ਗੜ੍ਹਦੀਵਾਲਾ 25 ਜੁਲਾਈ (ਚੌਧਰੀ )
: ਬਾਬਾ ਦੀਪ ਸਿੰਘ ਸੇਵਾਦਲ ਐਂਡ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਨੇ ਇਕ ਲਾਪਤਾ ਬਜ਼ੁਰਗ ਨੂੰ ਉਸਦੇ ਪਰਿਵਾਰ ਨਾਲ ਮਿਲਾਇਆ ਹੈ । ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਉੱਕਤ ਸੋਸਾਇਟੀ ਦੇ ਪ੍ਰਧਾਨ ਮਨਜੋਤ ਸਿੰਘ ਤਲਵੰਡੀ ਨੇ ਦੱਸਿਆ ਕਿ ਇਹ ਬਜ਼ੁਰਗ ਕੁੱਝ ਦਿਨ ਪਹਿਲਾਂ ਰਾਤ ਦੇ ਸਮੇਂ ਲਵਾਰਿਸ ਹਾਲਾਤ ਵਿਚ ਪਿੰਡ ਐਂਮਾ ਮਾਂਗਟ ਵਿੱਚ ਘੁੰਮ ਰਿਹਾ ਸੀ ਤੇ ਉੱਥੇ ਦੇ ਇਕ ਵੀਰ ਵਲੋਂ ਇਸ ਸੰਬੰਧੀ ਸੰਸਥਾ ਨਾਲ ਸੰਪਰਕ ਕਰਕੇ ਜਾਣਕਾਰੀ ਦਿੱਤੀ। ਇਸ ਦੌਰਾਨ ਸੰਸਥਾ ਵਲੋਂ ਸੋਸ਼ਲ ਮੀਡੀਆ ਤੇ ਵੀਡਿਓ ਪਾਕੇ ਉੱਕਤ ਬੁਜ਼ਰਗ ਸੰਬੰਧੀ ਪਹਿਚਾਣ ਲਈ ਪੋਸਟ ਸਾਂਝੀ ਕੀਤੀ ਗਈ। ਉੱਕਤ ਬੁਜਰਗ ਨੇ ਆਪਣਾ ਨਾਮ ਜਗੀਰ ਸਿੰਘ ਪਿੰਡ ਮਕਸੂਦਪੁਰ ਬੇਗੋਵਾਲ ਦੱਸਿਆ ਤੇ ਫਿਰ ਸੰਸਥਾ ਵੱਲੋ ਬਜੁਰਗ ਦੇ ਪਰਿਵਾਰ ਨਾਲ ਸੰਪਰਕ ਕੀਤਾ ਗਿਆ।
ਇਸ ਮੌਕੇ ਬਜੁਰਗ ਦਾ ਬੇਟਾ ਮਲਕੀਤ ਸਿੰਘ ਤੇ ਬੇਟੀ ਮਨਜੀਤ ਕੌਰ ਨੇ ਅਤੇ ਇਹਨਾਂ ਦੀ ਨੂੰਹ ਬਜੁਰਗ ਨੂੰ ਲੈਣ ਵਾਸਤੇ ਗੁਰੂ ਆਸਰਾ ਘਰ ਪਿੰਡ ਬਾਹਗਾ ਵਿਖੇ ਪੁੱਜੇ । ਉਪਰੰਤ ਸੋਸਾਇਟੀ ਵਲੋਂ ਉਕਤ ਬਜੁਰਗ ਨੂੰ ਸਹੀ ਸਲਾਮਤ ਓਹਨਾ ਦੇ ਪਰਿਵਾਰ ਦੇ ਹਵਾਲੇ ਕੀਤਾ ਗਿਆ।ਇਸ ਮੌਕੇ ਕੈਸ਼ੀਅਰ ਪਰਸ਼ੋਤਮ ਸਿੰਘ,ਮਨਿੰਦਰ ਸਿੰਘ,ਜਸਵਿੰਦਰ ਸਿੰਘ,ਲਵਦੀਪ ਸਿੰਘ ਸਮੇਤ ਹੋਰ ਸੋਸਾਇਟੀ ਮੈਂਬਰ ਹਾਜ਼ਰ ਸਨ।
ਕੈਪਸ਼ਨ-ਲਵਾਰਿਸ ਹਲਾਤ ਵਿੱਚ ਮਿਲੇ ਬਜ਼ੁਰਗ ਨੂੰ ਉਸਦੇ ਪਰਿਵਾਰ ਹਵਾਲੇ ਕਰਦੇ ਸੁਸਾਇਟੀ ਮੈਬਰ।
