ਦਸੂਹਾ 16 ਨਵੰਬਰ (ਚੌਧਰੀ) 

: ਸੀਨੀਅਰ ਸਿਟੀਜਨ ਵੈਲਫੇਅਰ ਐਸੋਸੀਏਸ਼ਨ ਰਜਿ. ਦਸੂਹਾ ਦੀ ਮੀਟਿੰਗ ਕਰਨਲ ਜੋਗਿੰਦਰ ਲਾਲ ਸ਼ਰਮਾ ਦੀ ਅਗਵਾਈ ਹੇਠ ਐਸੋਸੀਏਸ਼ਨ ਦੇ ਦਫਤਰ ਵਿਖੇ ਹੋਈ। ਮੀਟਿੰਗ ਦੀ ਜਾਣਕਾਰੀ ਦਿੰਦਿਆਂ ਚੌਧਰੀ ਕੁਮਾਰ ਸੈਣੀ ਸਕੱਤਰ ਜਰਨਲ ਨੇ ਦੱਸਿਆ ਕਿ ਕੇਂਦਰੀ ਸਰਕਾਰ ਵੱਲੋਂ ਆਯੂਸ਼ਮਾਨ ਯੋਜਨਾ ਦੇ ਅਧੀਨ 70 ਸਾਲ ਤੋਂ ਵੱਧ ਉਮਰ ਦੇ ਬਜ਼ੁਰਗਾਂ ਨੂੰ ਇਸ ਸਹੂਲਤ ਦਾ ਵੀ ਲਾਭ ਮਿਲੇਗਾ। ਹੁਣ ਇਸ ਯੋਜਨਾ ਰਾਹੀਂ ਜੋ ਵੀ ਵਿਅਕਤੀ 70 ਸਾਲ ਤੋਂ ਵੱਧ ਉਮਰ ਦਾ ਹੋਵੇਗਾ ਮਰਦ ਜਾ ਔਰਤਾਂ, ਬਿਨਾ ਕਿਸੇ ਵਿੱਤੀ ਸ਼ਰਤ ਦੇ ਉਹ ਇਸ ਯੋਜਨਾ ਦਾ ਲਾਭ ਉਠਾ ਸਕੇਗਾ। ਇਹ ਯੋਜਨਾ ਪੰਜਾਬ ਸਰਕਾਰ ਵੱਲੋਂ ਵੀ ਮਨਜ਼ੂਰ ਕੀਤੀ ਗਈ ਹੈ, ਪਰ ਪੰਜਾਬ ਵਿਚ 4 ਜਿਲ੍ਹੇ ਜਿਨ੍ਹਾਂ ਵਿੱਚ ਉਪ ਚੋਣਾਂ ਹੋ ਰਹੀਆਂ ਹਨ, ਉਹ ਚੋਣ ਆਯੋਗ ਵੱਲੋਂ ਚੋਣ ਪ੍ਰਤੀਕਿਰਿਆ ਹੋਣ ਤੱਕ ਸਥਗਿਤ ਕੀਤਾ ਗਿਆ ਸੀ, ਪਰ ਹੁਣ 25 ਨਵੰਬਰ ਤੋਂ ਇਹ ਸੁਵਿਧਾ ਦੁਬਾਰਾ ਸ਼ੁਰੂ ਕੀਤੀ ਜਾ ਰਹੀ ਹੈ। ਉਹਨਾਂ ਸਾਰੇ ਸੀਨੀਅਰ ਸਿਟੀਜਨ ਮੈਂਬਰਾਂ ਨੂੰ ਅਪੀਲ ਕੀਤੀ ਕਿ ਆਪਣੇ ਅਧਾਰ ਕਾਰਡ ਅਤੇ ਰਜਿਸਟਰ ਮੋਬਾਇਲ ਨੰਬਰ ਲੈ ਕੇ ਸੇਵਾ ਕੇਂਦਰ ਤੋ ਆਪਣੇ ਕਾਰਡ ਬਣਾ ਸਕਦੇ ਹਨ ਅਤੇ ਇਸ ਸੁਵਿਧਾ ਦਾ ਲਾਭ ਉਠਾ ਸਕਦੇ ਹਨ। ਮੈਂਬਰਾਂ ਵੱਲੋਂ ਇਹ ਸੁਵਿਧਾ ਲਾਗੂ ਕਰਨ ਤੇ ਕੇਂਦਰ ਸਰਕਾਰ ਅਤੇ ਪੰਜਾਬ ਸਰਕਾਰ ਦਾ ਧੰਨਵਾਦ ਕੀਤਾ। ਹੁਣ ਹਰ ਬਜ਼ੁਰਗ ਆਪਣਾ ਇਲਾਜ 5 ਲੱਖ ਰੁਪਏ ਤੱਕ ਕਰਵਾ ਸਕਦੇ ਹਨ। ਇਸ ਮੀਟਿੰਗ ਵਿੱਚ ਹੋਰਨਾਂ ਤੋਂ ਇਲਾਵਾ ਸਤੀਸ਼ ਕਾਲੀਆ, ਡਾ. ਦਿਲਬਾਗ ਸਿੰਘ ਹੁੰਦਲ, ਜਗਜੀਤ ਸਿੰਘ ਬਲੱਗਣ, ਮਾਸਟਰ ਰਮੇਸ਼ ਸ਼ਰਮਾ, ਵਿਨੋਦ ਹੰਸ, ਸੁਰਿੰਦਰ ਨਾਥ, ਰਾਜਿੰਦਰ ਸਿੰਘ ਟਿੱਲੂਵਾਲ, ਸ਼ਾਮ ਮੂਰਤੀ ਮਹਿਤਾ, ਹਰਭਜਨ ਸਿੰਘ ਅਤੇ ਇੰਦਰਜੀਤ ਆਦਿ ਹਾਜ਼ਰ ਸਨ।

ਕੈਪਸ਼ਨ : ਮੀਟਿੰਗ ਦੌਰਾਨ ਕਰਨਲ ਜੋਗਿੰਦਰ ਲਾਲ ਸ਼ਰਮਾ, ਚੌਧਰੀ ਕੁਮਾਰ ਸੈਣੀ, ਸਤੀਸ਼ ਕਾਲੀਆ ਅਤੇ ਡਾ. ਦਿਲਬਾਗ ਸਿੰਘ ਹੁੰਦਲ।