ਗੜ੍ਹਦੀਵਾਲਾ(ਚੌਧਰੀ) 

ਵਿਧਾਇਕ ਰਾਜਾ ਗਿੱਲ ਦੇ ਪਿਤਾ ਵੱਲੋਂ ਕੀਤਾ ਗਿਆ ਉਦਘਾਟਨ

16 ਨਵੰਬਰ : ਪੰਜਾਬ ਸਰਕਾਰ ਅਤੇ ਸਿੱਖਿਆ ਵਿਭਾਗ ਦੇ ਹੁਕਮਾਂ ਅਤੇ ਸਟੇਟ ਖੇਡ ਕੈਲੰਡਰ ਅਨੁਸਾਰ  ਗੁਰਸ਼ਰਨ ਸਿੰਘ ਜਿਲ੍ਹਾ  ਸਿੱਖਿਆ ਅਫ਼ਸਰ (ਸੈ. ਸਿੱ.) ਕਮ-ਪ੍ਰਧਾਨ ਜਿਲ੍ਹਾ ਟੂਰਨਾਮੈਂਟ ਕਮੇਟੀ ਹੁਸ਼ਿਆਰਪੁਰ ਦੀ ਪ੍ਰਧਾਨਗੀ ਅਤੇ ਧੀਰਜ ਵਸ਼ਿਸ਼ਟ ਉਪ ਜਿਲ੍ਹਾ ਸਿੱਖਿਆ ਅਫ਼ਸਰ (ਸੈ. ਸਿੱ.) ਹੁਸ਼ਿਆਰਪੁਰ ਅਤੇ ਦਲਜੀਤ ਸਿੰਘ ਡੀ.ਐਮ. ਸਪੋਰਟਸ ਦੀ ਨਿਗਰਾਨੀ ਹੇਠ ਅੱਜ ਵਿਧਾਇਕ ਜਸਵੀਰ ਸਿੰਘ ਰਾਜਾ ਗਿੱਲ ਦੇ ਪਿਤਾ ਮਾਸਟਰ ਸੁਰਿੰਦਰ ਸਿੰਘ ਵੱਲੋ ਸਟੇਟ ਪੱਧਰੀ ਨੈਟਬਾਲ ਅੰਡਰ-14 ਲੜਕੇ/ਲੜਕੀਆਂ  ਦਾ ਉਦਘਾਟਨ ਕੀਤਾ ਗਿਆ ।  ਪ੍ਰਿੰਸੀਪਲ ਅਰਵਿੰਦਰ ਕੌਰ ਗਿੱਲ , ਉਕਾਰ ਸਿੰਘ ਡੀ.ਪੀ.ਈ, ਸੁਮੀਤ ਚੌਹਾਲ ਦੇ ਪ੍ਰਬੰਧ ਹੇਠ 20 ਨਵੰਬਰ ਤੱਕ ਚੱਲਣ ਵਾਲੇ  ਇਸ ਮਹੱਤਵਪੂਰਨ ਖੇਡ ਮੁਕਾਬਲੇ ਵਿੱਚ ਪੰਜਾਬ ਦੇ ਗਿਆਰਾਂ ਜਿਲ੍ਹਿਆ ਦੀਆਂ ਟੀਮਾਂ ਭਾਗ ਲੈ ਰਹੀਆਂ ਹਨ। ਇਸ ਮੌਕੇ ਮਾਸਟਰ ਸੁਰਿੰਦਰ ਸਿੰਘ, ਕੇਸ਼ਵ ਸਿੰਘ ਮੌਂਟੀ, ਰਵਿੰਦਰ ਸਿੰਘ ਭੱਟੀਆ, ਪ੍ਰਿੰਸੀਪਲ ਰਛਪਾਲ ਕੌਰ, ਜੀਵਨ ਕੁਮਾਰੀ, ਜਤਿੰਦਰ ਸਿੰਘ, ਪ੍ਰਿੰ. ਕੁਲਵੰਤ ਸਿੰਘ, ਪ੍ਰਿੰ. ਅਰਵਿੰਦਰ ਕੌਰ ਗਿੱਲ, ਸਮਰਜੀਤ ਸਿੰਘ ਜਿਲ੍ਹਾ ਮੀਡੀਆ ਕੁਆਡੀਨੇਟਰ, ਯੋਗੇਸ਼ਵਰ ਸਲਾਰੀਆ ਜਿਲ੍ਹਾ ਸ਼ੋਸ਼ਲ ਮੀਡੀਆ ਕੁਆਡੀਨੇਟਰ, ਬਲਵਿੰਦਰ ਸਿੰਘ, ਹੈੱਡਮਾਸਟਰ ਮਨੋਹਰ ਲਾਲ, ਉਂਕਾਰ ਸਿੰਘ, ਹੈੱਡਮਾਸਟਰ ਅਮਰੀਕ ਸਿੰਘ ਸ਼ਾਮਲ ਸਨ। ਅੱਜ ਪਹਿਲੇ ਦਿਨ ਮੋਗਾ ਅਤੇ ਪਟਿਆਲਾ ਦੀਆਂ ਟੀਮਾਂ ਪਟਿਆਲਾ ਜੇਤੂ ਰਿਹਾ। ਬਰਨਾਲਾ ਅਤੇ ਲੁਧਿਆਣਾ ਦੇ ਮੈਚ ਵਿੱਚ ਬਰਨਾਲਾ ਜਿਲ੍ਹਾ ਜੇਤੂ ਰਿਹਾ। ਇਸੇ ਤਰਾਂ ਫਸਵੇਂ ਮੈਚ ਵਿੱਚ ਜਿਲ੍ਹਾ ਮੁਕਤਸਰ ਨੇ ਸੰਗਰੂਰ ਨੂੰ ਹਰਾ ਕੇ ਬਾਜ਼ੀ ਮਾਰ ਲਈ ਜਦਕਿ ਮਾਨਸਾ ਜਿਲ੍ਹਾ ਫ਼ਾਜਿਲਕਾ ਨੂੰ ਹਰਾ ਕੇ ਜੇਤੂ ਰਿਹਾ। ਇਹ ਜਾਣਕਾਰੀ ਦਲਜੀਤ ਸਿੰਘ ਡੀ. ਐਮ. ਸਪੋਰਟਸ ਵੱਲੋਂ ਦਿੱਤੀ ਗਈ।

ਫੋਟੋ : ਸਟੇਟ ਪੱਧਰੀ ਨੈੱਟਬਾਲ ਮੁਕਾਬਲਿਆਂ ਦਾ ਉਦਘਾਟਨ ਕਰਦੇ ਹੋਏ ਵਿਧਾਇਕ ਰਾਜਾ ਗਿੱਲ ਦੇ ਪਿਤਾ ਮਾਸਟਰ ਸੁਰਿੰਦਰ ਸਿੰਘ, ਨਾਲ ਖੜ੍ਹੇ ਹਨ ਦਲਜੀਤ ਸਿੰਘ ਡੀ. ਐਮ. ਸਪੋਰਟਸ ਤੇ ਹੋਰ।