ਦਸੂਹਾ 17 ਜਨਵਰੀ (ਚੌਧਰੀ) 

: ਪਤੰਜਲੀ ਯੋਗ ਪੀਠ ਟਰੱਸਟ ਹਰਿਦੁਆਰ (ਉਤਰਾਖੰਡ) ਦੁਆਰਾ ਸੰਚਾਲਿਤ ਅਚਾਰਿਆ ਕੁਲਮ ਸਕੂਲ ਦੇ ਵਿਦਾਇਗੀ ਸਮਾਗਮ ਸਾਲ 2023-24 ਦੇ ਮੌਕੇ ਤੇ ਇਨਾਇਤ ਕੌਰ ਸਪੁੱਤਰੀ ਡਾ. ਸ਼ਬਨਮ ਕੌਰ ਅਤੇ ਡਾ. ਮਾਨਵ ਸੈਣੀ ਅਤੇ ਪੋਤਰੀ ਚੌਧਰੀ ਕੁਮਾਰ ਸੈਣੀ ਨੇ ਯੋਗਗੁਰੂ ਸਵਾਮੀ ਰਾਮਦੇਵ ਜੀ ਨਾਲ ਹਵਨ ਯੱਗ ਵਿੱਚ ਹਿੱਸਾ ਲਿਆ। ਇਸ ਹਵਨ ਯੱਗ ਵਿੱਚ ਰਿਤੰਬਰਾ ਦੀਦੀ ਚੇਅਰਪਰਸਨ ਅਚਾਰਿਆ ਕੁਲਮ ਅਤੇ ਅਨੁਰਾਧਾ ਕੌਲ ਪ੍ਰਿੰਸੀਪਲ ਅਚਾਰਿਆ ਕੁਲਮ ਦੇ ਨਾਲ ਨਾਲ ਅਚਾਰਿਆ ਅਤੇ ਬਾਰਵੀਂ ਕਲਾਸ ਦੇ ਵਿਦਿਆਰਥੀਆਂ ਨੇ ਭਾਗ ਲਿਆ। ਵਿਦਿਆਰਥਣ ਇਨਾਇਤ ਕੌਰ ਦੇ ਭਾਵਨਾ ਪੂਰਵਕ ਵਿਦਾਇਗੀ ਭਾਸ਼ਣ ਤੇ ਯੋਗਗੁਰੂ ਸਵਾਮੀ ਰਾਮਦੇਵ ਨੇ ਪ੍ਰਸ਼ੰਸਾ ਵਿੱਚ ਤਾਲੀਆਂ ਵਜਾਈਆਂ। ਇਨਾਇਤ ਕੌਰ ਨੂੰ ਬੈਸਟ ਪਰਸਨੈਲਿਟੀ ਅਵਾਰਡ ਨਾਲ ਵੀ ਸਨਮਾਨਿਤ ਕੀਤਾ ਗਿਆ। ਇਨਾਇਤ ਕੌਰ ਨੂੰ ਅਧਿਆਪਕ ਦਿਵਸ ਦੇ ਮੌਕੇ ਤੇ ਇਕ ਦਿਨ ਲਈ ਅਚਾਰਿਆ ਕੁਲਮ ਦੇ ਪ੍ਰਿੰਸੀਪਲ ਦੇ ਤੌਰ ਤੇ ਵੀ ਕੰਮ ਕਰਕੇ ਆਪਣੀ ਪ੍ਰਤਿਭਾ ਦਿਖਾਉਣ ਦਾ ਮੌਕਾ ਮਿਲਿਆ। ਹੈੱਡ ਗਰਲ ਦੇ ਤੌਰ ਤੇ ਇਨਾਇਤ ਕੌਰ ਨੇ ਵਿਦਾਇਗੀ ਸਮਾਗਮ ਵਿੱਚ ਸਾਰੇ ਵਿਦਿਆਰਥੀਆਂ ਨੂੰ ਹਥੇਲੀ ਤੇ ਦੀਵਾਂ ਜਲਾ ਕੇ ਸੂੰਹ ਚੁਕਾਈ। ਯੋਗ ਗੁਰੂ ਸਵਾਮੀ ਰਾਮਦੇਵ ਜੀ ਨੇ ਵਿਦਾਇਗੀ ਸਮਾਗਮ ਵਿੱਚ ਸ਼ਾਮਲ ਸਾਰੇ ਵਿਦਿਆਰਥੀਆਂ ਨੂੰ ਅਸ਼ੀਰਵਾਦ ਦਿੰਦੇ ਹੋਏ ਕਿਹਾ ਕਿ ਇਹ ਵਿਦਿਆਰਥੀ ਪ੍ਰਤੀਯੋਗੀ ਟੈਸਟ ਵਿੱਚ ਅਚਾਰਿਆ ਕੁਲਮ ਦੇ ਨਾਲ ਨਾਲ ਉਤਰਾਖੰਡ ਪ੍ਰਾਂਤ ਦੇ ਨਾਮ ਨੂੰ ਵੀ ਰੌਸ਼ਨ ਕਰਨਗੇ।
ਫੋਟੋ : ਸਵਾਮੀ ਰਾਮਦੇਵ ਇਨਾਇਤ ਕੌਰ ਨੂੰ ਪਿਆਰ ਭਰਿਆ ਅਸ਼ੀਰਵਾਦ ਦਿੰਦੇ ਹੋਏ ਤੇ ਵਿਦਿਆਰਥੀਆਂ ਨੇ ਨਾਲ ਯੋਗ ਗੁਰੂ ਸਵਾਮੀ ਰਾਮਦੇਵ, ਚੇਅਰਪਰਸਨ ਅਤੇ ਪ੍ਰਿੰਸੀਪਲ ਹਵਨ ਯੱਗ ਕਰਦੇ ਹੋਏ।