ਬਟਾਲਾ 6 ਅਗਸਤ (ਅਵਿਨਾਸ਼ ਸ਼ਰਮਾ)
: ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਇੱਕ ਵੀਡੀਓ ਨੇ ਹਲਚਲ ਮਚਾ ਦਿੱਤੀ ਹੈ, ਜਿਸ ਵਿੱਚ ਦੋ ਸਬ-ਇੰਸਪੈਕਟਰਾਂ ਵੱਲੋਂ ਡੇਰਾ ਰੋਡ ‘ਪ੍ਰਾਇਮ ਹੋਟਲ’ ਦੇ ਬਾਹਰ ਇੱਕ ਪੱਤਰਕਾਰ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ ਜਾ ਰਹੀ ਹੈ।
ਇਸ ਘਟਨਾ ਬਾਰੇ ਡੀਐਸਪੀ ਸਿਟੀ ਸੰਜੀਵ ਕੁਮਾਰ ਨੇ ਅਹਿਮ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਇਹ ਮਾਮਲਾ 2 ਅਗਸਤ ਦਾ ਹੈ। ਵੀਡੀਓ ਵਿੱਚ ਦਿਖਾਈ ਦੇ ਰਿਹਾ ਹੈ ਕਿ ਇੱਕ ਸਬ-ਇੰਸਪੈਕਟਰ ਯੂਨੀਫਾਰਮ ਵਿੱਚ ਹੈ ਜਦਕਿ ਦੂਜਾ ਸਿਵਲ ਕੱਪੜਿਆਂ ਵਿੱਚ।
❗ ਕਿਉਂ ਹੋਇਆ ਵਿਵਾਦ.. ?
ਪ੍ਰਾਪਤ ਜਾਣਕਾਰੀ ਮੁਤਾਬਕ, ਪੀੜਤ ਪੱਤਰਕਾਰ ਬਲਵਿੰਦਰ ਭੱਲਾ ਨੇ ਪੁੱਛਿਆ ਗਿਆ ਕਿ ਉਹ ਬਟਾਲਾ ਇਲਾਕੇ ਨਾਲ ਸੰਬੰਧਤ ਨਹੀਂ ਲੱਗਦੇ। ਇਸ ਗੱਲ ਨੂੰ ਲੈ ਕੇ ਤਣਾਅ ਵਧਿਆ ਅਤੇ ਦੋਵੇਂ ਮਨਦੀਪ ਸਿੰਘ ਅਤੇ ਸੁਰਜੀਤ ਸਿੰਘ ਸਬ-ਇੰਸਪੈਕਟਰਾਂ ਨੇ ਪੱਤਰਕਾਰ ਨੂੰ ਬੇਦਰਦੀ ਨਾਲ ਮਾਰਿਆ-ਪੀਟਿਆ।
ਕਾਰਵਾਈ ਦੀ ਸ਼ੁਰੂਆਤ – FIR ਦਰਜ
ਡੀਐਸਪੀ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਦੋਵੇਂ ਸਬ-ਇੰਸਪੈਕਟਰ ਬਠਿੰਡਾ ਦੇ ਸਿਫ਼ਤ ਕਮਾਂਡੋ ਯੂਨਿਟ ਨਾਲ ਸਬੰਧਿਤ ਹਨ ਅਤੇ ਬਟਾਲਾ ਵਿੱਚ ਲਾ ਐਂਡ ਆਰਡਰ ਡਿਊਟੀ ਲਈ ਆਏ ਹੋਏ ਸਨ। ਇਸ ਘਟਨਾ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਦੋਸ਼ੀਆਂ ਦੇ ਖਿਲਾਫ ਐਫਆਈਆਰ ਦਰਜ ਕਰ ਦਿੱਤੀ ਗਈ ਹੈ।
ਬਟਾਲਾ ਪੁਲਿਸ ਇਸ ਕੁੱਟਮਾਰ ਮਾਮਲੇ ਦੀ ਵੱਖਰੇ ਤੌਰ ‘ਤੇ ਕਾਰਵਾਈ ਕਰ ਰਹੀ ਹੈ, ਜਦਕਿ ਡਿਪਾਰਟਮੈਂਟਲ ਕਾਰਵਾਈ ਲਈ ਬਠਿੰਡਾ ਕਮਾਂਡਰ ਸਾਹਿਬ ਨੂੰ ਲਿਖਤੀ ਰਿਪੋਰਟ ਭੇਜ ਦਿੱਤੀ ਗਈ ਹੈ।
ਇਸ ਘਟਨਾ ਨੇ ਨਾ ਸਿਰਫ਼ ਪੱਤਰਕਾਰਾਂ ਵਿੱਚ ਗੁੱਸੇ ਦੀ ਲਹਿਰ ਪੈਦਾ ਕੀਤੀ ਹੈ ਬਲਕਿ ਪੁਲਿਸ ਡਿਪਾਰਟਮੈਂਟ ‘ਤੇ ਵੀ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।
