ਆਦਰਸ਼ ਮਾਤਾ ਵਿਸ਼ੇ ਸਬੰਧੀ ਕੈਂਪ ਦਾ ਆਯੋਜਨ 

ਕਾਠਗਡ਼੍ਹ, 22 ਮਾਰਚ (ਜਤਿੰਦਰ ਪਾਲ ਸਿੰਘ ਕਲੇਰ ) ਪਿੰਡਟੌਂਸਾ ਦੇ ਸ਼ੀਤਲਾ ਮਾਤਾ ਮੰਦਰ ਵਿਖੇ ਆਦਰਸ਼ ਮਾਤਾ ਵਿਸ਼ੇ ਸਬੰਧੀ ਕਮਿਊਨਿਟੀ ਹੈਲਥ ਕੇਅਰ ਸੁਸਾਇਟੀ ਟੌਂਸਾ ਵੱਲੋਂ ਇਕ ਕੈਂਪ ਦਾ ਆਯੋਜਨ ਕੀਤਾ ਗਿਆ।  ਕੈਂਪ ਦੌਰਾਨ ਹੈਲਥ ਕੇਅਰ ਸੋਸਾਇਟੀ ਦੇ ਡਾ. ਰਮੇਸ਼ ਕੁਮਾਰ ਨੇ ਇਕੱਤਰ ਔਰਤਾਂ ਨੂੰ ਸਿਹਤ ਸਬੰਧੀ ਕੁਝ ਸਵਾਲ ਪੁੱਛੇ ਜਿਨ੍ਹਾਂ ਦੇ ਜਵਾਬ ਔਰਤਾਂ ਨੇ ਦਿੱਤੇ । ਇਸੇ ਤਰ੍ਹਾਂ ਡਾਕਟਰ ਵਲੋਂ ਔਰਤਾਂ ਨੂੰ ਸਿਹਤ ਸਬੰਧੀ ਸੁਚੇਤ ਰਹਿਣ ਬਾਰੇ ਵਿਸਥਾਰ ਵਿੱਚ ਜਾਣਕਾਰੀ ਦਿੱਤੀ ਗਈ । ਪੁੱਛੇ ਗਏ  ਸਵਾਲਾਂ ਦੇ ਸਹੀ ਜਵਾਬ ਦੇਣ ਵਾਲੀਆਂ ਔਰਤਾਂ ਵਿਚ ਫਸਟ ਸੈਕਿੰਡ ਤੇ ਥਰਡ ਰਹੀਆਂ ਸੁਮਨ, ਪੂਜਾ ਤੇ ਮਨਜੀਤ ਨੂੰ ਹੈਲਥ ਟੀਮ ਵੱਲੋਂ ਸਨਮਾਨਤ ਵੀ ਕੀਤਾ ਗਿਆ।ਇਸ ਮੌਕੇ ਹੈਲਥ ਕੇਅਰ ਸੁਸਾਇਟੀ ਦੀਆਂ ਏ ਐੱਨ ਐੱਮਜ਼ ਜਸਵਿੰਦਰ ਕੌਰ ਤੇ ਆਸ਼ਾ ਮੁੱਖ ਰੂਪ ਵਿਚ ਮੌਜੂਦ ਸਨ