: ਅੱਜ ਗੜਦੀਵਾਲਾ ਵਿਖੇ ਸੀਪੀਆਈ ਐਮ ਤਹਿਸੀਲ ਦਸੂਹਾ ਦੀ ਮੀਟਿੰਗ ਚੈਂਚਲ ਸਿੰਘ ਪੰਮਾ ਦੀ ਪ੍ਰਧਾਨਗੀ ਹੇਠ ਹੋਈ ।ਜਿਸ ਵਿੱਚ ਜਿਲਾ ਸਕੱਤਰ ਗੁਰਨੇਕ ਸਿੰਘ ਭੱਜਲ ਅਤੇ ਸਕੱਤਰੇਤ ਮੈਂਬਰ ਮਹਿੰਦਰ ਕੁਮਾਰ ਬਡੋਆਣ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਏ। ਇਸ ਮੀਟਿੰਗ ਵਿੱਚ ਬੋਲਦਿਆਂ ਕਾਮਰੇਡ ਗੁਰਨੇਕ ਸਿੰਘ ਭੱਜਣ ਨੇ ਕਿਹਾ ਭਾਰਤ ਦੇ ਲੋਕਾਂ ਵੱਲੋਂ ਮੋਦੀ ਨੂੰ ਅਸਲੀਅਤ ਦਿਖਾ ਕੇ ਹੁਣ ਮੋਦੀ ਸਰਕਾਰ ਲਾਚਾਰ ਅਤੇ ਐਨਡੀਏ ਦੀ ਸਰਕਾਰ  ਬਣਾ ਦਿੱਤੀ ਹੈ। ਉਹਨਾਂ ਕਿਹਾ ਕਿ ਭਾਜਪਾ 400 ਸੀਟਾਂ ਤੇ ਜਿੱਤਣ ਦੀਆ ਡੀਂਗਾ ਮਾਰਨ ਵਾਲੀ ਪਾਰਟੀ ਹੁਣ 300 ਸੀਟਾਂ ਵੀ ਨਹੀਂ ਬਚਾ ਸਕੀ ? ਉਹਨਾਂ ਕਿਹਾ ਕਿ ਲੋਕ ਸਭਾ ਚੋਣਾਂ ਵਿੱਚ 63 ਸੀਟਾਂ ਭਾਜਪਾ ਵੱਲੋਂ ਗਵਾਈਆਂ ਗਈਆਂ। ਲੋਕ ਸਭਾ ਵਿੱਚ 272 ਸੀਟਾਂ ਵੀ ਨਹੀਂ ਬਚਾ ਸਕੀ। ਸਰਕਾਰ ਬਣਾਉਣ ਲਈ ਸਹਾਰਿਆਂ ਦੀ ਮਦਦ ਲੈਣੀ ਪਈ। ਹੁਣ ਵੀ ਭਾਜਪਾ ਆਪਣੀ ਵੰਡ ਪਾਊ ਨੀਤੀਆਂ ਦਾ ਧਰੁਵੀਕਰਨ ਕਰਕੇ ਅੱਗੇ ਵਧਣਾ ਚਾਹੁੰਦੀ ਹੈ ਪਰ ਲੋਕ ਇਹਨਾਂ ਦੀਆਂ ਨਫਰਤ ਵੰਡ ਪਾਓ ਨੀਤੀਆਂ ਤੋਂ ਜਾਣੂ ਹੋ ਗਏ ਹਨ। ਜੇ ਭਾਜਪਾ ਅਜੇ ਵੀ ਲੱਗੇ ਝਟਕਿਆਂ ਤੋਂ ਕੁਝ ਨਹੀਂ ਸਿੱਖੀ ਤਾਂ ਲੋਕ ਇਸ ਨੂੰ ਜਲਦੀ ਸਤਾ ਤੋਂ ਲਾਂਭੇ ਕਰਨ ਲਾਂਭੇ ਕਰ ਦੇਣਗੇ। ਉਹਨਾਂ ਪੰਜਾਬ ਸਰਕਾਰ ਬਾਰੇ ਬੋਲਦਿਆਂ ਕਿਹਾ ਕਿ ਬਸੰਤੀ ਪੱਗਾਂ ਬੰਨ ਕੇ ਭਗਤ ਸਿੰਘ ਦੇ ਅਨਿਆਈ ਕਹਾਉਣ ਵਾਲੀ ਸਰਕਾਰ ਜੋ ਕਾਮਰੇਡ ਸੁਰਜੀਤ ਦੀ ਯਾਦਗਾਰ ਬਣਾਉਣ ਲਈ ਹੁਸ਼ਿਆਰਪੁਰ ਦੀਆਂ ਕਚਹਿਰੀਆਂ ਲਾਗੇ ਜਗ੍ਹਾ ਦੇਣ ਲਈ ਮੰਨੀ ਸੀ ਪਰ ਅਜੇ ਤੱਕ ਉਸ ਤੇ ਕੋਈ ਕਾਰਵਾਈ ਨਹੀਂ ਹੋਈ ।ਅਜੇ ਤੱਕ ਵੀ ਉਸ ਜਗਹਾ ਤੇ ਪੁੱਡਾ ਦਾ ਕਬਜ਼ਾ ਹੈ। ਉਹਨਾਂ ਕਿਹਾ ਕਿ ਜੇਕਰ ਸਰਕਾਰ ਦੀਆਂ ਨੀਤੀਆਂ ਸਾਫ ਹੋਣ ਤਾਂ ਉਹ ਸਭ ਕੁਝ ਕਰ ਸਕਦੀ ਹੈ ਉਹਨਾਂ ਕਿਹਾ ਜਲਦੀ ਹੀ ਪੰਜਾਬ ਸਰਕਾਰ ਦਾ ਇਹ ਫਰਜ਼ ਬਣਦਾ ਹੈ ਕਿ ਕਾਮਰੇਡ ਸੁਰਜੀਤ ਦੀ ਯਾਦਗਾਰ ਬਣਾਉਣ ਲਈ ਪੰਜਾਬ ਸਰਕਾਰ ਜਗਹ  ਅਲਾਟ ਕਰੇ। ਤਹਿਸੀਲ ਸਕੱਤਰ ਰਣਜੀਤ ਸਿੰਘ ਵੱਲੋਂ ਪਿਛਲੇ ਕੰਮਾਂ ਦੀ ਰਿਵਿਊ ਰਿਪੋਰਟ ਪੜ੍ ਕੇ ਸੁਣਾਈ ਗਈ । ਸਰਬ ਸੰਮਤੀ ਨਾਲ ਫੈਸਲਾ ਲਿਆ ਗਿਆ ਕਿ 9 ਅਗਸਤ ਨੂੰ ਇਜਰਾਇਲ ਦੇ ਖਿਲਾਫ ਜ਼ਿਲਾ ਪੱਧਰ ਤੇ ਪੁਤਲੇ ਫੂਕੇ ਜਾਣਗੇ। ਜਥੇਬੰਦਕ ਚੋਣਾਂ ਇਕ ਸਤੰਬਰ ਤੋਂ 30 ਸਤੰਬਰ ਤੱਕ ਮੁਕੰਮਲ ਕਰਨ  ਦਾ ਫੈਸਲਾ ਕੀਤਾ ਗਿਆ ।ਅੱਜ ਦੀ ਮੀਟਿੰਗ ਵਿੱਚ ਰਣਜੀਤ ਸਿੰਘ ਚੌਹਾਨ, ਹਰਬੰਸ ਸਿੰਘ ਧੂਤ ,ਚੈਚਲ ਸਿੰਘ ਪਮਾ ,ਮਨਜੀਤ ਕੌਰ ਭੱਟੀਆਂ, ਸਰਬਣ ਸਿੰਘ, ਕਮਲੇਸ਼ ਕੌਰ ਧੂਤ, ਅਜੀਤ ਸਿੰਘ ਤੇ ਹਰਮੇਲ ਸਿੰਘ ਲਾਲੋਵਾਲ ਹੁਸੈਨਪੁਰ,  ਮਲਕੀਤ ਸਿੰਘ ਸ਼ਿਵ ਕੁਮਾਰ ਟਾਂਡਾ, ਤੇ ਗੁਰਦੀਪ ਸਿੰਘ ਡੱਫਰ ਆਦਿ ਸ਼ਾਮਿਲ ਹੋਏ।