇ ਹੋਰ।
