ਫਗਵਾੜਾ (ਲਾਲੀ ਦਾਦਰ )

ਪਿੰਡ ਖਲਵਾੜਾ ਵਿਖੇ ਪ੍ਰਵਾਸੀ ਭਾਈਚਾਰੇ ਵੱਲੋਂ ਸ਼ਰਧਾਪੂਰਵਕ ਮਨਾਇਆ ਛੱਠ ਪੂਜਾ ਦਾ ਤਿਓਹਾਰ

31 ਅਕਤੂਬਰ :  ਫਗਵਾੜਾ ਦੇ ਨੇੜਲੇ ਪਿੰਡ ਖਲਵਾੜਾ ਵਿਖੇ ਯੂ.ਪੀ., ਬਿਹਾਰ ਤੇ ਬੰਗਾਲ ਸਮੇਤ ਹੋਰ ਪੂਰਬੀ ਰਾਜਾਂ ਤੋਂ ਆ ਕੇ ਵਸੇ ਪ੍ਰਵਾਸੀ ਭਾਈਚਾਰੇ ਵੱਲੋਂ ਛੱਠ ਪੂਜਾ ਦਾ ਤਿਓਹਾਰ ਸ੍ਰੀ ਛੱਠ ਪੂਜਾ ਕਮੇਟੀ ਦੀ ਅਗਵਾਈ ਹੇਠ ਬਹੁਤ ਹੀ ਸ਼ਰਧਾਪੂਰਵਕ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਔਰਤਾਂ ਵੱਲੋਂ ਵਰਤ ਰੱਖ ਕੇ ਖੇਡ ਸਟੇਡੀਅਮ ਦੇ ਨਜਦੀਕ ਤਲਾਬ ‘ਚ ਧਾਰਮਿਕ ਰਸਮਾਂ ਨਿਭਾਈਆਂ ਗਈਆਂ। ਐਤਵਾਰ ਸ਼ਾਮ ਨੂੰ ਢੱਲਦੇ ਅਤੇ ਸੋਮਵਾਰ ਸਵੇਰੇ ਚੜ੍ਹਦੇ ਸੂਰਜ ਨੂੰ ਅਰਘ ਦੇ ਕੇ ਔਰਤਾਂ ਨੇ ਸੁੱਖ ਸ਼ਾਂਤੀ ਦੀ ਅਰਦਾਸ ਕੀਤੀ। ਤਲਾਬ ਦੇ ਕਿਨਾਰੇ ´ਤੇ ਪਿੰਡੀਆਂ ਸਥਾਪਤ ਕੀਤੀਆਂ ਗਈਆਂ ਸਨ। ਪ੍ਰਵਾਸੀ ਭਾਈਚਾਰੇ ਵੱਲੋਂ ਡੀ.ਜੇ. ਦੀ ਧੁੰਨ ´ਤੇ ਨੱਚ ਗਾ ਕੇ ਅਤੇ ਪਟਾਖੇ ਚਲਾ ਕੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਗਿਆ। ਕਮੇਟੀ ਪ੍ਰਧਾਨ ਰਾਧੇ ਸਾਹਨੀ ਅਤੇ ਕਮੇਟੀ ਮੈਂਬਰਾਂ ਰਾਮੂ ਸਾਹਨੀ, ਸੰਤ ਲਾਲ ਪਾਸਵਾਨ, ਵਿਨੋਦ ਪਾਸਵਾਨ, ਉੱਤਮ ਪਾਸਵਾਨ, ਨੰਦੂ ਪਾਸਵਾਨ ਤੇ ਵਿਜੇ ਪਾਸਵਾਨ ਨੇ ਛੱਠ ਪੂਜਾ ਦੇ ਮਹੱਤਵ ਬਾਰੇ ਚਾਨਣਾ ਪਾਉਂਦਿਆਂ ਦੱਸਿਆ ਕਿ ਔਰਤਾਂ ਆਪਣੇ ਬੱਚਿਆਂ ਅਤੇ ਪਤੀ ਦੀ ਤੰਦਰੁਸਤੀ ਲਈ ਵਰਤ ਰੱਖਦੀਆਂ ਹਨ। ਮਾਨਤਾ ਹੈ ਕਿ ਛੱਠੀ ਮਈਆ ਦਾ ਵਰਤ ਰੱਖਣ ਨਾਲ ਔਲਾਦ ਤੋਂ ਵਾਂਝੀਆਂ ਔਰਤਾਂ ਨੂੰ ਸੰਤਾਨ ਦੀ ਪ੍ਰਾਪਤੀ ਹੁੰਦੀ ਹੈ। ੲਿਸ ਮੌਕੇ ਪੰਜਾਬੀ ਭਾੲੀਚਾਰੇ ਨੇ ਵੀ ਪਰਵਾਸੀ ਭਾੲੀਚਾਰੇ ਨੂੰ ਵਧਾੲੀ ਦਿੱਤੀ। ਇਸ ਮੌਕੇ ਅਜੇ ਕੁਮਾਰ, ਮਨੋਜ ਕੁਮਾਰ, ਰਾਮ ਸਿੰਘ ਪਾਸਵਾਨ, ਮਨਜੀਤ ਕੁਮਾਰ, ਸ਼ੈਲੀ ਪਾਸਵਾਨ, ਰਿਤਿਕ ਪਾਸਵਾਨ, ਨੈਣਾ ਕੁਮਾਰੀ, ਨਜੀਰ ਸ਼ਾਹ, ਦੀਪ ਕੁਮਾਰ, ਦਿਨੇਸ਼ ਪਾਸਵਾਨ, ਲਛਮਣ ਪਾਸਵਾਨ, ਰਾਜੂ, ਦਿਨਵੇਸ਼ਵਰ ਪਾਸਵਾਨ, ਸ਼ੰਕਰ ਪਾਸਵਾਨ, ਵਿਜੇ ਪਾਸਵਾਨ ਅਤੇ ਮੰਗਲੂ ਪਾਸਵਾਨ ਆਦਿ ਹਾਜਰ ਸਨ।
ਤਸਵੀਰ ਕੈਪਸ਼ਨ- ਪਿੰਡ ਖਲਵਾੜਾ ਵਿਖੇ ਛਠ ਪੂਜਾ ਦੀਆਂ ਧਾਰਮਿਕ ਰਸਮਾ ਨਿਭਾਉਂਦੇ ਹੋਏ ਪ੍ਰਵਾਸੀ ਭਾਈਚਾਰੇ ਦੇ ਲੋਕ।