ਚੱਬੇਵਾਲ / ਹੁਸ਼ਿਆਰਪੁਰ (PPT NEWS) 

11 ਜੁਲਾਈ : 6 ਕਿੱਲੋਗ੍ਰਾਮ ਚੁਰਾ ਪੋਸਤ ਸਮੇਤ ਇੱਕ ਨੌਜਵਾਨ ਨੂੰ ਚੱਬੇਵਾਲ ਪੁਲਿਸ ਨੇ ਕਾਬੂ ਕੀਤਾ ਹੈ ।ਮੁਲਜ਼ਮ ਦੀ ਪਛਾਣ ਵਾਜਿਦ ਅਲੀ ਪੁੱਤਰ ਸਾਬਿਰ ਅਲੀ ਵਾਸੀ ਪਿੰਡ ਚੰਦਪੁਰਾ ਜਿਲਾ ਬਦਾਯੂੰ ਸਟੇਟ ਉੱਤਰ ਪ੍ਰਦੇਸ਼ ਹਾਲ ਵਾਸੀ ਐਸ ਬੀ ਆਈ ਇੱਟਾਂ ਦਾ ਭੱਠਾ ਪਿੰਡ ਬਸੀਂ ਜੌੜਾ ਵਜੋਂ ਹੋਈ ਹੈ।

ਮਾਨਯੋਗ ਸਰਤਾਜ ਸਿੰਘ ਚਾਹਲ ਆਈ.ਪੀ.ਐਸ ਸੀਨੀਅਰ ਪੁਲਿਸ ਕਪਤਾਨ, ਜਿਲ੍ਹਾ ਹੁਸ਼ਿਆਰਪੁਰ ਵਲੋਂ ਨਸ਼ੇ ਤਸਕਰਾਂ ਅਤੇ ਭੈੜੇ ਪੁਰਸ਼ਾਂ ਦੇ ਖਿਲਾਫ ਚਲਾਈ ਮੁਹਿੰਮ ਤਹਿਤ ਸਰਬਜੀਤ ਸਿੰਘ ਬਾਹੀਆ ਐਸ.ਪੀ. ਇੰਨਵੈਸਟੀਗੇਸ਼ਨ ਦੀ ਨਿਗਰਾਨੀ ਹੇਠ ਅਤੇ ਦਲਜੀਤ ਸਿੰਘ ਖੱਖ ਪੀ ਪੀ ਐਸ ਡੀ.ਐੱਸ.ਪੀ ਸਬ ਡਵੀਜਨ ਦੀ ਯੋਗ ਰਹਿਨੁਮਾਈ ਹੇਠ ਇੰਸ: ਜਸਬੀਰ ਸਿੰਘ ਮੁੱਖ ਅਫਸਰ, ਥਾਣਾ ਚੱਬੇਵਾਲ ਹੁਸ਼ਿਆਰਪੁਰ ਦੀ ਟੀਮ ਨੂੰ ਉਸ ਸਮੇਂ ਵੱਡੀ ਕਾਮਯਾਬੀ ਮਿਲੀ ।ਜਦੋਂ ਐਸ.ਆਈ ਗੁਰਸਾਹਿਬ ਸਿੰਘ ਸਮੇਤ ਪੁਲਿਸ ਪਾਰਟੀ ਬਾ-ਸਿਲਸਿਲਾ ਨਾਕਾਬੰਦੀ ਚੈਕਿੰਗ ਬਾ-ਗਸਤ ਦੇ ਸਬੰਧ ਵਿਚ ਬਸੀਂ ਜੌੜਾ ਨਹਿਰ ਪੁੱਲ ਤੇ ਮੋਜੂਦ ਸੀ ਤਾਂ ਪਿੰਡ ਬਸੀ ਜੌੜਾ ਵਲੋਂ ਇੱਕ ਮੋਟਰ ਸਾਈਕਲ ਮਾਰਕਾ ਸਪਲੈਂਡਰ ਪਲੱਸ ਬਿਨਾਂ ਨੰਬਰੀ ਪਰ ਇੱਕ ਮੌਨਾ ਨੌਜਵਾਨ ਆਉਂਦਾ ਦਿਖਾਈ ਦਿੱਤਾ ਜਿਸ ਨੂੰ ਰੋਕ ਕੇ ਉਸ ਦਾ ਨਾਮ ਪਤਾ ਪੁੱਛਣ ਤੇ ਉਸ ਨੇ ਆਪਣਾ ਨਾਮ ਵਾਜਿਦ ਅਲੀ ਪੁੱਤਰ ਸਾਬਿਰ ਅਲੀ ਵਾਸੀ ਪਿੰਡ ਚੰਦਪੁਰਾ ਜਿਲਾ ਬਦਾਯੂੰ ਸਟੇਟ ਉੱਤਰ ਪ੍ਰਦੇਸ਼ ਹਾਲ ਵਾਸੀ SBI ਇੱਟਾਂ ਦਾ ਭੱਠਾ ਪਿੰਡ ਬਸੀਂ ਜੌੜਾ ਦੱਸਿਆ। ਜਿਸ ਤੇ ਉਸ ਵਲੋਂ ਮੋਟਰ ਸਾਈਕਲ ਦੀ ਟੈਂਕੀ ਤੇ ਰੱਖੇ ਬੋਰੇ ਨੂੰ ਚੈੱਕ ਕੀਤਾ ਗਿਆ।ਜਿਸ ਵਿੱਚੋਂ ਕੁੱਲ 6 ਕਿੱਲੋਗ੍ਰਾਮ ਚੁਰਾ ਪੋਸਤ ਬ੍ਰਾਮਦ ਕੀਤਾ ਗਿਆ।ਜਿਸ ਨੂੰ ਗ੍ਰਿਫਤਾਰ ਕਰਕੇ ਮੁਕੱਦਮਾ ਨੰਬਰ 59 ਮਿਤੀ 10-7-23 ਅਧ 15-61-85 ਐਨ ਡੀ ਪੀ ਐਸ ਐਕਟ ਥਾਣਾ ਚੱਬੇਵਾਲ ਦਰਜ ਰਜਿਸਟਰ ਕੀਤਾ ਗਿਆ।ਦੋਸ਼ੀ ਤੋਂ ਹੋਰ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।ਮੁਕੱਦਮਾ ਦੀ ਤਫਤੀਸ਼ ਜਾਰੀ ਹੈ।