ਗੜਦੀਵਾਲਾ 7 ਨਵੰਬਰ (ਚੌਧਰੀ)
: ਬੀਤੇ ਕੱਲ ਸਵੇਰੇ ਹੁਸ਼ਿਆਰਪੁਰ ਸਬਜੀ ਮੰਡੀ ਨੂੰ ਸਬਜ਼ੀ ਲੈਣ ਗਏ ਅਮਰੀਕ ਸਿੰਘ ਐਕਸੀਡੈਂਟ ਹੋਣ ਕਾਰਨ ਮੌਤ ਦਾ ਸ਼ਿਕਾਰ ਹੋ ਗਏ ਸਨ । ਕੱਲ ਸ਼ਾਮ ਪੋਸਟਮਾਰਟਮ ਹੋਣ ਤੋਂ ਬਾਅਦ ਹਨੇਰਾ ਹੋਣ ਕਰਕੇ ਅੱਜ ਸਵੇਰੇ ਤੋਂ ਹੀ ਉਹਨਾਂ ਦੇ ਪ੍ਰੇਮੀ,ਰਿਸ਼ਤੇਦਾਰ, ਮਹੱਲੇ ਵਾਲੇ, ਇਲਾਕੇ ਤੇ ਪਾਰਟੀ ਵਰਕਰ ਉਨਾਂ ਦੀ ਅੰਤਿਮ ਵਿਦਾਇਗੀ ਦੇਣ ਲਈ ਇਕੱਠੇ ਹੋਣੇ ਸ਼ੁਰੂ ਹੋ ਗਏ ਸਨ। ਦੂਰੋਂ ਦੂਰੋਂ ਵਿਦੇਸ਼ਾਂ ਤੋਂ ਵੀ ਉਹਨਾਂ ਦੇ ਰਿਸ਼ਤੇਦਾਰ ਉਨ੍ਹਾਂ ਨੂੰ ਅੰਤਿਮ ਵਿਦਾਇਗੀ ਦੇਣ ਲਈ ਭਾਰੀ ਗਿਣਤੀ ਵਿੱਚ ਸ਼ਾਮਿਲ ਹੋਏ । ਕਾਮਰੇਡ ਅਮਰੀਕ ਸਿੰਘ ਦੀ ਬੋਲਬਾਣੀ ਤੇ ਸੁਭਾਅ ਦੀ ਮਿਠਾਸ ਦਾ ਨਿੱਘ ਅੱਜ ਲੋਕਾਂ ਦੇ ਭਾਰੀ ਇਕੱਠ , ਅੰਤਿਮ ਵਿਦਾਇਗੀ ਵਿੱਚ ਦੇਖਣ ਨੂੰ ਮਿਲਦਾ ਸੀ।ਉਹਨਾਂ ਦੀ ਮ੍ਰਿਤਕ ਦੇਹ ਤੇ ਲਾਲ ਝੰਡਾ ਪਾਇਆ ਗਿਆ। ਜਿਨਾਂ ਵਿੱਚ ਸੀਪੀਐਮ ਦੇ ਜਿਲ੍ਹਾ ਸਕੱਤਰ ਕਾਮਰੇਡ ਗਰਨੇਕ ਸਿੰਘ ਭੱਜਲ, ਕਾਮਰੇਡ ਗੁਰਮੇਸ ਸਿੰਘ ,ਕਿਸਾਨ ਆਗੂ ਦਰਸ਼ਨ ਸਿੰਘ ਮੱਟੂ,ਚਰਨ ਸਿੰਘ ਗੜਦੀਵਾਲਾ ਉਨ੍ਹਾਂ ਦੇ ਪਿਤਾ,ਮਹਿੰਦਰ ਕੁਮਾਰ ਬਡੋਆਣ, ਹਰਬੰਸ ਸਿੰਘ ਧੂਤ, ਮਨਜੀਤ ਕੌਰ ਭੱਟੀਆਂ,ਗੁਰਬਖਸ਼ ਸਿੰਘ ਸੂਸ ,ਰਣਜੀਤ ਸਿੰਘ ਚੌਹਾਨ, ਪੰਕਜ ਚਠਿਆਲ, ਅਜੀਤ ਸਿੰਘ ਹੁਸੈਨਪੁਰ, ਪ੍ਰੇਮ ਲਤਾ, ਕਮਲੇਸ਼ ਕੌਰ ਧੂਤ ਨੇ ਉਹਨਾਂ ਤੇ ਲਾਲ ਝੰਡਾ ਪਾਉਣ ਦੀ ਰਸਮ ਅਦਾ ਕੀਤੀ। ਇਸ ਮੌਕੇ ਬਾਬਾ ਦੀਪ ਸਿੰਘ ਸੇਵਾ ਦਲ ਐਡ ਵੈਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ, ਡਾਕਟਰ ਪਰਮਜੀਤ ਸਿੰਘ ਭੋਗਲ, ਕੁਲਬੀਰ ਸਿੰਘ ਸਹੋਤਾ, ਡਾਕਟਰ ਰੋਸ਼ਨ ਲਾਲ, ,ਬਲਦੇਵ ਸਿੰਘ ਬਾਹਗਾ, ਨੀਲਮ ਕੁਮਾਰ,ਬਲਵੀਰ ਸਿੰਘ ਸਹੋਤਾ, ਜਸਵੰਤ ਸਿੰਘ ਪੱਖੋਵਾਲ, ਤੀਰਥ ਸਿੰਘ ਸਾਬਕਾ ਐਮਸੀ ਆਦਿ ਇਲਾਕੇ ਦੇ ਲੋਕ ਭਾਰੀ ਗਿਣਤੀ ਵਿੱਚ ਉਹਨਾਂ ਦੀ ਅੰਤਿਮ ਵਿਦਾਇਗੀ ਵਿੱਚ ਹਾਜ਼ਰੀ ਭਰੀ।ਉਨਾਂ ਦੀ ਅੰਤਿਮ ਅਰਦਾਸ ਤੇ ਸ਼ਰਧਾਂਜਲੀ ਸਮਾਰੋਹ 18 ਨਵੰਬਰ ਨੂੰ ਗੁਰਦੁਆਰਾ ਅਕਾਲਗੜ੍ਹ ਸਾਹਿਬ ਵਾਰਡ ਨੰਬਰ 4 ਗੜਦੀਵਾਲਾ ਵਿਖੇ ਹੋਵੇਗਾ ।
Post Views: 386
