ਗੜ੍ਹਦੀਵਾਲਾ 10 ਫਰਵਰੀ (ਚੌਧਰੀ) 

: ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਸ੍ਰੀ ਅੰਮ੍ਰਿਤਸਰ ਦੇ ਪ੍ਰਬੰਧ ਅਧੀਨ ਚੱਲ ਰਹੇ ਅਦਾਰੇ ਖ਼ਾਲਸਾ ਕਾਲਜ, ਗੜ੍ਹਦੀਵਾਲਾ ਵਿਖੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਸ੍ਰੀ ਅੰਮ੍ਰਿਤਸਰ ਸਾਹਿਬ ਦੇ ਪ੍ਰਧਾਨ ਐਡਵੋਕੇਟ ਸ. ਹਰਜਿੰਦਰ ਸਿੰਘ ਧਾਮੀ ਅਤੇ ਸਕੱਤਰ (ਸਿੱਖਿਆ) ਸ. ਸੁਖਮਿੰਦਰ ਸਿੰਘ ਦੀ ਰਹਿਨੁਮਾਈ ਅਤੇ ਪ੍ਰਿੰਸੀਪਲ ਡਾ. ਜਸਪਾਲ ਸਿੰਘ ਦੀ ਅਗਵਾਈ ਹੇਠ ਆਈ. ਕਿਊ. ਏ. ਸੀ. ਅਤੇ ਰਾਜਨੀਤੀ ਵਿਭਾਗ ਦੇ ਸਹਿਯੋਗ ਨਾਲ ‘ਸਾਹਿਤਕ ਚੋਰੀ ਕੀ ਹੈ ਅਤੇ ਇਸ ਤੋਂ ਕਿਵੇਂ ਬਚੀਏ’ ਦੇ ਵਿਸ਼ੇ ਤੇ ਇੱਕ ਐਕਸ਼ਟੈਂਸ਼ਨ ਲੈਕਚਰ ਕਰਵਾਇਆ ਗਿਆ।ਲੈਕਚਰ ਦੀ ਸੁਰੂਆਤ ਮੌੋਕੇ ਡਾ. ਅਰਚਨਾ ਠਾਕੁਰ ਅਸਿਸਟੈਂਟ ਪ੍ਰੋੋ. ਰਾਜਨੀਤੀ ਸ਼ਾਸਤਰ ਦਆਰਾ ਵਿਸ਼ੇਸ਼ ਲੈਕਚਰ ਦਿੱਤਾ ਗਿਆ। ਜਿਸ ਵਿੱਚ ਉਹਨਾਂ ਨੇ ਵਿਦਿਆਰਥੀਆਂ ਨੂੰ ਦੱਸਿਆ ਕਿ ਆਪਣੀ ਲਿਖਤ ਲਈ ਕਿਸੇ ਦੂਸਰੇ ਦੇ ਕੰਮ ਤੇ ਵਿਚਾਰਾਂ ਨੂੰੁੰ ਬਿਨਾਂ ਕਿਸੇ ਹਵਾਲਾ ਦਿੱਤੇ ਬਿਨਾਂ ਪ੍ਰਯੋਗ ਕਰਨਾ ਸਾਹਿਤਕ ਚੋਰੀ ਅਖਵਾਉਂਦਾ ਹੈ। ਉਹਨਾਂ ਨੇ ਕਿਹਾ ਕਿ ਜਦੋਂ ਤੁਸੀਂ ਕਿਸੇ ਦੇ ਕੰਮ ਨੁੰ ਰੈਫਰੈਂਸ ਦਿੰਦੇ ਹੋ ਪਰ ਮਾਨਤਾ ਦੇਣੀ ਭੁੱਲ ਜਾਦੇ ਹੋ ਤਾਂ ਅਨਜਾਣੇ ਵਿੱਚ ਸਾਹਿਤਕ ਚੋਰੀ ਕਰ ਰਹੇ ਹੋ। ਉਹਨਾਂ ਨੇ ਪੀ.ਪੀ.ਟੀ. ਦਾ ਪ੍ਰਯੋਗ ਕਰਕੇ ਵਿਦਿਆਰਥੀਆਂ ਨੂੰ ਦੱਸਿਆ ਕਿ ਰਾਈਟਿੰਗ ਲਈ ਸਾਵਧਾਨੀ ਨਾਲ ਯੋਜਨਾ ਬਣਾਉਣਾ, ਸਮੱਗਰੀ ਦੇ ਸਰੋਤਾਂ ਦੀ ਚੰਗੀ ਸਮਝ ਰੱਖਣਾ ਅਤੇ ਆਪਣੇ ਖੁਦ ਦੇ ਵਿਚਾਰ ਕਿੱਥੋਂ ਆਏ ਹਨ, ਨੂੰੂੰ ਸਵਿਕਾਰ ਕਰਨਾ ਸਾਹਿਤਕ ਚੋਰੀ ਤੋਂ ਬਚਣ ਦਾ ਸਭ ਤੋਂ ਚੰਗੀ ਵਿਧੀ ਹੈ। ਅੰਤ ਵਿੱਚ ਡਾ. ਪ੍ਰਿੰਸੀਪਲ ਜਸਪਾਲ ਸਿੰਘ ਨੇ ਇਸ ਲੈਕਚਰ ਲਈ ਵਿਦਿਆਰਥੀਆ ਨੂੰ ਅਜਿਹੇ ਸੈਮੀਨਰਾਂ ਦਾ ਹਿੱਸਾ ਬਣਨ ਲਈ ਪ੍ਰੇਰਿਤ ਕੀਤਾ। ਇਸ ਦੋਰਾਨ ਰਾਜਨੀਤੀ ਸ਼ਾਸਤਰ ਦੇ ਮੁੱਖੀ ਸ੍ਰੀ. ਜਗਦੀਪ ਕੁਮਾਰ ਤੇ ਮੈਡਮ. ਬਲਜਿੰਦਰ ਕੌਰ ਹਾਜ਼ਰ ਸਨ।