ਕੇ.ਐਮ.ਐਸ ਕਾਲਜ ਦਸੂਹਾ ਵਿਖੇ ਦਾਖਲਾ ਲੈਣ ਵਾਲੇ ਵਿਦਿਆਰਥੀਆਂ ਦੀਆਂ ਲੱਗੀਆਂ ਰੋਣਕਾਂ :  ਪ੍ਰਿੰਸੀਪਲ ਡਾ ਸ਼ਬਨਮ ਕੌਰ

ਦਸੂਹਾ 9 ਜੁਲਾਈ (ਚੌਧਰੀ) : ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਜਲੰਧਰ ਦੇ ਅਧੀਨ ਬੀਬੀ ਅਮਰ ਕੌਰ ਜੀ ਐਜੂਕੇਸ਼ਨਲ ਸੁਸਾਇਟੀ ਵੱਲੋਂ ਸਥਾਪਿਤ ਕੇ.ਐਮ.ਐਸ ਕਾਲਜ ਆਫ ਆਈ.ਟੀ. ਐਂਡ ਮੈਨੇਜਮੈਂਟ ਚੌ. ਬੰਤਾ ਸਿੰਘ ਕਲੋਨੀ ਦਸੂਹਾ ਦੇ ਐਡਮਿਸ਼ਨ ਸੈੱਲ ਵਿੱਚ ਕੋਵਿਡ ਪੀਰਡ ਤੋਂ ਬਾਅਦ ਟੈਕਨੀਕਲ ਅਤੇ ਹੋਰ ਜੌਬ ਓਰੀਐਂਟਡ ਕੋਰਸਾਂ ਲਈ ਇੰਨਕੁਆਰੀਜ਼ ਕਰਨ ਵਾਲੇ ਬੱਚਿਆਂ ਅਤੇ ਮਾਪਿਆ ਦੀ ਭੀੜ ਲਗੀ ਹੋਈ ਹੈ। ਕਿਉਕਿ ਕੇ.ਐਮ.ਐਸ ਕਾਲਜ ਹੀ ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਤੋਂ ਮਾਨਤਾ ਪ੍ਰਾਪਤ ਇਲਾਕੇ ਦਾ ਇਕਲੌਤਾ ਤਕਨੀਕੀ ਕਾਲਜ ਹੈ, ਜਿਸ ਵਿੱਚ ਆਈ ਟੀ ਵਿਭਾਗ ਵਿੱਚ ਬੈਚਲਰਸ ਡਿਗਰੀ, ਮਾਸਟਰਸ ਡਿਗਰੀ, ਫੈਸ਼ਨ ਡਿਜ਼ਾਇਨਿਗ ਵਿਭਾਗ ਵਿੱਚ ਵੀ ਬੈਚਲਰਸ ਡਿਗਰੀ, ਮਾਸਟਰਸ ਡਿਗਰੀ ਦੇ ਨਾਲ ਨਾਲ ਨਵੇਂ ਵਿਭਾਗ ਮੈਡੀਕਲ ਸਾਇੰਸ ਵਿੱਚ ਵੀ ਬੈਚਲਰਸ ਡਿਗਰੀ ਅਤੇ ਮਾਸਟਰ ਡਿਗਰੀ ਕੋਰਸ ਉਪਲਬੱਧ ਹਨ। ਇਸ ਤੋਂ ਇਲਾਵਾ ਬੀ.ਕੌਮ ਅਤੇ ਬੀ.ਐੱਸ.ਸੀ ਨੋਨ ਮੈਡੀਕਲ ਡਿਗਰੀ ਕੋਰਸਾਂ ਵਿੱਚ ਵੀ ਦਾਖਲਾ ਲਿਆ ਜਾ ਸਕਦਾ ਹੈ। ਇਸ ਕਾਲਜ ਨੂੰ ਸ਼ੁਰੂ ਕੀਤੇ 8 ਸਾਲਾਂ ਵਿੱਚ ਹਰ ਸਾਲ ਯੂਨੀਵਰਸਿਟੀ ਦੀ ਮੈਰਿਟ ਸੂਚੀ ਅਤੇ ਗੋਲਡ ਮੈਡਲਿਸਟ ਸੂਚੀ ਵਿੱਚ ਵਿਦਿਆਰਥੀ ਸਥਾਨ ਹਾਸਲ ਕਰਨ ਵਿਚ ਕਾਮਯਾਬ ਰਹੇ ਹਨ। ਹੁਣ ਤੱਕ ਇਸ ਕਾਲਜ ਦੇ 1000 ਤੋਂ ਵੱਧ ਵਿਦਿਆਰਥੀ ਡਿਪਲੋਮਾ, ਬੈਚਲਰਸ ਡਿਗਰੀ ਅਤੇ ਮਾਸਟਰਸ ਡਿਗਰੀ ਪੂਰੀ ਕਰਕੇ ਵੱਖ ਵੱਖ ਖੇਤਰਾਂ ਵਿੱਚ ਨੌਕਰੀਆਂ ਕਰ ਰਹੇ ਹਨ। ਇਸ ਮੌਕੇ ਤੇ ਹੋਰਨਾਂ ਤੋਂ ਇਲਾਵਾ ਚੇਅਰਮੈਨ ਚੌਧਰੀ ਕੁਮਾਰ ਸੈਣੀ, ਡਾਇਰੈਕਟਰ ਡਾ. ਮਾਨਵ ਸੈਣੀ, ਐਚ.ਓ.ਡੀ ਰਾਜੇਸ਼ ਕੁਮਾਰ ਅਤੇ ਲਖਵਿੰਦਰ ਕੌਰ ਹਾਜ਼ਰ ਸਨ।