ਟਾਂਡਾ / ਦਸੂਹਾ (ਚੌਧਰੀ) 

15 ਜਨਵਰੀ : ਨਬਾਲਿਗਾ ਨੂੰ ਵਰਗਲਾ-ਫੁਸਲਾ ਕੇ ਕਿਧਰੇ ਲੈ ਜਾਣ ਤੇ ਇੱਕ ਨੌਜਵਾਨ ਤੇ ਟਾਂਡਾ ਪੁਲਸ ਵਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ। ਦੋਸ਼ੀ ਦੀ ਪਛਾਣ ਲੋਕੇਸ਼ ਪੁੱਤਰ ਕ੍ਰਿਸ਼ਨਾ ਵਾਸੀ ਰਾਏ ਗੜ ਥਾਣਾ ਦੇਵੰਦ ਨਗਰ ਜਿਲਾ ਪੰਨਾ ਮੱਧ ਪ੍ਰਦੇਸ਼ ਹਾਲ ਵਾਸੀ ਫੌਜੀ ਕਲੌਨੀ ਟਾਂਡਾ ਥਾਣਾ ਟਾਂਡਾ ਜਿਲਾ ਹੁਸ਼ਿਆਰਪੁਰ ਵਜੋਂ ਹੋਈ ਹੈ।

ਟਾਂਡਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਨਬਾਲਿਗਾ ਦੀ ਮਾਤਾ ( ਉਮਰ ਕਰੀਬ 35 ਸਾਲ ) ਨੇ ਕਿਹਾ ਕਿ ਉਸਦੀ ਪਹਿਲੀ ਸ਼ਾਦੀ ਹਰਜੀਤ ਮਸੀਹ ਨਾਲ ਹੋਈ ਸੀ ਤੇ ਇਸ ਸ਼ਾਦੀ ਤੋਂ ਉਸਦੇ ਦੋ ਬੱਚੇ ਲੜਕਾ ਉਮਰ 16 ਸਾਲ ਅਤੇ ਲੜਕੀ  14 ਸਾਲ ਹੈ ਜੋ ਉਸਦਾ ਹਰਜੀਤ ਮਸੀਹ ਨਾਲ ਤਲਾਕ ਹੋਣ ਤੇ ਦੂਜੀ ਸ਼ਾਦੀ ਬਲਜੀਤ ਸਿੰਘ ਨਾਲ ਹੋਈ। ਜਿਸ ਤੋਂ ਇਕ ਲੜਕੀ  ਉਮਰ 5 ਸਾਲ ਹੈ। ਉਸਦੀ ਨਬਾਲਿਗ ਲੜਕੀ  ਜੋ ਛੇਵੀ ਕਲਾਸ ਵਿੱਚ ਪੜਦੀ ਹੈ ਜਿਸਦਾ ਲੋਕੇਸ਼ ਉਕਤ ਅਕਸਰ ਪਿੱਛਾ ਕਰਦਾ ਰਹਿੰਦਾ ਸੀ। ਜਿਸਦੇ ਘਰ ਜਾ ਕੇ ਵੀ ਕਾਫੀ ਵਾਰ ਸਮਝਾਇਆ ਪਰ ਬਾਜ ਨਹੀਂ ਆਇਆ। ਕਿ ਮਿਤੀ 11-01-23 ਨੂੰ ਉਹ ਬਾਹਰ ਕੰਮ ਕਾਰ ਤੋ 3-30 ਵਜੇ ਘਰ ਆਈ ਤਾਂ ਦੇਖਿਆ ਕਿ ਉਸਦੀ ਲੜਕੀ ਘਰ ਮੌਜੂਦ ਨਹੀਂ ਸੀ। ਜਿਸਦੀ ਕਾਫੀ ਭਾਲ ਕੀਤੀ ਤਾਂ ਪਤਾਜੋਈ ਕਰਨ ਤੇ ਪਤਾ ਲੱਗਾ ਕਿ ਲੋਕੇਸ਼ ਪੁੱਤਰ ਕ੍ਰਿਸ਼ਨਾ ਵਾਸੀ ਰਾਏ ਗੜ ਥਾਣਾ ਦੇਵੰਦ ਨਗਰ ਜਿਲਾ ਪੰਨਾ ਮੱਧ ਪ੍ਰਦੇਸ਼ ਹਾਲ ਵਾਸੀ ਫੌਜੀ ਕਲੌਨੀ ਟਾਂਡਾ ਥਾਣਾ ਟਾਂਡਾ ਜਿਲਾ ਹੁਸ਼ਿਆਰਪੁਰ ਦੀ ਘਰ ਹਾਜਰ ਨਹੀਂ ਹੈ। ਉਸਨੂੰ ਪੱਕਾ ਯਕੀਨ ਹੈ ਕਿ ਉਸਦੀ ਨਾਬਾਲਗ ਲੜਕੀ ਨੂੰ ਲੋਕੇਸ਼ ਉਕਤ ਵਰਗਲਾ ਕੇ ਵਿਆਹ ਦਾ ਝਾਂਸਾ ਦੇ ਕਿਧਰੇ ਭਜਾ ਕੇ ਲੈ ਗਿਆ ਹੈ ।ਜਿਸ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।