ਗੜ੍ਹਦੀਵਾਲਾ (ਚੌਧਰੀ) 

9 ਮਈ : ਅੱਜ ਬਾਬਾ ਦੀਪ ਸਿੰਘ ਸੇਵਾਦਲ ਐਂਡ ਵੈਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਵਲੋਂ ਘਰੋਂ ਡੇਢ ਮਹੀਨਾ ਤੋ ਲਾਪਤਾ ਵੀਰ ਨੂੰ ਪਰਿਵਾਰ ਨਾਲ ਮਿਲਾਇਆ ਗਿਆ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੋਸਾਇਟੀ ਦੇ ਪ੍ਰਧਾਨ ਸ ਮਨਜੋਤ ਸਿੰਘ ਤਲਵੰਡੀ ਨੇ ਦੱਸਿਆ ਕਿ ਇਹ ਵੀਰ ਦਿਮਾਗੀ ਤੌਰ ਤੇ ਠੀਕ ਹੋਣ ਨਾ ਕਾਰਨ ਘਰੋਂ ਬਾਹਰ ਕਿੱਧਰੇ ਚਲਾ ਗਿਆ ਸੀ। ਇਸ ਵੀਰ ਨੂੰ ਥਾਣਾ ਹਰਿਆਣਾ ਤੋ ਪੁਲਿਸ ਮੁਲਾਜ਼ਮਾਂ ਵਲੋਂ ਗੁਰ ਆਸਰਾ ਘਰ ਪਿੰਡ ਬਾਹਗਾ ਵਿਖੇ ਪੁਹੰਚਾਇਆ ਗਿਆ। ਸੋਸਾਇਟੀ ਵੱਲੋਂ ਉੱਕਤ ਵੀਰ ਦਾ ਕੁੱਝ ਦਿਨ ਇਲਾਜ ਕਰਵਾਇਆ ਤੇ ਬਾਅਦ ਵਿੱਚ ਵੀਰ ਨੇ ਆਪਣਾ ਨਾਮ ਜਗਦੀਸ਼ ਚੰਦਰ ਪਿੰਡ ਜੌਹਰ ਵਲੀਨਾ ਜਿਲ੍ਹਾ ਜਲੰਧਰ ਦੱਸਿਆ ਗਿਆ। ਇਸ ਮੌਕੇ ਸੁਸਾਇਟੀ ਵੱਲੋਂ ਇਸ ਵੀਰ ਦੇ ਪਰਿਵਾਰ ਨਾਲ ਸੰਪਰਕ ਕੀਤਾ ਗਿਆ। ਜਿਸ ਉਪਰੰਤ ਇਸ ਵੀਰ ਦੀ ਮਾਤਾ ਪ੍ਰਕਾਸ਼ ਕੌਰ ਤੇ ਭਰਾ ਮਨਜੀਤ ਪਾਲ ਇਸ ਨੂੰ ਲੈਣ ਲਈ ਗੁਰ ਆਸਰਾ ਘਰ ਪਿੰਡ ਬਾਹਗਾ ਪੁੱਜੇ ।ਇਸ ਮੌਕੇ ਸੋਸਾਇਟੀ ਵੱਲੋਂ ਉੱਕਤ ਵੀਰ ਨੂੰ ਪਰਿਵਾਰ ਦੇ ਹਵਾਲੇ ਕਰ ਦਿੱਤਾ ਗਿਆ ।ਇਸ ਮੌਕੇ ਪ੍ਰਧਾਨ ਮਨਜੋਤ ਸਿੰਘ ਤਲਵੰਡੀ ਜੱਟਾਂ, ਕੈਸ਼ੀਅਰ ਪ੍ਰਸ਼ੋਤਮ ਸਿੰਘ ਬਾਹਗਾ, ਮਨਿੰਦਰ ਸਿੰਘ, ਜਸਵਿੰਦਰ ਸਿੰਘ, ਕਮਲਜੀਤ ਸਿੰਘ ਆਦਿ ਹਾਜਰ ਸਨ।