ਗੜ੍ਹਦੀਵਾਲਾ (ਚੌਧਰੀ) 

14 ਜਨਵਰੀ : ਪੰਜਾਬ ਸਰਕਾਰ ਅਤੇ ਸਿਵਲ ਸਰਜਨ ਹੁਸ਼ਿਆਰਪੁਰ ਡਾ. ਪ੍ਰੀਤ ਮੋਹਿੰਦਰ ਸਿੰਘ ਜੀ ਦੇ ਦਿਸ਼ਾਂ-ਨਿਰਦੇਸ਼ਾਂ ਅਨੁਸਾਰ ਅਤੇ ਡਾ. ਹਰਜੀਤ ਸਿੰਘ ਐਸ.ਐਮ.ਓ. ਭੂੰਗਾ ਜੀ ਨੇ ਕੋਵਿਡ-19 ਮਹਾਮਾਰੀ ਦੋਰਾਨ ਕਠਿਨ ਸਮੇਂ ਵਿੱਚ ਕੀਤੀਆਂ ਡਿਊਟੀਆਂ ਲਈ ਸਮੂਹ ਹੈਲਥ ਮੁਲਾਜ਼ਮਾਂ ਨੂੰ ਪ੍ਰਸ਼ੰਸਾ ਪੱਤਰ ਪ੍ਰਦਾਨ ਕੀਤੇ ਗਏ।
ਇਸ ਮੋਕੇ ਡਾ. ਹਰਜੀਤ ਸਿੰਘ ਜੀ ਨੇ ਕਿਹਾ ਕਿ ਕੋਵਿਡ-19 ਮਹਾਮਾਰੀ ਦੋਰਾਨ ਸਿਹਤ ਵਿਭਾਗ ਪੀਐਚਸੀ ਭੂੰਗਾ ਦੇ ਸਮੂਹ ਮੁਲਾਜ਼ਮਾਂ ਨੇ ਤਨ ਦੇਹੀ ਨਾਲ ਆਪਣੀਆਂ ਡਿਊਟੀਆਂ ਨਿਭਾਈਆਂ ਸਨ। ਇਸ ਮੌਕੇ ਸਿਹਤ ਵਿਭਾਗ ਭੂੰਗਾ ਦੇ ਸਾਰੇ ਹੀ ਮੁਲਾਜ਼ਮਾਂ ਨੇ ਆਪਣੀਆਂ ਜਾਨਾਂ ਦੀ ਪ੍ਰਵਾਹ ਨਾ ਕਰਦਿਆਂ ਆਮ ਲੋਕਾਂ ਦੀ ਸਿਹਤ ਦਾ ਪੂਰਾ ਧਿਆਨ ਰਖਿਆ ਅਤੇ ਬਣਦੀਆਂ ਜ਼ਰੂਰੀ ਸਹੁਲਤਾਂ ਲੋਕਾਂ ਤੱਕ ਪਹੁੰਚਾਣੀਆਂ ਕੀਤੀਆਂ। ਸਮੇਂ ਸਮੇਂ ਤੇ ਇਸ ਮਹਾਮਾਰੀ ਪ੍ਰਤੀ ਲੋਕਾਂ ਨੂੰ ਆਪਣੀ ਸਿਹਤ ਦਾ ਪੂਰਾ ਧਿਆਨ ਰੱਖਣ ਲਈ ਜਾਗਰੂਕ ਕੀਤਾ ਗਿਆ।
ਇਸ ਮੌਕੇ ਡਾ. ਜਗਤਾਰ ਸਿੰਘ ਨੇ ਸਮੂਹ ਮੈਡੀਕਲ ਅਫਸਰ, ਫਾਰਮੇਸੀ ਅਫਸਰ, ਲੈਬ ਟੈਕਨੀਸ਼ੀਅਨ ਫਾਰਮੇਸੀ ਅਫਸਰ, ਸਟਾਫ ਨਰਸਾਂ ਸੁਪਰਵਾਈਜਰ ਮੇਲ ਅਤੇ ਫੀਮੇਲ, ਮਲਟੀਪਰਪਰਜ ਹੈਲਥ ਵਰਕਰ ਮੇਲ ਅਤੇ ਫੀਮੇਲ,ਸੀ.ਐਚ. ੳ. ਆਸ਼ਾ ਫੈਸੀਲੀਟੇਟਰ, ਆਸ਼ਾ ਵਰਕਰਾਂ ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ।
ਇਸ ਮੌਕੇ ਡਾ. ਭੂਪਿੰਦਰ, ਡਾ. ਰਾਕੇਸ਼ ਕੁਮਾਰ, ਡਾ. ਸ਼ਿਵਾਨੀ, ਡਾ. ਅਮਰਦੀਪ ਭੇਲਾ, ਅਮਨਦੀਪ ਕੋਰ, ਮਨਜੀਤ ਸਿੰਘ, ਜਸਤਿੰਦਰ ਸਿੰਘ, ਸੰਜੀਵ ਕੁਮਾਰ, ਗੁਰਦੀਪ ਸਿੰਘ, ਰਾਜੇਸ਼ ਕੁਮਾਰੀ, ਅਮਿਤ ਸ਼ਰਮਾ , ਉਮੇਸ਼ ਕੁਮਾਰ ਪਰਮਜੀਤ ਕੌਰ ਸਹਿਤ ਸਮੂਹ ਸਟਾਫ ਹਾਜਰ ਸੀ।