ਗੁਰਦਾਸਪੁਰ (ਅਸ਼ਵਨੀ) 

6 ਅਪ੍ਰੈਲ – ਜਾਅਲੀ ਜਨਮ ਸਰਟੀਫੀਕੇਟ ਦੇ ਅਧਾਰ ਤੇ ਪਾਸਪੋਰਟ , ਪੈਨ , ਅਧਾਰ ਅਤੇ ਡਰਾਈਵਰ ਲਾਈਸੈਂਸ ਬਨ੍ਹਵਾਉਣ ਤੇ ਪਤੀ ਦੀ ਸ਼ਿਕਾਇਤ ਤੇ ਪੁਲਿਸ ਸਟੇਸ਼ਨ ਪੁਰਾਣਾ ਸ਼ਾਲਾਂ ਦੀ ਪੁਲਿਸ ਵੱਲੋ ਪਤਨੀ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ । ਮੋਹਿਤ ਚੌਹਾਨ ਪੁੱਤਰ ਸਵਰਨ ਸਿੰਘ ਵਾਸੀ ਦੇਹਰਾਦੂਨ ਉਤਰਾਖੰਡ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀ ਦੱਸਿਆ ਕਿ ਇਕ ਸਾਈਟ ਦੇ ਜ਼ਰੀਏ ਉਸ ਦਾ ਵਿਆਹ ਮਨਦੀਪ ਕੋਰ ਪੁੱਤਰੀ ਸੁਖਵਿੰਦਰ ਸਿੰਘ ਵਾਸੀ ਛੀਨਾ ਬੇਟ ਨਾਲ ਹੋਇਆ ਸੀ । ਮਨਦੀਪ ਕੋਰ ਨੇ ਸਾਲ 2008 ਵਿੱਚ ਦਸਵੀ ਅਤੇ 2010 ਵਿੱਚ ਜਮਾ 2 ਪਾਸ ਕੀਤੀ ਸੀ ਉਸ ਤੋਂ ਮਨਦੀਪ ਕੋਰ ਨੇ 5 ਅਪ੍ਰੈਲ 2000 ਦਾ ਜਾਅਲੀ ਜਨਮ ਸਰਟੀਫੀਕੇਟ ਤਿਆਰ ਕਰਵਾ ਕੇ ਇਕ ਨਿੱਜੀ ਸਕੂਲ ਤੋਂ 2019 ਵਿੱਚ ਦਸਵੀ ਅਤੇ 2021 ਵਿੱਚ ਜਮਾ 2 ਪਾਸ ਕੀਤੀ ਅਤੇ ਜਾਅਲੀ ਜਨਮ ਸਰਟੀਫੀਕੇਟ ਦੇ ਅਧਾਰ ਤੇ ਪਾਸਪੋਰਟ , ਪੈਨ , ਅਧਾਰ ਕਾਰਡ ਅਤੇ ਡਰਾਈਵਰ ਲਾਈਸੈਂਸ ਬਨਾ ਲਿਆ । ਸਹਾਇਕ ਸਬ ਇੰਸਪੈਕਟਰ ਜਗਦੀਸ਼ ਸਿੰਘ ਨੇ ਦੱਸਿਆ ਕਿ ਮੋਹਿਤ ਚੌਹਾਨ ਵੱਲੋ ਕੀਤੀ ਸ਼ਿਕਾਇਤ ਦੀ ਜਾਂਚ ਸਹਾਇਕ ਪੁਲਿਸ ਕਪਤਾਨ ਦੀਨਾ ਨਗਰ ਵੱਲੋ ਕਰਨ ਉਪਰਾਂਤ ਮਨਦੀਪ ਕੋਰ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।