ਹੁਸ਼ਿਆਰਪੁਰ ਚ ਤੈਨਾਤ ਪੰਜਾਬ ਪੁਲਿਸ ਦੇ DSP ਤੇ SHO ਸਮੇਤ 14 ਕਰਮਚਾਰੀਆਂ ਤੇ ਰਾਜਸਥਾਨ ਚ ਮਾਮਲਾ ਦਰਜ

ਚੰਡੀਗੜ੍ਹ /ਹੁਸ਼ਿਆਰਪੁਰ (PPT NEWS) : ਪੰਜਾਬ ਪੁਲਸ ਦੇ ਖਿਲਾਫ ਰਾਜਸਥਾਨ ਪੁਲਿਸ ਵਲੋਂ ਇੱਕ ਵੱਡੀ ਕਾਰਵਾਈ ਕੀਤੀ ਗਈ ਹੈ। ਜਿਥੇ ਰਾਜਸਥਾਨ ਪੁਲਿਸ ਵਲੋਂ ਹੁਸ਼ਿਆਰਪੁਰ ਚ ਤੈਨਾਤ ਪੰਜਾਬ ਪੁਲਸ ਦੇ ਡੀ ਐਸ ਪੀ ਤੇ ਐਸ ਐਚ ਓ ਸਮੇਤ 14 ਕਰਮਚਾਰੀਆਂ ਤੇ ਕਿਡਨੈਪਿੰਗ ਦਾ ਮਾਮਲਾ ਦਰਜ ਕੀਤਾ ਹੈ। ਜਿਕਰਯੋਗ ਹੈ ਕਿ ਹੁਸ਼ਿਆਰਪੁਰ ਪੁਲਿਸ ਨੇ ਮਾਰਚ ਦੇ ਮਹੀਨੇ ਵਿੱਚ ਇੱਕ ਹਰਨੂਰ ਨਾਮਕ ਨੌਜਵਾਨ ਨੂੰ ਭਾਰੀ ਮਾਤਰਾ ਚ ਅਫੀਮ ਸਮੇਤ ਹੁਸ਼ਿਆਰਪੁਰ ਤੋਂ ਗ੍ਰਿਫਤਾਰ ਕੀਤਾ ਦੱਸਿਆ ਗਿਆ ਸੀ। ਜਦੋਂਕਿ ਹਾਈਕੋਰਟ ਵਿਚ ਹਰਨੂਰ ਨਾਮਕ ਨੌਜਵਾਨ ਦੇ ਪਰਿਵਾਰ ਨੇ ਦਾਅਵਾ ਕੀਤਾ ਹੈ ਪੰਜਾਬ ਪੁਲਿਸ ਨੇ ਇਸ ਨੂੰ ਰਾਜਸਥਾਨ ਤੋਂ ਅਗਵਾ ਕੀਤਾ ਸੀ। ਜਿਸਦੀ ਸਾਰੀ ਵੀਡੀਓ ਫੁਟੇਜ ਮੌਜੂਦ ਹੈ। ਇਹ ਪ੍ਰਗਟਾਵਾ ਨਿਊਜ 18 ਨੇ ਆਪਣੀ ਇੱਕ ਰਿਪੋਰਟ ਚ ਕੀਤਾ ਹੈ।