1 ਕਿਲੋ 50 ਗ੍ਰਾਮ ਅਫੀਮ, 20 ਹਜਾਰ ਰੁ. ਡਰੱਗ ਮਨੀ ਅਤੇ ਬਿਨਾਂ ਨੰਬਰੀ ਐਕਟਿਵਾ ਸਮੇਤ ਇੱਕ ਨੌਜਵਾਨ ਪੁਲਿਸ ਅੜਿੱਕੇ 

ਹੁਸ਼ਿਆਰਪੁਰ 11 ਜੂਨ (ਬਿਊਰੋ) : ਥਾਣਾ ਸਦਰ ਪੁਲਸ ਹੁਸ਼ਿਆਰਪੁਰ ਨੇ ਇੱਕ ਨੌਜਵਾਨ ਨੂੰ 1 ਕਿਲੋ 50 ਗ੍ਰਾਮ ਅਫੀਮ, 20 ਹਜਾਰ ਰੁਪਏ ਡਰੱਗ ਮਨੀ ਅਤੇ ਬਿਨਾਂ ਨੰਬਰੀ ਐਕਟਿਵਾ ਸਮੇਤ ਕਾਬੂ ਕਰਨ ਦਾ ਦਾਅਵਾ ਕੀਤਾ ਹੈ ।ਮੁਲਜ਼ਮ ਦੀ ਪਛਾਣ ਅਮਿਤ ਨਈਅਰ ਪੁੱਤਰ ਮੰਗਲ ਦਾਸ ਵਾਸੀ ਗਲੀ ਨੰਬਰ-1, ਸੰਤਾ ਸਿੰਘ ਵਾਲੀ ਗਲੀ, ਮੁਹੱਲਾ ਬਹਾਦਰਪੁਰ, ਥਾਣਾ ਸਿਟੀ ਹੁਸ਼ਿਆਰਪੁਰ ਵਜੋਂ ਹੋਈ ਹੈ।

ਪੁਲਿਸ ਐਫਆਈਆਰ ਮੁਤਾਬਕ ਏ.ਐਸ.ਆਈ ਨਾਮ ਦੇਵ ਸਮੇਤ ਸਾਥੀ ਕਰਮਚਾਰੀ ਚਾਂਦ ਨਗਰ, ਮੁਹੱਲਾ ਬਹਾਦਰਪੁਰ ਮੌਜੂਦ ਸੀ ਕਿ ਮੁਖਬਰ ਖਾਸ ਦੀ ਇਤਲਾਹ ਤੇ ਅਮਿਤ ਨਈਅਰ ਪੁੱਤਰ ਮੰਗਲ ਦਾਸ ਵਾਸੀ ਗਲੀ ਨੰਬਰ-1, ਸੰਤਾ ਸਿੰਘ ਵਾਲੀ ਗਲੀ, ਮੁਹੱਲਾ ਬਹਾਦਰਪੁਰ, ਥਾਣਾ ਸਿਟੀ ਹੁਸ਼ਿਆਰਪੁਰ ਅਤੇ ਉਸਦੀ ਐਕਟਿਵਾ ਬਿਨਾਂ ਨੰਬਰੀ ਰੰਗ ਨੀਲਾ ਦੀ ਤਲਾਸ਼ੀ ਕਰਨ ਤੇ 1 ਕਿਲੋ 50 ਗ੍ਰਾਮ ਅਫੀਮ ਅਤੇ 20,000/-ਰੁਪਏ ਡਰੱਗ ਮਨੀ ਬਰਾਮਦ ਹੋਣ ਤੇ ਸਦਰ ਪੁਲਸ ਨੇ ਉਕਤ ਮੁਲਜ਼ਮ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।