ਨੇਤਰਦਾਨ ਸਭ ਦਾਨਾਂ ਵਿਚੋਂ ਸਰਬੋਤਮ ਦਾਨ ਹੈ : ਜਸਵੀਂਰ ਸਿੰਘ ਰਾਜ,ਭਾਈ ਮਸੀਤੀ

ਟਾਂਡਾ / ਗੜ੍ਹਦੀਵਾਲਾ (ਚੌਧਰੀ ) :  ਜ਼ਿਲ੍ਹਾ ਹੁਸ਼ਿਆਰਪੁਰ ਬਲਾਕ ਟਾਂਡਾ ਤੋਂ ਨੇਤਰਦਾਨ ਕਰਨ ਸਬੰਧੀ ਲੋਕਾਂ ਨੂੰ ਅੱਜ ਵੀ ਜਾਗਰੂਕ ਕਰ ਰਹੇ ਹਨ, ਟਾਂਡਾ ਤੋਂ ਐਮ ਐਲ ਏ ਜਸਬੀਰ ਸਿੰਘ ਰਾਜਾ ਨੇਤਰਦਾਨੀ ਰਿਟਾਇਰ ਡਿਪਟੀ ਡਰੈਕਟਰ ਪੰਜਾਬ ਡਾ ਕੇਵਲ ਸਿੰਘ, ਐਸ ਐਮ ਓ ਟਾਂਡਾ ਡਾ ਪ੍ਰੀਤ ਮਹਿੰਦਰ ਸਿੰਘ ਤੇ ਆਈ ਡੋਨਰ ਇੰਚਾਰਜ ਟਾਂਡਾ ਭਾਈ ਵਰਿੰਦਰ ਸਿੰਘ ਮਸੀਤੀ ਪੀ ਆਰ ਹੁਸ਼ਿਆਰਪੁਰ ਜੋ ਲੋਕਾਂ ਨੂੰ ਮਰਨ ਉਪਰੰਤ ਅੱਖਾਂ ਦਾਨ ਸਰੀਰ ਦਾ ਅਤੇ ਅੰਗ ਦਾਨ ਕਰਨ ਸਬੰਧੀ ਜਾਗਰੂਕ ਕਰ ਰਹੇ ਹਨ। ਬੀਤੇ ਦਿਨ ਨੇਤਰਦਾਨ ਅਸੋਸੀਏਸ਼ਨ ਹੁਸ਼ਿਆਰਪੁਰ (ਰਜਿ)ਦੇ ਸਰਪ੍ਰਸਤ ਪ੍ਰੋਫ਼ੈਸਰ ਬਹਾਦਰ ਸਿੰਘ ਸੁਨੇਤ ਤੇ ਸਮੂਹ ਟੀਮ ਦੇ ਸਹਿਯੋਗ ਨਾਲ ਸਰਕਾਰੀ ਹਸਪਤਾਲ ਟਾਂਡਾ ਵਿਖੇ ਜਾਗਰੁਕਤਾ ਕੈਂਪ ਲਗਾ ਕੇ ਨੇਤਰਦਾਨੀ ਡਾ ਜਸਵਿੰਦਰ ਸਿੰਘ ਤੇ ਹੋਰ 30 ਨੇਤਰ ਦਾਨੀਆਂ ਵੱਲੋਂ ਆਪਣੀ ਮੌਤ ਤੋਂ ਉਪਰੰਤ ਅੱਖਾਂ ਦਾਨ ਕਰਨ ਸਬੰਧੀ ਨੇਤਰ ਦਾਨ ਕਰਨ ਸਬੰਧਤ ਫਾਰਮ ਨੇਤਰਦਾਨ ਸੰਸਥਾ ਤੋ ਭਰਵਾਏ ਗਏ,ਇਸ ਮੌਕੇ ਤੇ ਬੋਲਦਿਆਂ ਐਮ ਐਲ ਏ ਟਾਂਡਾ ਜਸਵੀਰ ਸਿੰਘ ਰਾਜਾ ਨੇ ਆਖਿਆ ਕਿ ਨੇਤਰਦਾਨ ਸਭ ਦਾਨਾਂ ਤੋਂ ਸਰਬੋਤਮ ਦਾਨ ਹੈ। ਸਾਡੀਆਂ ਅੱਖਾਂ ਮਰਨ ਤੋਂ ਬਾਅਦ ਵੀ ਨੇਤਰਹੀਣਾਂ ਨੂੰ ਰੌਸ਼ਨੀ ਦੇ ਕੇ ਜਿਊਂਦੀਆਂ ਰਹਿ ਸਕਦੀਆਂ ਹਨ, ਇਸ ਮੌਕੇ ਸੀਨੀਅਰ ਮੈਡੀਕਲ ਅਫ਼ਸਰ ਟਾਂਡਾ ਡਾ ਪ੍ਰੀਤ ਮਹਿੰਦਰ ਸਿੰਘ ਨੇ ਆਪਣੇ ਸੰਬੋਧਨ ਦੌਰਾਨ ਬੋਲਦਿਆਂ ਦੱਸਿਆ ਕਿ ਇਨਸਾਨ ਦੀ ਮੌਤ ਤੋਂ 8 ਘੰਟੇ ਦੇ ਅੰਦਰ ਅੰਦਰ ਮ੍ਰਿਤਕ ਦੀਆਂ ਅੱਖਾਂ ਦਾਨ ਕੀਤੀਆਂ ਜਾ ਸਕਦੀਆਂ ਹਨ,ਸਾਬਕਾ ਡਿਪਟੀ ਡਾਇਰੈਕਟਰ ਡਾ ਕੇਵਲ ਸਿੰਘ ਨੇ ਦੱਸਿਆ ਕਿ ਇੱਕ ਨੇਤਰਦਾਨੀ ਮਰਨ ਉਪਰੰਤ 2 ਨੇਤਰਹੀਣਾ ਨੂੰ ਰੋਸ਼ਨੀ ਦੇ ਜਾਂਦਾ ਹੈ,ਇਸ ਮੌਕੇ ਤੇ ਭਾਈ ਬਰਿੰਦਰ ਸਿੰਘ ਮਸੀਤੀ ਨੇ ਦੱਸਿਆ ਕਿ ਮਰਨ ਉਪਰੰਤ ਅੱਖਾਂ ਦਾਨ ਕਰਨ ਸਬੰਧੀ ਨੇਤਰਦਾਨੀ ਪਰਿਵਾਰ ਜੋ ਸਾਡੀ ਨੇਤਰਦਾਨ ਐਸੋਸੀਏਸ਼ਨ ਹੁਸ਼ਿਆਰਪੁਰ ਦੀ ਹੈਲਪਲਾਈਨ ਨੰ: 9478757875 ਤੇ ਸੰਪਰਕ ਕਰ ਸਕਦੇ ਹਨ।ਇਸ ਮੌਕੇ ਤੇ ਨੇਤਰਦਾਨ ਕਰਨ ਵਾਲੇ ਡਾ ਜਸਵਿੰਦਰ ਸਿੰਘ ਦਾ ਸਰਕਾਰੀ ਹਸਪਤਾਲ ਟਾਂਡਾ ਵਿਖੇ ਅੱਖਾਂ ਦਾਨ ਕਰਨ ਲਈ ਜਸਵੀਰ ਸਿੰਘ ਰਾਜਾ ਤੇ ਭਾਈ ਵਰਿੰਦਰ ਸਿੰਘ ਮਸੀਤੀ ਨੇ ਨੇਤਰਦਾਨ ਐਸੋਸੀਏਸ਼ਨ ਵੱਲੋ ਭੇਜਿਆ ਗਿਆ ਸਰਟੀਫੀਕੇਟ ਭੇਂਟ ਕੀਤਾ।ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਗੁਰਪ੍ਰੀਤ ਸਿੰਘ, ਜਸਵੀਰ ਸਿੰਘ ਤੇ ਸਮੂਹ ਟੀਮ ਹਾਜ਼ਰ ਸਨ।