ਗੜ੍ਹਦੀਵਾਲਾ (ਚੌਧਰੀ) 

10 ਅਪ੍ਰੈਲ : ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਜਲੰਧਰ ਦੇ ਅਧੀਨ ਬੀਬੀ ਅਮਰ ਕੌਰ ਜੀ ਐਜੂਕੇਸ਼ਨਲ ਸੁਸਾਇਟੀ ਵੱਲੋਂ ਸਥਾਪਿਤ ਕੇ.ਐਮ.ਐਸ ਕਾਲਜ ਆਫ ਆਈ.ਟੀ. ਐਂਡ ਮੈਨੇਜਮੈਂਟ ਚੌ. ਬੰਤਾ ਸਿੰਘ ਕਲੋਨੀ ਦਸੂਹਾ ਵਿਖੇ ਖੇਡ ਕੂਦ ਨੂੰ ਵਧਾਉਣ ਲਈ ਸਪੋਰਟਸ ਮੀਟ 2023 ਕਰਵਾਇਆ ਗਿਆ। ਇਹ ਪ੍ਰਤੀਯੋਗਿਤਾ ਪ੍ਰਿੰਸੀਪਲ ਡਾ. ਸ਼ਬਨਮ ਕੌਰ ਅਤੇ ਡਾਇਰੈਕਟਰ ਡਾ. ਮਾਨਵ ਸੈਣੀ ਦੀ ਪ੍ਰਧਾਨਗੀ ਹੇਠ ਹੋਈ ਅਤੇ ਇਸ ਮੌਕੇ ਤੇ ਚੇਅਰਮੈਨ ਚੌਧਰੀ ਕੁਮਾਰ ਸੈਣੀ ਮੁੱਖ ਮਹਿਮਾਨ ਅਤੇ ਡਾ. ਦਿਲਬਾਗ ਸਿੰਘ ਹੁੰਦਲ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਪ੍ਰਿੰਸੀਪਲ ਡਾ. ਸ਼ਬਨਮ ਕੌਰ ਨੇ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਇਸ ਪ੍ਰਤੀਯੋਗਿਤਾ ਦੌਰਾਨ 10 ਤੋਂ ਵੱਧ ਖੇਡਾਂ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਸਕਿੱਪਿੰਗ (ਰੱਸੀ ਟੱਪਣਾ), ਖੋ-ਖੋ, ਲੈਮਨ ਰੇਸ, ਥਰੀ ਲੇਗ ਰੇਸ, ਬੱਲੂਨ ਰੇਸ, ਪੁਸ਼ ਅੱਪ (ਡੰਡ ਪੇਲਣਾ), ਟੈਗ ਆਫ ਵਾਰ (ਰੱਸਾ ਕਸ਼ੀ), ਬਾਸਕਟਬਾਲ, ਚੈੱਸ, ਆਰਮ ਰੇਸਲਿੰਗ ਆਦਿ ਖੇਡਾਂ ਸ਼ਾਮਲ ਸਨ। ਇਹਨਾ ਖੇਡਾਂ ਵਿੱਚ ਰੱਸੀ ਟੱਪਣ ਦੀ ਪ੍ਰਤੀਯੋਗਿਤਾ ਕੁੜੀਆਂ ਵਿੱਚ ਹਰਪ੍ਰੀਤ ਕੌਰ (ਬੀ.ਐਸ.ਸੀ. ਫੈਸ਼ਨ ਡਿਜ਼ਾਇਨਿੰਗ) ਅਤੇ ਮੁੰਡਿਆਂ ਵਿੱਚ ਰਕੇਸ਼ (ਬੀ.ਐਸ.ਸੀ. ਆਈ.ਟੀ), ਲੈਮਨ ਰੇਸ ਵਿੱਚ ਗਗਨ (ਬੀ.ਸੀ.ਏ), ਥਰੀ ਲੇਗ ਰੇਸ ਵਿਚ ਸਿਮਰਨ/ਅਮਨਜੀਤ ਕੌਰ (ਬੀ.ਸੀ.ਏ), ਬੈਲੂਨ ਰੇਸ ਵਿੱਚ ਜਸਮੀਤ ਕੌਰ/ਜਤਿੰਦਰ ਕੌਰ (ਬੀ.ਐੱਸ.ਸੀ ਫੈਸ਼ਨ ਡਿਜ਼ਾਇਨਿੰਗ), ਪਜ਼ਲ ਪ੍ਰਤੀਯੋਗਿਤਾ ਵਿੱਚ ਸ਼ਾਇਨਾ (ਬੀ.ਐਸ.ਸੀ ਆਈ.ਟੀ), ਪੂਸ਼ ਅੱਪ ਵਿੱਚ ਰਕੇਸ਼ (ਬੀ.ਐਸ.ਸੀ. ਆਈ.ਟੀ), ਟੈਗ ਆਫ ਵਾਰ (ਰੱਸਾ ਕਸ਼ੀ) ਕੁੜੀਆਂ ਵਿੱਚ ਟੀਮ ਏ ਅਤੇ ਮੁੰਡਿਆਂ ਵਿੱਚ ਟੀਮ ਬੀ, ਵਾਲੀਬਾਲ ਵਿੱਚ ਦਲਜੀਤ ਸਿੰਘ ਅਤੇ ਟੀਮ, ਚੈੱਸ ਵਿੱਚ ਮਨਜਿੰਦਰ ਸਿੰਘ (ਬੀ.ਐਸ.ਸੀ. ਐਮ.ਐਲ.ਐਸ), ਬਾਸਕਟਬਾਲ ਵਿੱਚ ਵਿਸ਼ੂ ਲੋਧੀ ਅਤੇ ਟੀਮ (ਬੀ.ਸੀ.ਏ), ਬੈਡਮਿੰਟਨ ਵਿੱਚ ਮੋਹਿਤ ਸਿੰਘ (ਬੀ.ਸੀ.ਏ)/ ਅੰਮ੍ਰਿਤਪਾਲ ਸਿੰਘ (ਬੀ.ਸੀ.ਏ) ਅਤੇ ਖੋ-ਖੋ ਵਿੱਚ ਪਵਨ ਕੁਮਾਰੀ ਅਤੇ ਟੀਮ ਜੇਤੂ ਘੋਸ਼ਿਤ ਕੀਤੇ ਗਏ। ਇਸ ਮੌਕੇ ਤੇ ਹੋਰਨਾਂ ਤੋਂ ਇਲਾਵਾ ਐਚ.ਓ.ਡੀ ਰਾਜੇਸ਼ ਕੁਮਾਰ, ਲਖਵਿੰਦਰ ਕੌਰ, ਰੂਮਾਨੀ ਗੋਸਵਾਮੀ, ਗੁਰਿੰਦਰਜੀਤ ਕੌਰ, ਸ਼ੀਨਾ ਰਾਣੀ, ਮਨਜੀਤ, ਅਮਨਪ੍ਰੀਤ ਕੌਰ, ਕਿਰਨਦੀਪ ਕੌਰ, ਸੰਦੀਪ ਕਲੇਰ, ਅਮਨਪ੍ਰੀਤ ਕੌਰ, ਪ੍ਰਿਯੰਕਾ ਰਾਣੀ, ਸ਼ਿਖਾ, ਰੀਮਾ, ਅਨੂੰ ਅਤੇ ਸੋਨਮ ਸਲਾਰੀਆ ਆਦਿ ਹਾਜ਼ਰ ਸਨ।

ਫੋਟੋ :ਚੇਅਰਮੈਨ ਚੌਧਰੀ ਕੁਮਾਰ ਰਿਬਨ ਕੱਟ ਕੇ ਪ੍ਰਤੀਯੋਗਿਤਾ ਦੀ ਸ਼ੁਰੂਆਤ ਕਰਦੇ ਹੋਏ ਅਤੇ ਟੈਗ ਆਫ ਵਾਰ ਪ੍ਰਤੀਯੋਗਿਤਾ ਦੀ ਸ਼ੁਰੂਆਤ ਕਰਵਾਉਂਦੇ ਹੋਏ ਪ੍ਰਿੰਸੀਪਲ ਡਾ. ਸ਼ਬਨਮ ਕੌਰ, ਡਾਇਰੈਕਟਰ ਡਾ. ਮਾਨਵ ਸੈਣੀ ਅਤੇ ਐਚ.ਓ.ਡੀ ਰਾਜੇਸ਼ ਕੁਮਾਰ।