ਗੜ੍ਹਦੀਵਾਲਾ (ਚੌਧਰੀ) 

6 ਅਪ੍ਰੈਲ : ਅੱਜ ਖਾਲਸਾ ਕਾਲਜ ਗੜ੍ਹਦੀਵਾਲਾ ਵਿਖੇ ਕੰਪਿਊਟਰ ਵਿਭਾਗ ਵਲੋਂ ਨੈਸ਼ਨਲ ਟੈਕਨੌਲਜ਼ੀ ਦਿਵਸ ਨੂੰ ਸਮਰਪਿਤ ਇੰਟਰ ਕਾਲਜ ਮੁਕਾਬਲਾ ਕਰਵਾਇਆ ਗਿਆ। ਜਿਸ ਦੇ ਅੰਤਰਗਤ ਟਾਇਪਿੰਗ, ਪ੍ਰੈਜ਼ਨਟੇਸ਼ਨ, ਡਿਜ਼ੀਟਲ ਪੋਸਟਰ, ਗਰੁੱਪ ਡਿਸਕੱਸ਼ਨ, ਐਡ- ਮੈਡ ਸ਼ੋ, ਵੈੱਬ -ਪੇਜ਼ ਡਿਵਲਪਮੈਂਟ ਅਤੇ ਲੋਗੋ ਡਿਜ਼ਾਈਨਿੰਗ ਮੁਕਾਬਲੇ ਕਰਵਾਏ ਗਏ । ਜਿਸ ਵਿੱਚ ਵੱਖ-ਵੱਖ ਕਾਲਜਾਂ ਦੇ 45 ਵਿਦਿਆਰਥੀਆਂ ਨੇ ਹਿੱਸਾ ਲਿਆ । ਇਸ ਮੁਕਾਬਲੇ ਦੇ ਸ਼ੁਰੂ ਵਿੱਚ ਪੋ੍ਰ. ਕਮਲਜੀਤ ਕੌਰ, ਮੁਖੀ ਕੰਪਿਊਟਰ ਵਿਭਾਗ ਵਲੌ ਵੱਖ-ਵੱਖ ਕਾਲਜਾਂ ਤੋਂ ਆਏ ਹੋਏ ਟੀਚਰ ਸਾਹਿਬਾਨ ਅਤੇ ਵਿਦਿਆਰਥੀਆਂ ਨੂੰ ਜੀ ਆਇਆਂ ਕਿਹਾ । ਇਹ ਮੁਕਾਬਲੇ ਵਿਦਿਆਰਥੀਆਂ ਦੇ ਸਰਬਪੱਖੀ ਵਿਕਾਸ ਨੂੰ ਮੁੱਖ ਰੱਖਦਿਆਂ ਕਰਵਾਏ ਗਏ । ਪ੍ਰੈਜ਼ਨਟੇਸ਼ਨ, ਡਿਜ਼ੀਟਲ ਪੋਸਟਰ, ਐਡ- ਮੈਡ ਸ਼ੋ ਅਤੇ ਟਾਇਪਿੰਗ ਵਿੱਚ ਪਹਿਲਾ ਸਥਾਨ ਖਾਲਸਾ ਕਾਲਜ, ਗੜਦੀਵਾਲਾ ਨੇ ਹਾਸਿਲ ਕੀਤਾ । ਵੈੱਬ -ਪੇਜ਼ ਡਿਵਲਪਮੈਂਟ , ਗਰੁੱਪ ਡਿਸਕੱਸ਼ਨ ਵਿੱਚ ਪਹਿਲਾ ਸਥਾਨ ਐਸ. ਪੀ. ਐਨ ਕਾਲਜ , ਮੁਕੇਰੀਆਂ ਨੇ ਹਾਸਿਲ ਕੀਤਾ ।ਲੋਗੋ ਡਿਜ਼ਾਈਨਿੰਗ ਵਿੱਚ ਗੁਰੂ ਨਾਨਕ ਖਾਲਸਾ ਕਾਲਜ , ਡਰੋਲੀ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ । ਲੋਗੋ ਡਿਜ਼ਾਈਨਿੰਗ, ਪ੍ਰੈਜ਼ਨਟੇਸ਼ਨ, ਡਿਜ਼ੀਟਲ ਪੋਸਟਰ ,ਐਡ- ਮੈਡ ਸ਼ੋ ਅਤੇ ਟਾਇਪਿੰਗ ਵਿੱਚ ਐਸ. ਪੀ. ਐਨ ਕਾਲਜ ਮੁਕੇਰੀਆਂ ਨੇ ਦੂਸਰਾ ਸਥਾਨ ਹਾਸਿਲ ਕੀਤਾ । ਇਸ ਮੌਕੇ ਪ੍ਰਿੰਸੀਪਲ ਡਾ. ਜਸਪਾਲ ਸਿੰਘ ਦੁਆਰਾ ਜੇਤੂ ਵਿਦਿਆਰਥੀਆਂ ਨੂੰ ਇਨਾਮ ਦੇ ਕੇ ਹੌਂਸਲਾ ਅਵਜਾਈ ਕੀਤੀ ਗਈ ਅਤੇ ਇਸ ਤਰਾਂ ਦੇ ਮੁਕਾਬਲਿਆਂ ਵਿੱਚ ਵੱਧ ਚੜ ਕੇ ਹਿੱਸਾ ਲੈਣ ਲਈ ਪ੍ਰੇਰਿਆ ਗਿਆ । ਅੰਤ ਵਿੱਚ ਪ੍ਰਿੰਸੀਪਲ ਡਾ. ਜਸਪਾਲ ਸਿੰਘ ਜੀ ਨੇ ਹਾਜ਼ਰ ਸਟਾਫ਼ ਅਤੇ ਵਿਦਿਆਰਥੀਆਂ ਦਾ ਧੰਨਵਾਦ ਕੀਤਾ । ਜੱਜਾਂ ਦੀ ਭੂਮਿਕਾ ਪ੍ਰੋ. ਸੰਜੀਵ ਸਿੰਘ, ਪ੍ਰੋ. ਦਵਿੰਦਰ ਕੁਮਾਰ , ਡਾ. ਪੰਕਜ਼ ਸ਼ਰਮਾ, ਪ੍ਰੋ. ਮੁਨੀਸ਼ ਦੇਵ, ਪ੍ਰੋ. ਅਰਚਨਾ ਠਾਕੁਰ, ਪ੍ਰੋ. ਕੀਰਤੀਕਾ ਸ਼ਰਮਾ, ਪ੍ਰੋ. ਗੁਰਪ੍ਰੀਤ ਕੌਰ, ਪ੍ਰੋ. ਗੁਰਬਿਂਦਰ ਕੌਰ, ਪ੍ਰੋ. ਸਿਮਰਨਦੀਪ ਕੌਰ, ਪ੍ਰੋ. ਪਰਵੀਨ ਕੁਮਾਰ ਅਤੇ ਪ੍ਰੋ. ਪਰਮਿੰਦਰ ਕੌਰ ਨੇ ਨਿਭਾਈ ।ਪੋ੍ਰ. ਜੋਤੀ ਪਾੱਲ ਵਲੋਂ ਮੰਚ ਦਾ ਸੰਚਾਲਨ ਵਧੀਆ ਢੰਗ ਨਾਲ ਕੀਤਾ ਗਿਆ। ਇਸ ਮੌਕੇ ਵਿਭਾਗ ਦਾ ਸਮੂਹ ਸਟਾਫ਼ ਹਾਜ਼ਰ ਸੀ ।